Գլուխ 18
Առաքինություն՝ անկյունաքար, որի վրա պիտի կառուցենք մեր կյանքը
«Դուք` ձեզանից յուրաքանչյուրդ, Երկնային Հոր աստվածային զավակն եք: Դուք ստեղծվել եք Նրա նախագծով ձեր Արարիչի պատկերով: Ձեր մարմինը սրբազան է: Այն ձեր ոգու տաճարն է: Մի պղծեք այն մեղքով:
Գորդոն Բ. Հինքլիի կյանքից
Նախագահ Գորդոն Բ. Հինքլին 2007 թվականին խոսելով Բրիգամ Յանգի Համալսարանի ուսանողների հետ ասել է.
«Օրերս ես մի շատ հետաքրքիր բան նկատեցի: Սոլթ Լեյք Սիթիում շաբաթ վաղ առավոտյան , Քի Բանկի շենքը տապալվեց գետնին մի շարք լավ տեղադրված պայթեցումներից: Այդ բոլորը տեղի ունեցավ երեք կամ չորս վայրկյանում, փոշու մի մեծ ամպով, որը գլորվեց դեպի հյուսիս արևմուտք: Այդ գործընթացը կոչվում է ներպայթեցում` ի տարբերություն պայթեցումի:
«Շենքը կառուցվել էր մոտ 30 տարի առաջ: Կարծում եմ, շինարարությունը տևել էր առնավազն մեկ-երկու տարի: Այժմ այն վերացավ վայրկյանների ընթացքում:
Իմ ընկերներ, դա այնքան շատերի կյանքի պատմությունն է: Մենք այնքան զգույշ ենք նրանց դաստիարակում տարիների ընթացքում: Ապա մենք հայտնվում ենք շատ լարված հանգամանքներում: Սխալներ են գործվում: Մաքրաբարոյությունը վտանգված է: Ներպայթեցում է տեղի ունենում և մի գունդ փոշին այն ամենն է, ինչ մնում է:
Ես հիշեցի այդ մասին, երբ մտաբերեցի մի երիտասարդ տղամարդու և կնոջ, ովքեր եկան իմ գրասենյակ: Նա գեղեցիկ տղա էր, իսկ նա` սքանչելի աղջիկ: Նրանք համալսարանի ուսանողներ էին: Նրանց ապագան թվում էր պայծառ և հիանալի: Բայց նրանք տեղի տվեցին գայթակղությանը: •
Նրանց աչքերը լցվեցին արցունքներով, երբ խոսում էին ինձ հետ: Բայց չկար փախուստ այն իրականությունից, որին նրանք դիմակայում էին: Նրանց կյանքը ենթարկվել էր ներպայթեցման և երազանքների մի աշտարակ վայր էր գլորվել:
Մի թույլ տվեք, որ դա պատահի ձեզ հետ: Ձեզ էժան մի ծախեք` վտանգելով բարոյականության հանդեպ ձեր պարտավորությունը: Դուք, ձեզանից յուրաքանչյուրդ, աստվածային Երկնային Հոր զավակներն եք: Դուք ստեղծվել եք Նրա նախագծով ձեր Արարիչի պատկերով: Ձեր մարմինը սրբազան է: Այն ձեր ոգու տաճարն է: Մի պղծեք այն մեղքով:
«Այսպիսով, ականջ դնելով փլված աշտարակի վերաբերյալ օրինակին, ես հիշեցնում եմ ձեզ, որ դրա տեղում կկառուցվի մի նոր և գեղեցիկ շենք: Նմանապես, նրանք, ովքեր մեղանչել են, կարող են դառնալ դեպի իրենց Քավիչը, մեր Փրկիչ Հիսուս Քրիստոսը և Նրա Քավության զորությամբ մաքրվել և նորացվել»:1
Նախագահ Գորդոն Բ. Հինքլին խորհուրդ է տվել. «Թող առաքինությունը անկյունաքար լինի, որի վրա դուք պիտի կառուցեք ձեր կյանքը»:
Գորդոն Բ. Հինքլիի ուսմունքները
1
Առաքինի ապրելակերպը բերում է սքանչելի և հոյակապ օրհնություններ:
Ողջ աշխարհում չկա ոչ մի բան, որ լինի այնքան վսեմ, որքան առաքինությունը: Այն փայլում է առանց աղոտանալու: Այն թանկարժեք է և գեղեցիկ: Այն գին չունի: Այն չի կարող գնվել կամ վաճառվել: Այն ինքնատիրապետման պտուղն է:
… Տերը տվել է հիանալի հանձնագիր: Նա ասել է.«Թող առաքինությունը զարդարի քո մտքերն անդադար» (ՎևՈւ 121.45): Սա դառնում է պատվիրան, որը պետք է պահվի ջանասիրությամբ և կարգ ու կանոնով: Եվ դրան կցված է սքանչելի և հոյակապ օրհնություններով խոստում: Նա ասել է նրանց, ովքեր ապրում են առաքինությամբ.
