Pe malamalama moni ea le Faaola i le mea lea e feagai ma a’u?

E Malamalama le Faaola ia te A’u

Matamata le vitio a Elder Holland “The Savior Understands Me.”

E I Ai Le Alofa Faavauvau Paia o le Faaola

E i ai i le Faaola se malamalama atoatoa i o tatou faigata. I le avea ai ma tagata faaletino, ua tapulaa ai lo tatou malamalama. E mafai ona tatou tautino faatasi atu ma Nifae ua tatou “iloa e alofa o ia i ana fanau; e ui i lea, [tatou] te le iloa le uiga o mea uma” (1 Nifae 11:17).

A o tatou sailia ni tali ma le taitaiga mo la tatou malaga faaletagata lava ia, e mafai ona tatou faalagolago i le Atua ma le mana o loo i ai i le taulaga togiola a Iesu Keriso. Ina ua tauaveina e Iesu Keriso i Ona lava luga agasala a le lalolagi, sa Ia lagonaina foi tiga ma mafatiaga uma e mafai ona oo i ai soo se tagata soifua.

“Aua o ona po nei tatou te vaavaai ai faanenefu i le faata, a o ia ona po tatou te fesagai ai; o nei ona po ou te iloa ai faaleatoa, a o ia ona po ou te iloa tino ai, pei ona iloatinoina o a’u” (1 Korinito 13:12).

“Ma o le a afio atu o ia, ma mafatia i tiga ma puapuaga ma faaosoosoga o ituaiga eseese uma; ma o le a oo ia te ia nei mea, ina ia mafai ona faataunuuina o le upu ua fai mai, o le a ia ave i ona luga tiga ma ma’i o ona tagata” (Alema 7:11).