Te mau ohipa maitai

Oia atoa to outou maramarama, ia anaana ïa i mua i te aro o te taata nei, ia hi‘o ratou i ta outou ohipa maitai, e ia haamaitai i to outou Metua i te ao ra (3 Nephi 12:16).

E tauturu vau ia vetahi ê e e patu i te basileia na roto i te taviniraa parau-ti‘a.

Te mau iteraa rau o te peu maitai i titauhia

A faaî e toru iteraa rau ê atu o te peu maitai i titauhia i muri nei. Ia tuurima hoê o to oe metua e aore râ te taata faatere e ia tapa‘o i te tai‘o mahana i muri iho i to oe faaotiraa i te iteraa rau tata‘itahi.

1. A haapii mai no te aha te taviniraa i riro ai ei parau tumu faufaa roa no te evanelia. A tai‘o Mataio 5:13–16 ; 25:34–40 ; Galatia 6:9–10 ; Iakobo 1:22–27 ; Mosia2:17 ; 4:26 ; e 3 Nephi 13:1–4. Eita paha oe e haapa‘o i te tavini tamau a vetahi ê, mai te faaineineraa i te maa, te tai‘oraa e aore râ, te faarooraa i te mau tamarii rii, te tata‘iraa i te ahu, e aore râ, te tauturururaa i te hoê taea‘e e aore râ, i te hoê tuahine. A papa‘i i roto i ta oe buka aamu i te mau ohipa i rave mo‘emo‘ehia e te mau melo o to oe utuafare e te tahi atu mau ohipa no na hepetoma e piti te maoro. A haamauruuru no ta ratou taviniraa na roto i te tahi mau haamauruururaa.

2. E parau tumu faufaa roa te taviniraa no te oraraa utuafare. A tauturu i te faanahoraa i te tabula maa o to oe utuafare, te tiiraa i te maa, e a faaineine i te hoê tuhaa o te maa tamaaraa no na hepetoma e piti. I roto i taua hepetoma ra a haaputuputu i to oe utuafare no te tamaaraa amui. A faaite atu i ta oe pŭpŭ eaha ta oe i haapii mai.

3. A tai‘o Mosia 18:7–10, e i roto i ta oe buka aamu a tabula e toru rave‘a o ta oe e nehenehe e tamahanahana ia vetahi ê e aore râ e tauturu ia ratou ia mâmâ ta ratou mau hopoi‘a. A rave i te mau ohipa i roto i ta oe tabula, e a faaite i te hoê melo o te utuafare e aore râ i te taata faatere no te iteraa rau e mea nahea to oe huru e te taa-maitai-raa i te tauiraa.

Te tahi atu mau iteraa rau o te peu maitai

A faaî e toru mau iteraa rau ê atu o te peu maitai. E nehenehe oe e ma‘iti i te mau tuhaa i muri nei e aore râ e papa‘i e piti i ta oe iho. E mea ti‘a i to oe metua e aore râ i te taata faatere e faati‘a i te mau mea o ta oe iho i papa‘i, na mua oe a haamata’i. Ia tuurima to oe metua e aore râ te feia faatere e ia tapa‘o i te tai‘o mahana i muri iho i to oe faaotiraa i te iteraa rau tata‘itahi.

4. A haapii i te hoê haapiiraa no ni‘a i te taviniraa i roto i te pô utuafare e aore râ i roto i te tahi atu ohiparaa. A faaohipa i te mau hoho‘a, te pehe, te mau hi‘oraa, e aore râ te mau faaiteiteraa i roto i ta oe haapiiraa. E hinaaro paha oe i te faaohipa i te buka Haapiiraa, Aita e Piiraa Hau A‘e ei tauturu.

5. A tai‘o Te Parau Haapiiraa e Te Mau Parau Fafau 58:26–28. A feruri i te mau rave‘a o ta te hoê tamahine apî, tae noa’tu ta te hoê vahine faaipoipo e hoê metua vahine, e rave no te faaohiparaa i teie papa‘iraa i roto i to’na utuafare. A faanaho i te hoê hoho‘a taviniraa i roto i to oe oraraa, na roto i te ma‘itiraa i te hoê melo o te utuafare o ta oe e nehenehe e tauturu. A tavini i taua taata ra hoê a‘e ava‘e te maoro. A papa‘i i roto i ta oe buka aamu i ta oe mau ohipa e to oe mau mana‘o no teie nuuraa o to oe auraa e taua taata ra.