«Այդ ժամանակ ձեր վստահությունը կամրանա Աստծո ներկայության մեջ: …
Սուրբ Հոգին կլինի քո մշտական ընկերը, և քո գավազանը կլինի արդարության ու ճշմարտության անփոփոխ գավազան. և քո տիրապետությունը կլինի հավիտենական տիրապետություն և առանց հարկադրանքի կհոսի դեպի քեզ հավիտյանս հավիտենից» (ՎևՈւ 121.45–46):
Արդյոք կարո՞ղ է լինել ավելի մեծ և գեղեցիկ խոստում, քան սա:2
Կա արդյոք գործող օրինակ առաքինության համար: Դա զղջումից միակ ուղին է դեպի ազատություն: Խղճի խաղաղությունը, որը հորդում է դրանից, միակ անձնական խաղաղությունն է, որը կեղծված չէ:
Եվ բացի այդ բոլորից, Աստծո անխափան խոստումն է նրանց, ովքեր քայլում են առաքինությամբ: Նազարեթցի Հիսուսը հայտարարել է, խոսելով լեռան վրա. «Երանելի են բոլոր սրտով մաքուրները, քանզի նրանք կտեսնեն Աստծուն» (Մատ. 5.8): Սա ուխտ է, որը կապվել է Նրա կողմից, ով իշխանություն ունի այն կատարելու:3
Դուք պիտի ընդունեք, դուք պետք է ընդունեք, որ ինչպես փորձառությունը, այնպես էլ աստվածային իմաստությունն է թելադրում, որ առաքինությունն ու բարոյական մաքրությունն է այն ուղին, որն առաջնորդում է դեպի բնավորության ուժի, սրտի խաղաղության և կյանքի երջանկության:4
Թող առաքինությունը անկյունաքար լինի, որի վրա դուք պիտի կառուցեք ձեր կյանքը:5
2
Երբ մենք բարձրանում ենք աշխարհի կեղտից և անբարոյականությունից վեր, մենք վայելում ենք ավելի մեծ երջանկություն, անվտանգություն և մտքի խաղաղություն:
Երբ մենք նայում ենք աշխարհին, թվում է, թե բարոյականությունը մի կողմ է գցված: Հին չափանիշների խախտումը դարձել է սովորական: Ուսումնասիրությունները մեկը մյուսի ետևից ցույց են տալիս, որ տեղի է ունեցել ժամանակով ստուգված սկզբունքներից հրաժարում: Ինքնակարգապահությւոնը մոռացված է և սեռական անմաքուր կյանքի հանդեպ ամենաթողությունը դարձել է լայնատարած:
Բայց իմ սիրելի ընկերներ, մենք չենք կարող ընդունել այն, ինչ սովորական է դարձել աշխարհում: Ձերը, որպես այս Եկեղեցու անդամներ, ավելի բարձր չափանիշ է և ավելի պահանջկոտ: Այն հայտարարում է որպես ձայն Սինայից, որ դուք չպիտի անձնատուր լինեք: Դուք պետք է վերահսկեք ձեր ցանկությունները:6
Կորնթացիներին ուղղված Պողոսի խոսքերն այսօր նույնքան կիրառելի են մեզ համար, որքան դրանք նրանց համար էին, ում նա գրել էր: Նա ասել է.
