Te faufaa o te taata iho

A haamana‘o na e e faufaa rahi to te mau varua taata i to te Atua hi‘oraa mai (PH&PF 18:9–10)

E tao‘a faufaa rahi au e te vai ra ta‘u iho misioni hanahana, o ta‘u e tutava nei i te rave faaoti.

Te mau iteraa rau o te peu maitai i titauhia

A faaî i teie na iteraa rau e toru o te peu maitai i titauhia i muri nei. Ia tuurima hoê o to oe metua e aore râ te taata faatere e ia tapa‘o i te tai‘o mahana i muri iho i to oe faaotiraa i te iteraa rau tata‘itahi.

1. E tamahine oe na te Metua i te Ao ra, o tei ite e o tei here ia oe. A tai‘o Salamo 8:4–6 ; Ieremia 1:5 ; Ioane 13:34 ; Te Parau Haapiiraa e Te Mau Parau Fafau 18:10 ; Aberahama 3:22–23 ; e Iosepha Semita—Aamu 1:1–20. A papa‘i i roto i ta oe buka aamu nahea teie mau papa‘iraa mo‘a i te haapiiraa ia oe e ua ite te Metua i te Ao ra ia oe, ua here ia oe e te mana‘o mai nei ia oe.

2. A haapii mai i te faufaa o te mau haamaitairaa patereareha na roto i te tuatapaparaa i te reira i roto i te buka iti ra Mau Maite i te Faaroo e te mau a‘oraa o te amuiraa rahi i tupu iho nei. A imi no te aha te reira i horo‘ahia ai e na vai te reira e horo‘a. A aparau e te hoê metua e aore râ hoê taata faatere o te Ekalesia nahea ia faaineine no te farii i te hoê haamaitairaa patereareha e nahea te reira i te haapii mai i to oe faufaa e to oe ti‘araa taata e e riro ei arata‘i i roto i to oe oraraa. Mai te mea e aita â oe i farii i to oe haamaitairaa, a faaineine no te farii i te reira.

3. A tai‘o Te Parau Haapiiraa e Te Mau Parau Fafau 18:10 e 121:45. A rave i te mau mea’toa o ta oe e nehenehe no te faaitoito ia vetahi ê e ia faaite i to ratou iho faufaa. I te mau mahana atoa e no te roaraa e piti hepetoma a imi i te mau peu maitai e i te mau huru faufaa o vetahi ê A haamauruuru ia ratou na roto i te parauraa e aore râ, te papa‘iraa. I roto i ta oe buka aamu a papa‘i i te mea o ta oe i ite no ni‘a i te faufaa o te taata iho e e mea nahea to oe ti‘aturiraa i te tupuraa no to oe faaitoitoraa ia vetahi ê.

Te tahi atu mau iteraa rau o te peu maitai

A faaî e toru mau iteraa rau ê atu o te peu maitai. E nehenehe oe e ma‘iti i te mau tuhaa i muri nei e aore râ e papa‘i e piti i ta oe iho. E mea ti‘a i to oe metua e aore râ i te taata faatere e faati‘a i te mau mea o ta oe iho i papa‘i na mua oe a haamata’i. Ia tuurima to oe metua e aore râ te feia faatere e ia tapa‘o i te tai‘o mahana i muri iho i to oe faaotiraa i te iteraa rau tata‘itahi.

4. Te faaineine nei oe i te rave i te hoê misioni otahi i ni‘a i te fenua nei. A tai‘o i Te Parau Haapiiraa e Te Mau Parau Fafau 88:119. I roto i ta oe buka aamu a hamani i te hoê tapura no to oe mau ti‘aturiraa e to oe mau moemoea no to oe fare i muri iho, te utuafare, e te haapiiraa e te mau mea faufaa o ta oe e hinaaro nei e faatupu i roto i to oe oraraa, mai te riroraa ei vahine faaipoipo e ei metua vahine. E a papa‘i i te hoê faanahoraa o te tauturu ia oe ia faaoti i ta oe mau opuaraa. A faaite atu i teie faanahora i te hoê melo o to oe utuafare, te taata faatere e aore râ te hoê hoa

5. A amui atu i roto i te hoê haapiipiiraa ori, te orero, te pehe e aore râ, te ha‘uti taata ora i te fare haapiiraa, i roto i to oe oire e aore râ, i te fare pureraa, Nahea to oe amuiraa’tu i roto i teie haapiipiiraa i haapuai i to oe mau mana‘o no ni‘a i te faufaa o te taata iho e te ti‘aturaa ia oe iho. A papa‘i i to oe mau mana‘o i roto i ta oe buka aamu.