6. A rave e toru a‘e hora i te taviniraa i rapae i to oe utuafare. A ani i te peresideni o te Sotaiete Tauturu o ta oe paroita e aore râ amaa, e aore râ i te hoê taata faatere o te oire i te mau hinaaro no te taviniraa. Ei hi‘oraa, e nehenehe oe e haapa‘o i te mau tamarii a haere ai te mau metua i te hiero ; te haaputuraa, te raveraa, e aore râ te tata‘iraa i te mau tauihaa hauti e aore râ i te mau hauti rii na te piha haapa‘oraa tamarii ; te fariiraa i te hoê titauraa ia tamâ i te fare pureraa ; aore râ te haereraa e hoo mai i te mau mea e hinaarohia e aore râ te tai‘oraa na te hoê taata paari i te fare iho e aore râ te tahi atu mau taata i roto i te fifi. A papa‘i i roto i ta oe buka aamu, te huru o te feia ta oe i tavini e te mau opuaraa e nehenehe e rave no te mau rave‘a taviniraa i mua nei.

7. Na roto i ta oe mau ohipa maitai, e ite mai vetahi i to oe hi‘oraa maitai e te hinaaro nei ia ite hau atu no ni‘a i te evanelia. A pure no te hoê iteraa rau misionare. A tai‘o Mataio 24:14 ; 28:19 ; e Te Parau Haapiiraa e Te Mau Parau Fafau 88:81. A ani manihini i te hoê hoa e ere i te melo no te Ekalesia e aore râ e ere i te mea itoito roa, ia haere mai na muri ia oe i te hoê pureraa e aore râ hoê faaoaoaraa a te Ekalesia. A faaite to oe hoa i te tahi atu o to oe mau hoa, e a haapapû e ua faaô-maitai-hia oia i roto i te faaoaoaraa. A faaite i to oe iteraa papû no te evanelia, e ani manihini ia’na ia ho‘i faahou mai.

Ta‘u iho mau iteraa rau o te peu maitai

Opuaraa o te peu maitai

I muri mai i to oe faaîraa i e ono iteraa rau o te peu maitai no te faaroo, a faatupu i te hoê opuaraa o te tauturu ia oe ia faaohipa i te mea o ta oe i haapii mai. E titauraa teie no te hoê tautooraa hoê ahuru hora te maoro. Na roto i te pure a imi i te arata‘iraa o te Varua Maitai no te ma‘iti i te hoê opuaraa faahiahia a‘e.

Ei parau faati‘a na to oe metua e aore râ te feia faatere no te opuaraa na mua oe e haamata’i. A papa‘i i te hoê parau faaite i muri iho i to oe faaotiraa. Tei raro nei te tahi mau mana‘o no te opuaraa o te peu maitai.

• A tauturu i te faanahoraa e i te faaôraa i roto i te hoê opuaraa no te tamâ e aore râ, no te faaneheneheraa i to oe oire.

• A faaineine ia riro ei vahine rave maa na roto i te haaputuraa i te mau tabula raveraa maa, te hooraa mai i te maa, e te faaineineraa i te mau maa no to oe utuafare.

• A ohipa e te hoê melo o te utuafare i te haaputuraa i te mau i‘oa o te mau fetii tei pohe e ere i te melo no te Ekalesia. A imi i to ratou mahana fanauraa e te poheraa e ia faaineine i to ratou i‘oa no te afa‘iraa i te hiero. A tauturu i te faanahoraa i te hoê tere i te hiero e te raveraa i te mau bapetizoraa no taua mau fetii ra.

• A faaineine i te taviniraa ia vetahi ê, na roto i te haereraa i te hoê haapiipiiraa no te hoê aravihi no te faaohipa i roto i te mau taime fifi, mai te mau tauturu matamua, te horo‘araa i te aho ora, e aore râ te mau aravihi no te faaora i te hoê taata.

• Taviniraa ia vetahi ê. A horo‘a i te tauturu tamoni ore i roto i te oire, te faaineineraa i te mau tauihaa no te mau titauraa faaora i to te ao nei, a horo‘a i te taime no te utuuturaa i te tamarii e aore râ, i te feia paari, e aore râ, a faariro ei metua tia‘i no te hoê tamarii haapii i te fare haapiiraa e aore râ, i roto i te oire.

Teie ta‘u opuaraa :

Teie ta‘u faanahoraa no te faatupu i ta‘u opuaraa :

Faati‘ahia

Tai‘o mahana faataahia no te faaotiraa

Ta‘u faaauraa i te opuaraa oia ho‘i (a faaite eaha ta oe i farii e nahea to oe taa-maitai-raa i faarahi i te mau ohipa maitai) :

Tuurimaraa a te metua e aore râ a te feia faatere

Tai‘o mahana :

Hora i faaohipahia