«Չգիտէ՞ք որ դուք Աստուծոյ տաճար էք եւ Աստուծոյ Հոգին բնակուած է ձեզանում:
«Եթէ մէկն Աստուծոյ տաճարն ապականէ, նորան էլ Աստուած կապականէ, որովհետեւ Աստուծոյ տաճարը սուրբ է՝ որ դուք եք» (Ա Կորնթացիս 3.16–17):7
Կրկին Պողոսի խորհուրդը Տիմոթեոսին. «Քո անձը սուրբ պահիր» (Ա Տիմ. 5.22):
Դրանք պարզ խոսքեր են: Բայց դրանք միշտ այնքան կարևոր են: Պողոսն ասում է ի դեպ, հեռու մնացեք այն բաներից, որոնք կքայքայեն ձեզ և կկործանեն ձեզ հոգեպես: Հեռու մնացեք հեռուստահաղորդումներից, որոնք տանում են ձեզ դեպի անմաքուր մտքեր և անմաքուր խոսքեր: Հեռու մնացեք տեսաֆիլմերից, որոնք կտանեն ձեզ դեպի չար մտքեր: Դրանք չեն օգնի ձեզ: Դրանք միայն ցավ կպատճառեն ձեզ։ Հեռու մնացեք գրքերից և ամսագրերից, որոնք զզվելի են և կեղտոտ այն ամենում, ինչ նրանք ասում են և նկարագրում: Սուրբ պահեք ձեր անձը:8
Մաքրաբարոյությունը «երջանիկ ապրելու ուղին է»:
Ամուսնությունը կարգված է Աստծուց՝ ամուսնությունը տղամարդու և կնոջ միջև: Դա այն հաստատությունն է, որտեղ, ըստ Նրա ծրագրի, զավակներ պիտի աշխարհ գան: Սեռական հարաբերությունները այլ հանգամանքներում դառնում են օրինազանցություն և միանգամայն անհամատեղելի են Հիսուս Քրիստոսի ավետարանի ուսմունքների հետ:9
Մենք հավատում ենք մաքրաբարոյությանը՝ մինչև ամուսնությունը և լիակատար հավատարմությանը՝ ամուսնությունից հետո: Այն ամփոփում է արդյունքները: Դա է ապրելու երջանկության ուղին: Դա է բավարարվածության ուղին: Այն բերում է խաղաղություն սրտին և խաղաղություն տանը:10
Ոչ մի ընտանիք չի կարող ունենալ խաղաղություն, ոչ մի կյանք չի կարող ազատ լինել ձախորդության փոթորիկներից, մինչև այդ ընտանիքը և այդ տունը չկառուցվեն բարոյականության, հավատարմության և փոխադարձ հարգանքի հիմքի վրա: Չի կարող խաղաղություն լինել այնտեղ, որտեղ չկա վստահություն, չի կարող ազատություն լինել այնտեղ, որտեղ չկա նվիրվածություն: Սիրո ջերմ արևալույսը չի բարձրանա անբարոյականության ճահճից:11
Ես հավատում եմ, որ յուրաքանչյուր երեխայի օրհնությունը պիտի լինի ծնվել մի տանը, որտեղ այդ երեխային ողջունում են, դաստիարակում, սիրում, և նա օրհնվում է ծնողներով՝ հորով և մորով, ովքեր ապրում են հավատարմությամբ միմյանց և իրենց երեխաների հետ: … Ամուր կանգնեք աշխարհի խաբեությունների դեմ: Մեր զվարճությունները հնարողները, մեր գրականությունը մատակարարողների մեծ մասը կկամենային հավատացնել ձեզ հակառակը: Դարերով կուտակված իմաստությունը հայտարարում է հստակ և անկասկած , որ ավելի մեծ երջանկությունը, ապահովությունը, մտքի խաղաղությունը, սիրո խորը աղբյուրները զգացվում են միայն նրանց կողմից, ովքեր քայլում են ըստ ժամանակով ստուգված առաքինության չափանիշների ամուսնությունից առաջ և լիակատար հավատարմությամբ ամուսնության մեջ:12
