Unsay Akong Buhaton Kon Akong Makompleto ang Personal nga Kauswagan?
Ang pagkompleto sa programa sa Personal nga Kauswagan usa ka mahinungdanon nga lakang sa pagpalig-on sa imong hugot nga pagtuo ug pagpamatuod ug pagpangandam alang sa mga pakigsaad sa templo. Imong nakat-unan kon unsaon paghimo og mga pasalig, pagbuhat niini, ug pagreport sa imong kauswagan. Kini nga proseso kinahanglan nga magpadayon samtang ikaw magpabilin diha sa dalan paingon sa templo ug magpadayon sa pagpalambo sa mga kinaiya nga makatabang kanimo sa tibuok nimong kinabuhi. Mahimo kang mopadayon sa imong pag-uswag pinaagi sa pag-angkon og Honor Bee o pinaagi sa pagsugod og usab sa Personal nga Kauswagan.
Pag-angkon og Honor Bee
Ang Honor Bee charm makasaysayanon nga gihatag ngadto sa young women kinsa andam sa paghimo og labaw pa kay sa gikinahanglan. Aron sa pagpadayon sa imong pag-uswag, mahimo nimong maangkon ang Honor Bee aron makauban ang imong Pahalipay sa Batan-ong Pagkababaye nga medalyon. Mahimo nimong maangkon ang Honor Bee charm human makompleto ang duha sa mosunod nga mga kinahanglanon:
-
Basaha ang Basahon ni Mormon pag-usab. Ang kada adlaw nga kinaiya sa pagtuon sa kasulatan makalig-on sa imong hugot nga pagtuo ug makatabang kanimo sa pagdawat og personal nga pagdasig ug paggiya sa tibuok nimong kinabuhi. Kon mobasa ka og lima lamang ka minuto kada adlaw, imong mahuman ang Basahon ni Mormon sulod sa usa ka tuig.
-
Serbisyo sa uban sulod sa 40 ka oras. Kon mahimo, ang pipila niini nga mga oras kinahanglang maglakip sa pagtudlo og laing batan-ong babaye sa iyang Personal nga Kauswagan. Kini kinahanglan nga pagahimoon ubos sa direksyon sa kapangulohan sa Young Women sa ward o branch. Samtang ikaw motabang sa laing batan-ong babaye, ikaw mahimong:
-
Iyang higala.
-
Usa ka ehemplo sa usa ka matarung nga anak nga babaye sa Dios.
-
Modasig kaniya sa pagtrabaho kauban sa iyang mga ginikanan sa pagpili og angay nga mga kasinatian ug mga proyekto kabahin sa mithi.
-
Motabang kaniya sa paghuman sa mga kasinatian ug mga proyekto kabahin sa mithi.
-
Motabang kaniya nga maghupot og mga rekord sa mga kasinatian ug mga proyekto kabahin sa mithi.
-
Motabang kaniya nga makasabut sa mga baruganan sa ebanghelyo nga gitudlo sa mga kasinatian ug mga proyekto kabahin sa mithi.
-
Modasig kaniya sa pagbasa sa Basahon ni Mormon, ug mohisgut uban kaniya kon unsa ang iyang gibasa.
-
Modasig kaniya sa pagpakigbahin sa mga kasinatian ug mga proyekto kabahin sa mithi uban sa iyang pamilya.
-
Sugdi ang Personal nga Kauswagan Pag-usab
Mahimo kang magsugod og usab sa tibuok nga programa sa Personal nga Kauswagan ug maangkon ang ikaduhang Pahalipay sa Batan-ong Pagkababaye nga medalyon.