Feia ’Āpī
Te ite

Te ite

A imi ho‘i i te ite, oia ia na roto ho‘i i te haapii e na roto atoa i te faaroo (PH&PF 88:118).

E imi tamau noa â vau i te mau rave‘a no te haapii e no te haereraa i mua.

Te mau iteraa rau o te peu maitai i titauhia

A faaî i na iteraa rau e toru i titauhia o te peu maitai i muri nei. Ia tuurima hoê o to oe metua e aore râ te taata faatere e ia tapa‘o i te tai‘o mahana i muri iho i to oe faaotiraa i te iteraa rau tata‘itahi.

  1. A haapii no ni‘a i te faufaa rahi o te titauraa i te ite na roto i te tai‘oraa Maseli 1:5 ; 4:7 ; 2 Nephi 28:30 ; e Te Parau Haapiiraa e Te Mau Parau Fafau 88:78–80, 118 ; 90:15 ; 130:18–19 ; 131:6. A feruri no te aha oe e titau ai i te ite e i te maramarama na roto i te faaohiparaa i te mau parau-tumu o te evanelia i roto i to oe oraraa i teie mahana e no amuri a‘e e i roto i to oe oraraa utuafare. A papa‘i i roto i ta oe buka aamu eaha ta oe i haapii mai no ni‘a i te ite, e a aparau te reira i te hoê melo o te utuafare e aore râ i te taata faatere o te Feia Apî Tamahine.

  2. I roto i ta oe buka aamu a tapula i to oe mau taleni e to vetahi ê o ta oe e hinaaro nei e faananea atu â. A tai‘o Mataio 25:14–30. A haapii i te hoê aravihi e aore râ te taleni apî o te tauturu ia oe ia atu‘atu i to oe iho utuafare i muri nei (ei hi‘oraa, te hautiraa i te piana, te himeneraa, te faanahoraa i te tabula faufaa, te faananearaa i te taime, te tunuraa i te maa, te niraraa i te ahu, e aore râ te haapa‘oraa i te tamarii). A faaite atu i to oe utuafare, te piha e aore râ i te taata faatere o te Feia Apî Tamahine i te mea o ta oe i haapii mai.

  3. A tamau aau i te Hiro‘a Faaroo numera ahuru ma toru e ia tai‘o atu te reira i te hoê metua, te taata faatere e aore râ i te hoê taata paari. I muri iho a haere mata‘ita‘i i te hoê fare manaha e aore râ a amui atu i te hoê hautiraa mai te ori, te pehe, te oreroraa, e aore râ te hoê teata taata ora. Na roto i te faaohiparaa i teie hiro‘a faaroo ei arata‘i, a faaau eaha ta oe i ite e i faaroo. I roto i ta oe buka aamu a papa‘i i to oe mau mana‘o e mea nahea to oe faaohiparaa i teie hiro‘a faaroo ei hoê arata‘i no te mau mea atoa ta oe e rave nei ia riro noa te Varua Maitai ei hoa tamau no oe. A faaite i te reira mau mana‘o i te hoê metua e aore râ taata faatere.

Te tahi atu mau iteraa rau o te peu maitai

A faaî e toru mau iteraa rau ê atu o te peu maitai. E nehenehe oe e ma‘iti i te mau tuhaa i muri nei e aore râ e papa‘i e piti i ta oe iho. E mea ti‘a i to oe metua e aore râ i te taata faatere e faati‘a i te mau mea o ta oe iho i papa‘i na mua oe a haamata’i. Ia tuurima to oe metua e aore râ te feia faatere e ia tapa‘o i te tai‘o mahana i muri iho i to oe faaotiraa i te iteraa rau tata‘itahi.

  1. A ma‘iti i te hoê parau tumu o te evanelia e ta oe e hinaaro nei ia taa maitai (ei hi‘oraa, te faaroo, te tatarahapa, te aroha, te mau utuafare mure ore, e aore râ te mau fafauraa o te bapetizoraa). A tai‘o i te mau papa‘iraa mo‘a e te mau parau a te mau peropheta o te mau mahana hopea nei o te faahiti i te parau tumu. A faaineine i te hoê a‘oraa e pae minuti no ni‘a i te tumu parau e, aore râ a horo‘a i te a‘oraa i roto i te pureraa oro‘a, i roto i te pureraa a te Feia Apî Tamahine, to oe utuafare e aore râ ta oe piha. A papa‘i i roto i ta oe buka aamu, e mea nahea to oe faaohiparaa i teie parau tumu i roto i to oe oraraa.