Մենք ապրում ենք անպարկեշտ, անբարոյական ու աղետալի մի աշխարհում: Բարձրացեք դրանից վեր, ուղիղ կանգնեք, աշխարհը թողեք ձեր ետևում և քայլեք, ինչպես Տերը կկամենար, որ դուք քայլեք:13
3
Պոռնոգրաֆիան կախվածություն առաջացնող է և կործանարար, բայց մենք կարող ենք բարձրանալ դրանից վեր:
Ես բավական դժկամությամբ եմ խոսում մի թեմայի վերաբերյալ, որի հետ առնչվել եմ նախկինում: Ես անում եմ դա Ալմայի խոսքերի ոգով, ով ասել է. «Սա է իմ հրճվանքը, որ գուցե կարողանամ Աստծո ձեռքում գործիք լինել, որ ինչ-որ մի հոգու ապաշխարության բերեմ» (Ալմա 29.9):
… Ես խոսում եմ պոռնոգրաֆիայի մասին իր բոլոր դրսևորումներով: … Այն դիվական է: Այն բացարձակապես անհամատեղելի է ավետարանի ոգու հետ, Աստծո բաների վերաբերյալ անձնական վկայության հետ: …
… Բոլոր նրանք, ովքեր ներգրավված են, դառնում են զոհեր: Երեխաները շահագործվում են և նրանց կյանքը դաժանորեն վնասվում է: Երիտասարդների մտքերը պարուրվում կեղծ տեսակետներով: Շարունակվող ներգործությունը տանում է դեպի կախվածության, որը գրեթե անհնար է վերացնել: … Այնքան շատերն են … գտնում, որ իրենք չեն կարող այն թողնել: Նրանց էներգիան և նրանց հետաքրքրությունները սպառվում են իրենց այս անփորձ և անմաքուր զբաղմունքի փակուղում:
Բերվում է պատճառաբանություն, որ դժվար է խուսափելը, որ այն ընդամենը մեր մատների ծայրերի հպումով է և որ չկա փախուստ:
Պատկերացրեք, որ փոթորիկը մոլեգնում է, հողմերը շառաչում և ձյունը մրրկում է ձեր շուրջը: Դուք անկարող եք զգում այն դադարեցնել: Բայց դուք կարող եք համապատասխանաբար հագնվել,ապաստան որոնել և փոթորիկը ձեր վրա ոչ մի ազդեցություն չի ունենա:
Նմանապես, չնայած համացանցը հագեցած է անմաքուր նյութերով, դուք չպիտի նայեք դրանք: Դուք կարող եք նահանջել դեպի ավետարանի ապաստանը, դրա մաքրությունը, առաքինությունն ու կյանքի անարատությունը:
Ես գիտեմ, որ խոսում եմ ուղղակի և հստակ: Ես այդպես եմ անում, որովհետև համացանցում պոռնոգրաֆիան ավելի մատչելի է դարձել՝ ավելացնելով այն, ինչ մատչելի է DVD-ներում և տեսաֆիլմերում, հեռուստացույցով և ամսագրերի կրպակներում: Այն տանում է երևակայությունների, որոնք կործանարար են ձեր ինքնահարգանքի համար: Այն տանում է ապօրինի հարաբերությունների, հաճախ հիվանդության և հանցագործ բռնարարքների:14
