Pahalipay sa Batan-ong Pagkababaye

Kon ikaw makakompleto sa programa sa Personal nga Kauswagan, ikaw takus nga makadawat sa Pahalipay sa Batan-ong Pagkababaye. Aron makadawat niini nga ganti:

• Tambong kanunay sa sakrament miting (kutob sa mahimo).

• Sunda ang mga sumbanan diha sa Alang sa Kalig-on sa mga Kabatan-onan.

• Kompletoha ang mga kasinatian ug proyekto kabahin sa mithi alang sa matag usa sa walo ka mga mithi.

• Pagbuhat og usa ka personal nga journal.

• Tambong og seminary o apil sa kinaugalingon nga pagtuon (kon anaa).

• Basaha ang Basahon ni Mormon kanunay.

• Irekord ang imong pagpamatuod mahitungod sa Manluluwas nga si Jesukristo.

Kini nga ganti nag-ila kanimo sa imong katakus ug sa pagkompleto sa tanang mga kinahanglanon sa Personal nga Kauswagan. Isip usa ka tigdawat sa ganti, ikaw mopakita nga ikaw nakahimo og usa ka sundanan sa kauswagan diha sa imong kinabuhi. Ikaw andam sa paghimo ug pagtuman sa sagrado nga mga pakigsaad sa templo. Ikaw masaligon sa pagtuman sa mga sugo, pagserbisyo sa uban, ug pagpalambo ug pagpakigbahin sa imong mga gasa ug mga talento. Ikaw maningkamot sa paglig-on sa panimalay ug pamilya.

Ang Pahalipay sa Batan-ong Pagkababaye mahimong ihatag diha sa sakrament miting. Human nimo madawat ang ganti, ikaw kinahanglan nga mopadayon sa pagsunod sa matinud-anong paagi sa mga sumbanan nga anaa sa Alang sa Kalig-on sa mga Kabatan-onan. Gamita unsay imong nakat-unan samtang ikaw nagpadayon sa pag-andam sa paghimo og sagradong mga pakigsaad sa templo uban sa Langitnong Amahan. Ikaw makakaplag og hingpit nga kalipay ug kamaya samtang ikaw mohimo niini.