Akonaki ʻa e Kau Palesitení
Fakamatala Fakahisitōlia Nounou

Fakamatala Fakahisitōlia Nounou

ʻOku ʻikai ko ha tohi hisitōlia ʻeni, ka ko hano fakatahatahaʻi ʻo e ngaahi tefitoʻi moʻoni ʻo e ongoongoleleí ʻo hangē ko hono akoʻi ʻe Palesiteni Hāloti B. Lií. Neongo ia, koeʻuhí ke tau lava ʻo fokotuʻu ʻa e ngaahi akonakí ʻi honau tuʻunga he hisitōliá, ʻoku ʻoatu ai ʻa e lisi ko ʻení ke ne fakamatalaʻi nounou ha niʻihi ʻo e ngaahi meʻa mahuʻinga ne hoko i heʻene moʻuí ʻoku fekauʻaki tonu mo ʻene ngaahi akonakí.

1899, Māʻasi ʻaho 28:

Fanauʻi ʻa Hāloti B. Lī kia Samuela Melioni mo Luʻisa ʻEmeline Pingihemi Lī, ʻi Kilifitoni he Potufonua ʻOneitá ʻi ʻAitahō.

1907, Sune ʻaho 9:

Papitaiso ʻe Lesitā Paipī (Lester Bybee), ʻi Kilifitoni ʻi ʻAitahō (8; ko e fika ʻi he loto haʻí ko e taʻu motuʻa ia ʻo Hāloti B. Lií).

1912, faʻahitaʻu fakatōlau:

Hū ki he Akoʻanga ʻo e Siteiki ʻOneitá, ʻi Pelesitoni ʻi ʻAitahō, ʻo na kalasi fakataha ai mo ʻĒsela Tafu Penisoni (13).

1916, faʻahitaʻu māfaná:

Hū ki he Ako Fakafaiako Fakasiteiti ʻAlapioní ʻi ʻAitahō (17).

1916–17, faʻahitaʻu momokó:

Faiako ʻi he ʻApiako Silver Star, ofi ki Uesitoni ʻi ʻAitahō (17).

1918–20:

Puleako ʻi he ako fakavahé ʻi ʻOkisifooti ʻi ʻAitahō (18–21).

1920–22:

Faifekau, he Misiona ʻo e Ngaahi Siteiti Fakahihifó, Tenivā ʻi Kololato (21–23).

1923, faʻahitaʻu māfaná:

Hū ki he ʻUnivēsiti ʻo ʻIutaá. Toki fakaʻosi ki mui hono mataʻi tohí ʻi he ako feʻaveaki mo ha ngaahi kalasi ako tuaʻā (24).

1923, Nōvema 14:

Mali mo Feni Lusinita Tena ʻi he Temipale Sōlekí (24).

1923–28:

Puleako ʻo e Ongo ʻApiako ko e Whittier mo e Woodrow Wilson, ʻi Sōleki Siti (24–29).

1930, ʻOkatopa 26:

Vaheʻi ko e palesiteni ʻo e Siteiki Paioniá, 1930–37 (31).

1933, Nōvema 7:

Fili ke hoko ko e Komisoni ʻo Sōleki Sití ʻo ngāue ai mei he 1933–37 (34).

1935, ʻEpeleli 20:

Vahe ʻe he Kau Palesitenisī ʻUluakí ʻa Hāloti B. Lī ke ne fokotuʻutuʻu ha polokalama tokoni ki he kau masivá (36).

1936, ʻEpeleli 18:

Ui ko e talēkita pule ʻo e palani maluʻi ʻa e Siasí (liliu ki mui ko e polokalama uelofea ʻa e Siasí) (37).

1939, ʻEpeleli 16:

ʻOsi hono langa ʻo e ʻuluaki fale tukuʻanga koloa ʻi he Uelofea Sikueá ʻi Sōleki Siti (40).

1941, ʻEpeleli 6:

Fokotuʻu ko e mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá (42). Fakanofo he ʻaho 10 ʻo ʻEpeleli 1941.

1954:

Fakahoko ha ngaahi konifelenisi maʻae kau sōtiá ʻi Siapani, Kōlea, ʻOkinaua, Filipaini, pea mo Kuamu (55).

1958, ʻAokosi, ʻAʻahi ki ʻAfilika

Tonga mo Pālesitaine (59).

1960, Māʻasi 27:

Fokotuʻu ʻa e ʻuluaki siteiki ʻi ʻIulopé ʻi Menisesitā ʻi ʻIngilani (60).

1961, Sepitema 30:

ʻI he tuʻutuʻuni ʻa e Kau Palesitenisī ʻUluakí, naʻá ne fakahā ai ʻa e palani ki hono fakafekauʻaki ʻo e ngaahi polokalama kotoa ʻa e Siasí (62).

1962, Sepitema 24:

Pekia ʻa Feni Lusinita Tena, uaifi ʻo Hāloti B. Lií (63).

1963, Sune 17:

Mali mo Filita Soane Seniseni ʻi he Temipale Sōlekí (64).

1965, ʻAokosi 27:

Pekia ʻa Maulini Lī Uilikinisoni, ko e ʻofefine ʻo Hāloti B. Lī (67).

1970, Sānuali 23:

Fokotuʻu ko e Palesiteni ʻo e Kōlomu ʻo e Kau ʻAposetolo ʻe Toko Hongofulu Mā Uá mo Tokoni ʻUluaki kia Palesiteni Siosefa Filitingi Sāmita (70).

1972, Siulai 2:

Pekia ʻa Palesiteni Siosefa Filitingi Sāmita (73).

1972, Siulai 7:

Fakanofo mo vaheʻi ko e Palesiteni ʻo e Toko Hongofulu Mā Uá (73).

1972, ʻAokosi 25–27:

Puleʻi mo tokangaʻi ʻa e konifelenisi fakaʻēlia lahi ʻi Mekisikou Siti (73).

1972, Sepitema 20:

Fokotuʻu ʻa e Kolo Selusalemá ʻi he Ngoue ʻoku ʻi ai ʻa e Fonualotó (Garden Tomb) (73).

1972, ʻOkatopa 5:

Fakahā ʻa e polokalama tokoni fakauelofea lahi ki he māmaní (73).

1972, ʻOkatopa 6:

Fokotuʻu ko e Palesiteni ʻo e Siasí ʻi ha fakatahaʻanga mamalu (73).

1972, Tīsema 14:

Fokotuʻu ʻa e Misiona Fakavahaʻapuleʻanga ʻo e Siasí (73).

1973, Māʻasi 8:

Fokotuʻu ʻa e fuofua siteiki he fonua lahi ʻo ʻĒsiá ʻi Soulu ʻi Kōlea (73).

1973, ʻAokosi 24–26:

Tokangaʻi ʻa e konifelenisi lahi fakaʻēlia ʻi Miuniki ʻi Siamane (74).

1973, Tīsema 26:

Pekia ʻa Palesiteni Hāloti B. Lī ʻi Sōleki Siti (74).

1973, Tīsema 31:

Ngataʻanga ʻo e taʻu fakasitetisitiká: kāingalotu ʻe 3,321,556; siteiki ʻe 630; uooti ʻe 4,580; misiona ʻe 108; kau faifekau ʻe toko 17,258; temipale ʻe 15.