Դուք ապրում եք սոսկալի գայթակղությունների մի աշխարհում: Պոռնոգրաֆիան իր նողկալի կեղտով թափ է վերցրել երկրի վրա , ամենակուլ սարսափելի ալիքի նման: Այն թույն է: Մի դիտեք կամ կարդացեք այն: Այն կկործանի ձեզ, եթե դուք դա անեք: Այն կվերացնի ձեր ինքնահարգանքը: Այն կխլի ձեզանից կյանքի գեղեցկությունների զգացումը: Այն ձեզ կտապալի և կտանի ձեզ չար մտքերի հոսանքով և, հնարավոր է, չար գործողությունների մղի: Հեռու մնացեք դրանից: Խուսափեք դրանից, ինչպես վտանգավոր հիվանդությունից, քանի որ այն ճիշտ նույնչափ մահացու է: Եղեք առաքինի մտքով և գործով:15
Այնքան շատ կեղտոտություն, ագահություն և պոռնոգրաֆիա կա այս աշխարհում: Մենք, որպես Վերջին Օրերի Սրբեր, պետք է վեր լինենք դրանից և բարձր կանգնենք դրա դեմ: Դուք չեք կարող զբաղվել դրանով: Դուք ուղղակի չեք կարող զբաղվել դրանով: Դուք պետք է այն դուրս պահեք ձեր սրտից: Ծխախոտի նման այն կախվածություն է առաջացնում և այն կկործանի նրանց, ովքեր զբաղվում են դրանով: «Թող առաքինությունը զարդարի քո մտքերն անդադար»[ՎևՈւ 121.45]:16
4
Կարգապահությամբ և ջանասիրությամբ մենք կարող ենք վերահսկել մեր մտքերն ու գործողությունները:
Եղեք մտքով մաքուր, և այդ դեպքում դուք կունենաք ավելի մեծ վերահսկողություն ձեր մարմնի վրա: Հնում ասվել է.« Քանի որ ինչպես որ [մարդ] մտածում է իր սրտում, նա հենց այդպիսին է »(Առակ. 23.7): Անմաքուր մտքերը տանում են անմաքուր գործերի17
Երբ գայթակղվում ենք, մենք կարող ենք փոխարինել չար մտքերը [մեր Փրկիչի] մտքերով և Նրա ուսմունքներով: Նա ասել է. «Եվ եթե ձեր աչքն ուղղված լինի միայն իմ փառքին, ձեր ամբողջ մարմինը լցված կլինի լույսով, և ձեր մեջ չի լինի խավար. և այն մարմինը, որը լցված է լույսով, ըմբռնում է բոլոր բաները:
Հետևաբար, սրբագործեք ձեզ, որ ձեր միտքն ուղղված լինի միայն առ Աստված, և օրերը կգան, որ դուք կտեսնեք նրան. քանզի նա ձեզ համար բաց կանի իր երեսի քողը» (ՎևՈւ 88.67–68):18
Հիսուսը պատվիրան տվեց վերահսկել մեր մտքերը, ինչպես նաև մեր արարաքները: Նա ասել է.«Ով որ մի կնկայ վերայ մտիկ տայ նորան ցանկանալու համար, նա արդէն շնացաւ նորա հետ իր սրտի մէջ» (Մատթեոս 5.28): …
Մտավոր վերահսկողությունը պետք է ավելի ուժեղ լինի, քան ֆիզիկական ախորժակը կամ մարմնական ցանկությունները: Երբ մտքերը բերվեն լիակատար ներդաշնակության բացահայտված ճշմարտության հետ, այդ դեպքում գործողությունները կդառնան պատշաճ: …Մեզանից յուրաքանչյուրը կարգապահությամբ և ջանասիրությամբ կարողություն ունի վերահսկելու իր մտքերը և գործողությունները: Սա հոգևոր, ֆիզիկական և էմոցիոնալ հասունություն զարգացնելու գործընթացի մասն է կազմում: …
Մենք աղերսում ենք մարդկանց ամենուրեք ապրել Արարիչի ուսմունքների համաձայն և բարձրանալ մարմնական հրապուրանքներից, որոնք հաճախ առաջացնում են ողբերգություններ, որոնց հաջորդում են բարոյական օրինազանցություններ:19
5
Նրանք, ովքեր ներգրավված են եղել անբարոյական վարքագծի մեջ, կարող են ներվել և բարձրանալ անցյալից վեր:
