Feti‘a no te tamahine haapa‘o

Ia faaoti oe i te faanahonahoraa no te Faahaereraa ia‘u iho i mua, e faahanahanahia oe ia farii i te Feti‘a no te tamahine haapa‘o. No te farii i teie feti‘a :

A haere pinepine i te pureraa oro‘a (mai te mea e nehenehe).
A ora i te mau faatureraa i roto No te Puai o te Feia Apî
A faaî i te mau iteraa rau e i te mau opuaraa o te peu maitai no na peu maitai tata‘itahi e va‘u.
A tape‘a i te hoê buka aamu no oe iho.
A haere i te haapiiraa evanelia e aore râ a amui atu i te hoê haapiiraa ti‘amâ (mai te mea te vai ra)
A tai‘o tamau noa i te Buka a Moromona.
A papa‘i i to oe iteraa papû no ni‘a i te Faaora o Iesu Mesia.

E faaiteraa teie feti‘a ia oe i to oe ti‘amâraa e i te faaî-maitai-raa i te mau titauraa atoa o te Faahaereraa ia‘u iho i mua. Ei hoê taata tei farii i te feti‘a, e faaite oe e ua haamau oe i te hoê hi‘oraa no te haereraa i mua i roto i to oe oraraa. Ua ineine oe no te rave e no te haapa‘o i te mau fafauraa mo‘a o te hiero. Ua fafau oe i te haapa‘o i te mau faaueraa, te taviniraa ia vetahi ê e te faananearaa e te faaiteraa i ta oe mau horo‘araa e mau taleni. E titau oe i te haapuai i te nohoraa e i te utuafare.

E faaitehia te tamahine tei farii i te Feti‘a no te tamahine haapa‘o i roto i te pureraa oro‘a. I muri iho i to oe fariiraa i te feti‘a, e mea ti‘a ia oe ia tamau noa i te ora haapa‘o noa i te mau faatureraa i roto No te Puai o te Feia Apî. A faaohipa i te mau mea o ta oe i haapii mai ei faaineineraa tamau na oe no te rave i te mau oro‘a mo‘a o te hiero e te Metua i te Ao ra. E roaa ia oe te oaoa e te maitai a rave ai oe i te reira.