« E hara ānei te fa’ahina’arora’a ta’ata nō tōna iho ’āpeni ? » Te fa’ahina’arora’a ta’ata nō tōna iho ’āpeni : Feiā fa’atere o te ’Ēkālesia (2020)
« E hara ānei te fa’ahina’arora’a ta’ata nō tōna iho ’āpeni ? » Te fa’ahina’arora’a ta’ata nō tōna iho ’āpeni : Feiā fa’atere o te ’Ēkālesia
E hara ānei te fa’ahina’arora’a ta’ata nō tōna iho ’āpeni ?
E ’ere te mau mana’o i te hara
E ’ere te mau mana’o fa’ahina’arora’a ta’ata nō tōna iho ’āpeni i te hara. ’Ua ha’api’i te peresideni M. Russell Ballard :
« E parau pāpū tātou : Tē ti’aturi nei Te ’Ēkālesia a Iesu Mesia i te Feiā Mo’a i te mau Mahana Hope’a nei ē ‘e ’ohipa ’ātitirau mau nō te mau ta’ata e rave rahi te fa’arurura’a i te fa’ahina’arora’a ta’ata nō tōna iho ’āpeni. E ’ere te fa’ahina’arora’a i te hara, ’o te fa’a’ohipara’a rā i te reira. Noa atu ē ’aita te mau ta’ata e mā’iti nei ’ia fa’atupu i te reira mau fa’ahina’arora’a, nā rātou e mā’iti e nāhea i te pāhono i te reira. Nā roto i te here ’e te hāro’aro’a, tē toro nei te ’Ēkālesia i tōna rima i te mau tamari’i ato’a a te Atua ’e tae noa atu [ia rātou e fa’ahina’arora’a ta’ata nō tō rātou iho ’āpeni]’» (« The Lord Needs You Now! [Tē hina’aro nei te Fatu ia ’outou i teienei !] », Liahona, Tetepa 2015, 15).
Noa atu ā e ’ere te fa’ahina’arora’a ta’ata nō tōna iho ’āpeni i te hara, e nehenehe rā te reira e riro ’ei tāmatara’a. Noa atu ’aita te hō’ē ta’ata i mā’iti ’ia fa’atupu i te reira mau mana’o, e nehenehe tāna e fafau ’ia ha’apa’o i te mau fa’auera’a a te Atua. Te metua e tamari’i tāna e nā roto i te fa’ahina’arora’a ta’ata nō tōna iho ’āpeni ’aore rā, ’o tē parau e homo’āpeni ’oia, e mea ti’a iāna ’ia mā’iti ’ia here ’e ’ia tauahi i te reira tamari’i. ’Ei autahira’a melo nō te ’Ēkālesia tātou, ’ei mā’itia ato’a ïa ’ia fa’atupu i te autahira’a mānava ta’ata.