Ես չեմ ուզում հոռետես լինել: Ես բնույթով լավատես եմ: Բայց ինչ վերաբերում է [պոռնորգրաֆիային և անբարոյականությանը], ես իրատես եմ: Եթե մենք ներքաշված ենք այդպիսի վարքագծի մեջ, հիմա է ժամանակը փոխվելու: Թող սա լինի մեր վճռի ժամը: Եկեք շրջվենք դեպի ավելի լավ ուղի:20
Եթե ձեզ գտնում եք հանգամանքների ճնշման տակ սայթաքելիս, կարգավարժեք ձեզ: Կանգ առեք`քանի շատ ուշ չէ: Դուք հավիտյանս երախտապարտ կլինեք, որ այդպես վարվեցիք:
Հավատարիմ եղեք ինքերդ ձեզ և այն լավագույնին, որ դուք ունեք ձեր մեջ:21
Թույլ տվեք … հավաստիացնել ձեզ, որ եթե դուք սխալ եք գործել, եթե ներքաշվել եք անբարոյական վարքագծի մեջ, ամեն ինչ կորած չէ: Այդ սխալի հիշողությունը հավանաբար կմնա, բայց արարքը կարող է մոռացվել, և դուք կկարողանաք բարձրանալ անցյալից վեր` Տիրոջ համար լիովին ընդունելի կյանքով ապրելու, երբ տեղի է ունեցել ապաշխարություն: Նա խոստացել է, որ Նա կների ձեր մեղքերը և այլևս ձեր դեմ չի հիշի (տես ՎևՈւ 58.42):
… Եկեղեցու առաջնորդները [կարող են] աջակցել ձեզ՝ ձեր դժվարին պահերին: Դուք կարող եք ձեր ետևում թողնել ամեն չարիք, որին դուք առնչվել եք: Դուք կարող եք առաջ գնալ նորոգված հույսով և ընդունելությամբ` դեպի կյանքի ավելի լավ ուղի:22
Առաջարկներ ուսումնասիրության և ուսուցման համար
Հարցեր
-
Նախագահ Հինքլին ուսուցանել է, որ կա «իրական դեպք առաքինության համար» (բաժին 1): Ինչպե՞ս դուք կպատասխանեք մեկին, ով վիճում է, որ չկա «գործող օրինակ առաքինության համար»:
-
Ինչո՞ւ է մաքրաբարոյությունը «ապրելու երջանիկ ուղի»: Ինչո՞ւ է մաքրաբարոյությունը «խաղաղություն բերում սրտին և տանը»: (Տես բաժին 1 և 2:)
-
Նախագահ Հինքլին ասել է. «Մենք, որպես Վերջին Օրերի Սրբեր, պետք է վեր բարձրանանք [պոռնոգրաֆիայից] և բարձր կանգնենք դրա դեմ » (բաժին 3): Ի՞նչ կարող ենք անել, որպեսզի դրանից վեր բարձրանանք։ Ինչպե՞ս կարող ենք օգնել ուրիշներին դրանից վեր բարձրանալ: Ձեր կարծիքով, ի՞նչ է նշանակում բարձր կանգնելդրա դեմ:
-
Երբ կարդում եք Նախագահ Հինքլիի խորհուրդը բաժին 4-ում, ի՞նչ եք դրանից սովորում ձեր մտքերը վերահսկելու մասին: Ի՞նչ կարող ենք անել մեր մտքերն առաքինի պահելու համար։
Առնչվող սուրբ գրություններ
Սաղմոս 24.3–4, Մատթեոս 5.27–28, Փիլիպպեցիս 4.6–8, Հակոբ 3.2, ՎևՈւ 46.31–33, 59.6, Հավատո Հանգանակ 1.13
Օգնություն ուսումնասիրողին
Երբ կարդաք, «ընդգծեք և նշեք խոսքերն ու արտահայտությունները, որպեսզի առանձնացնեք գաղափարները մեկ [հատվածում]: … Լուսանցքներում գրեք սուրբ գրության հղումները, որոնք հստակեցնում են ձեր ուսումնասիրած հատվածները» (Քարոզիր Իմ Ավետարանը [2004], 23):