  2. A haapii mai i te hoê ohipa e aore râ a rave i te hoê taviniraa o te auhia e oe. A aparau i te hoê taata o te ohipa ra i roto i taua ti‘araa ra, e a imi eaha râ ta’na mau hopoia, eaha te haapiipiiraa o ta’na i haere e e mea nahea teie ohipa i te roaaraa ia’na, e eaha te mau tautururaa o ta teie taata ohipa e horo‘a na te sotaiete. A papa‘i i roto i ta oe buka aamu i ta oe mau imiraa.

  3. A tamau aau e piti himene au-roa-hia e oe i roto i te buka himene. A haapii i te hoho‘a arata‘iraa tano o te mau himene (a hi‘o Te Mau Himene, 383–85) e ia arata‘ihia te reira e piti a‘e taime i te pureraa pô utuafare anei, te pureraa a te Feia Apî Tamahine e aore râ te tahi atu pureraa a te Ekalesia, e aore râ i te haapiiraa evanelia. A tai‘o i te mau papa‘iraa mo‘a i tabulahia i te tuhaa raro o te mau himene tata‘itahi.

  4. I te puhaparaa a te Feia Apî Tamahine e haapii oe i te mau aravihi no ni‘a i te mau tauturu matamua, te parururaa, te haamaitairaa, e te faaoraraa. A hi‘o faahou i teie mau haapiiraa i roto i ta oe buka te Puhaparaa a te Feia Apî Tamahine e a tapa‘o i roto i ta oe buka aamu e nahea oe i te faaohiparaa te reira i roto i to oe fare no te parururaa i to oe utuafare. A hamani i te hoê tabula no te mau materia matamua e hinaarohia e to oe utuafare i te taime rû. A haapii i te hoê haapiiraa i te pô utuafare e aore râ, a faaite i te hoê taata faatere o te Feia Apî Tamahine eaha ta oe i haapii mai e eaha te mau aravihi hau atu o ta oe e hinaaro nei e haapii no te faaineineraa i te mau taime rû.

Ta‘u iho mau iteraa rau o te peu maitai

Opuaraa o te peu maitai

I muri mai i to oe faaîraa i na iteraa rau e ono o te peu maitai no te ite, a faatupu i te hoê opuaraa o te tauturu ia oe ia faaohipa i te mea o ta oe i haapii mai. E titauraa teie no te hoê tautooraa hoê ahuru hora te maoro. Na roto i te pure a imi i te arata‘iraa o te Varua Maitai no te ma‘iti i te hoê opuaraa faahiahia a‘e.

Ei parau faati‘a na to oe metua e aore râ te feia faatere no te opuaraa na mua oe e haamata’i. A papa‘i i te hoê faaauraa i muri iho i to oe faaotiraa. Tei raro nei te tahi mau mana‘o no te opuaraa o te peu maitai.

  • A haapii na roto mai i to oe metua vahine, to oe mama ruau e aore râ te tahi atu vahine o te oe i faahiahia e mea nahea i te faanaho, te tamâ, e te atuaturaa i te hoê fare. I muri iho a faaohipaa i te mea ta oe i haapii mai i roto i to oe fare.

  • A faaineine no te farii i te hoê ite teitei atu e ia farii i te mau ite faahiahia na roto i te mau titauraa no te haereraa’tu i te fare haapiiraa tuarua e aore râ, i te haapiiraa toro‘a, te mau pute moni tauturu, te moni haapiiraa, e te tahi atu mau haamau‘araa. A tapa‘o i te i‘oa no te haamataraa haapiiraa i te taime ti‘a mau.

  • A tai‘o i Te Parau Haapiiraa e Te Mau Parau Fafau 89. A feruri eaha ta oe e rave ia vai itoito noa i te pae tino. A haamaitai i to oe ea na roto i te faanahoraa i te hoê tabula faa‘eta‘etaraa tino au maitai e a haapii i te tunu e ia amu i te mau maa maitai ei tuhaa no te taraniraa.

  • Ia ite hau atu no ni‘a i te atuaturaa i te mau ahu, oia toa nahea i te pu‘araa, te auriraa, e te raveraa i te mau tifairaa e te mau faahuru-ê-raa tumu. A faaohipa i te mau aravihi o ta oe i haapii mai na roto i te atuaturaa i to oe mau ahu.

  • Na roto i te ohiparaa e to oe metua vahine, to oe mama ruau, e aore râ te hoê vahine i roto i ta oe paroita e aore râ amaa, a haapii i te hoê ite ta’na i haapii ia oe.

Teie ta‘u opuaraa :

Teie ta‘u faanahoraa no te faatupu i ta‘u opuaraa :

Faati‘ahia

Tai‘o mahana faataahia no te faaotiraa

Ta‘u faaauraa i te opuaraa oia ho‘i (a faaite eaha ta oe i farii e nahea to oe taa-maitai-raa i faarahi i te ite)

Tuurimaraa a te metua e aore râ a te feia faatere

Tai‘o mahana :

Hora i faaohipahia