Pe tatau ona ou faailoa atu pe ta’u i isi?

Mea e Mafaufau i Ai

Mo nisi tagata, o le taofia faalilolilo o lagona o le tosina atu i le itupa e tasi e mafai ona tupu ai le maasiasi po o se talanoaga le lelei faalilolilo. O le faasoa atu o na lagona i se uo faatuatuaina e mafai ona maua ai le toomaga ma se faamalologa. Peitai, o nisi e momoo maimau pe ana faatali umi atu pe faatapulaa foi le toatele o tagata latou te faailoa atu i ai o latou lagona, o lenei la faaiuga e le tatau ona fua i luga o le gauai atu i uunaiga e “faailoa atu” faalauaitele pe ta’u atu faasamasamanoa o ia o se tane e tosina atu i se tane (gay). Afai e te filifili e faailoa atu lagona o le tosina atu i le itupa e tasi, ia mafaufau ma le agaga tatalo po o ai e te fia manao e tau atu i ai ma pe faapefea foi ona e faasoa atu lenei vaega o lou aafiaga faaleolaga nei.

Afai e te filifili e faasoa atu ou aafiaga o le lagonaina o le tosina atu i le itupa e tasi pe faailoa faalauaitele atu foi o oe o se faafine, e tatau ona lagolagoina ma taulimaina oe ma le agalelei ma le faaaloalo, i le aiga ma le ekalesia. E manaomia ona tatou onosai uma i le tasi ma le isi a o tatou taumafai e malamalama i nei mea.

I le avea ai ma tagata o le Ekalesia, ua tofu i tatou uma ma se tiutetauave e atiae se siosiomaga lagolagosua ma agaalofa mo o tatou uso ma tuafafine uma. O se faatulagaga lagolagosua faapenei e matua faigofie ai lava ona ola i le talalelei ma saili atu i le Agaga a o feasaa’i ai i soo se vaega o le olaga faaletino.