O le a le mea e tatau ona ou faia pe a ou loto popole pe atuatuvale pe i ai ni mafaufauga e pule i le ola?

Laina Fesoasoani mo Faalavelave

Alu i le “In Crisis? Talk Now.” mo meafaigaluega faaopoopo ma le auaunaga.

Loto Popole ma le Pule i le Ola

O tagata ua aafia i le tosina atu i le itupa e tasi pe ua faailoaina i latou lava o ni faafafine e ono maualuga atu le tulaga lamatia mo le loto popole po o le pule i le ola. O tagata e loto popole pe ua ono mafaufau e pule i le ola e manaomia ona iloa e alofagia i latou ma e tatau ona faasino atu i se polofesa tomai faapitoa mo le soifua maloloina faalemafaufau. O punaoa faaopoopo o loo tautalagia ai le pule i le ola, e pei o le Thoughts of Suicide, e mafai ona maua i le Life Help and Self-Reliance i luga o le ChurchofJesusChrist.org po o le polokalama o le Gospel Library app.

E Moni ia Faalogona

O faalogona o le loto popole e moni ma e mafai ona lofituina pe faavaivaia ai. E tele taimi, e mafai ai ona fesoasoani ia le faufautua faapolofesa ma le tausiga faafomai, i tagata e taulima ai le loto popole. A oo ina liliu atu faalogona o le loto popole i mafaufauga e pule i le ola, e taua tele ona i ai se tasi e talanoa i ai. O tagata e ono pule i le ola ua i ai i se tiga ogaoga faaletino, faalemafaufau, pe faalelagona; e tele foi ina faaesea; ma e ono lagonaina foi ua leai se faamoemoe mo le lumanai. Atonu latou te lagona ua leai se isi auala e faamuta ai le tiga ogaoga sei vagana ai o le faaumaina o o latou lava ola. O mafaufauga i le oti e ala i le pule i le ola e tele ina mafaufau i ai, fuafua i ai, me toe mafaufauina a o lei faia lava se isi taumafaiga. I lenei vaitaimi o le mafaufau loloto, e mafai ona laveaia se ola i se faalavefau.

O le puipuia o le pule i le ola e amata i le amanaiaina o faailoga lapata’i. Mo se lisi o faailoga lapata’i, faamolemole asiasi i le American Foundation of Suicide Prevention.

Talanoa i se Tasi E Te Faatuatuaina

Afai e foliga mai ua lamatia se tasi, o le mea aupito sili e mafai e se tasi ona fai o le talanoa lea ia i latou e uiga i ai. Atonu e foliga mai e mataga pe ua osovale, ae o tagata ua loto popole e tele lava ina matua manaomia vave lava se tasi e talanoa i ai, se tasi e fesoasoani ia i latou e faatulaga o latou mafaufauga ma lagona. E ono faigata nei talatalanoaga, ae e taua tele i le tuuitiitia o lagona o le faaesea, ma le leai o se faamoemoe ia e mafai ona taunuu i le pule i le ola. Afai e foliga mai ua i ai loa lava se tagata i le tulaga matautia o le taumafai e pule i le ola, vili le laina o le puipuiga o le ola a le atunuu i le 1-800-273-TALK (8255).

O Le Agaalofa o le Ki Lea

Na saunoa ma le agaalofa ia Elder Jeffrey R. Holland o le Korama a Aposetolo e Toasefululua uiga i le loto popole:

“Po o a lava mea o outou tauivi o’u uso e ma tuafafine—faalemafaufau pe faalelagona pe faaletino po o le a lava—aua e te filifili e faasaga i le taua tele o le ola e ala i le faamutaina! Faalagolago i le Atua. Taofimau i Lona alofa. Ia iloa o le a i ai le aso e susulu mai ai se malamalama ma mou atu ai le pogisa o tiga faaletino. E ui lava atonu tatou te lagonaina ‘peiseai [o i tatou o] se ipu ua nutililii,’ e pei ona fai mai ai le fai Salamo, ae e tatau ona tatou manatua, o lena ipu o loo i ai i aao o le tufuga faalelagi” (“Peiseai o se Ipu ua Nutililii,” Liahona, Nov. 2013, 42).