Young Women
Mga Klase ug mga Simbolo

Beehive, mga edad 12 ug 13

Ang beehive usa ka simbolo sa panag-uyon, kooperasyon, ug trabaho alang sa unang mga pioneer sa Simbahan. Ang beehive mao usab ang unang ngalan diin nailhan ang batan-ong mga babaye. Ang mga beehive karon nakat-on sa pakigtambayayong diha sa kooperasyon ug panag-uyon samtang naglig-on sila sa ilang pagtuo ngadto kang Jesukristo ug nangandam sa pagbarug alang sa kamatuoran ug pagkamatarung. Kini mao ang panahon sa “pagtindog ug pagpakita” (D&P 115:5).

Mia Maid, mga edad 14 ug 15

Ang ngalan nga Mia Maid sa makasaysayanong paagi nagpasabut sa Mutual Improvement Association, nga misagop sa ilhanan sa rosas isip simbolo sa gugma, hugot nga pagtuo, ug kaputli. Ang mga Mia Maid karon nagkat-on mahitungod sa gugma, hugot nga pagtuo, ug kaputli samtang naglig-on sila sa ilang pagpamatuod ug modawat ug mohimo sa mga mithi sa Young Women.

Laurel, mga edad 16 ug 17

Sulod sa mga siglo ang laurel wreath nahimo nang korona nga gila gikan sa mga dahon sa kahoy nga laurel. Ihatag kini ngadto sa nakahuman og usa ka talagsaong kalampusan isip simbolo sa kadungganan ug katumanan. Ang mga laurel karon naghuman sa ilang pagpangandam aron sa paghimo ug pagtuman sa sagradong mga pakigsaad ug modawat sa mga ordinansa sa templo.