6. A amui ai oe i roto i te aamu utuafare, e tae mai te iteraa ia oe i to oe ti‘araa taata e te faufaa o te taata iho. A haere e farerei i to oe mau fetii e ora ra no te haapii hau mai i te mau haamaramaramaraa no ni‘a i to oe aamu utuafare mai te mea e nehenehe. E a faaî i te hoê parau tuatapaparaa no to oe utuafare e a tapura i te mau oro‘a o te hiero tei ravehia no ratou tata‘itahi.

7. Ua horo‘a te Metua i te Ao ra ia oe te mau horo‘araa taa ê. A tai‘o 1 Korinetia 12:4–12 ; 13 ; Moroni 7:12–13 ; 10:8–18 ; e Te Parau Haapiiraa e Te Mau Parau Fafau 46:11–26. A ani i te hoê melo o te utuafare, i te hoê taata faatere o te Feia Apî Tamahine e aore râ te hoê hoa ia papa‘i i te mau huru maitai o ta te Fatu i horo‘a no oe. A tapura i ta oe mau horo‘araa i roto i ta oe buka aamu, e a papa‘i nahea ia tamau noa i te faarahi i teie mau horo‘araa e ia faaohipa i te reira no te tavini i to oe utuafare e ia vetahi ê.

Ta‘u iho mau iteraa rau o te peu maitai

Opuaraa o te peu maitai

I muri mai i to oe faaîraa i na e ono iteraa rau o te peu maitai no te faaroo, a faatupu i te hoê opuaraa o te tauturu ia oe ia faaohipa i te mea o ta oe i haapii mai. E titauraa teie no te hoê tautooraa hoê ahuru hora te maoro. Na roto i te pure a imi i te arata‘iraa o te Varua Maitai no te ma‘iti i te hoê opuaraa faahiahia a‘e.

Ei parau faati‘a na to oe metua e aore râ te feia faatere no te opuaraa na mua oe e haamata’i. A papa‘i i te hoê faaauraa i muri iho i to oe faaotiraa. Tei raro nei te tahi mau mana‘o no te opuaraa o te peu maitai.

Te vai nei ta oe hoê misioni otahi e te hanahana ia rave-faaoti-hia i ni‘a i te fenua nei e ua haamaitaihia oe i te mau taleni no te faaotiraa i te reira misioni. A faaî ai oe i te hoê o teie mau opuaraa, e riro oe ei ite i te faufaa e i te amuiraa mai o vetahi ê e e ite atoa oe i te faaururaa o ta oe e nehenehe e faatupu i roto i te oraraa o vetahi ê. A faaite i to oe haamauruuru i te feia tei haa e o oe, e a papa‘i i roto i ta oe buka aamu i to oe mau iteraa rau.

• A haaputu i to oe iho aamu e aore râ to te utuafare ma te faaohipa i te mau papa‘iraa a te ve‘a, te mau hoho‘a e te mau parau faufaa rahi.

• A horo‘a i te hoê o to oe mau horo‘araa na roto i te haapiiraa e aore râ te patururaa i te hoê tumu parau, te pehe, te faaetaetaraa tino e aore râ tareni rima î.

• A faatupu i te hoê opuaraa o te haamaitai atu â i te huru oraraa o vetahi ê i roto i te veve.

• A arata‘i e aore râ a faaô atu i roto i te hoê pŭpŭ himene a te feia apî, te hoê teata taata ora, te hoê faaiteiteraa no te mau taleni, e aore râ te hoê faaiteiteraa no te mau ohipa rima î.

• A haapii i te hoê toro‘a o te nehenehe e tauturu ia oe i roto i te hoê ti‘araa ohipa i mua nei.

Teie ta‘u opuaraa :

Teie ta‘u faanahoraa no te faatupu i ta‘u opuaraa :

Faati‘ahia

Tai‘o mahana faataahia no te faaotiraa

Ta‘u faaauraa i te opuaraa oia ho‘i (a faaite eaha ta oe i farii e nahea to oe taa-maitai-raa i faarahi i te faufaa o te taata iho)

Tuurimaraa a te metua e aore râ a te feia faatere

Tai‘o mahana :

Hora i faaohipahia