8. Yerusalem

Ijonge ngasentla phezu kweYerusalem. Embindini womfanekiso kukho ibhokisi eneentsalela zengcwele yamaIslam enesakhiwo esikhulu esingqukuva esigqunywe ngegolide, ekuthiwa siSakhiwo esiKhulu soLwalwa. AmaYuda ayenqula mandulo kwitempile ezifumaneka apha. Iindonga kufutshane neSakhiwo esiKhulu soLwalwa zijikeleze isixeko esidala saseYerusalem. Ekunene kodonga kukho iNtlambo yaseKidron. Kude ekunene kukho kanye, ngaphandle kwefoto, yiNtaba yeMinquma iNtaba yeMinquma. Ukuya emntla, ngaphaya kweSakhiwo esiKhulu esiNgqukuva soLwalwa, kukho inxuwa ekunokwenzeka ibe leleGologota, okanye uKakayi.

Izehlo eziBalulekileyo: IYerusalem kwakusithiwa yiSalem mandulo (IiNd. 76:2). UAbraham wahlawula izishumi kuMelkitsedeke (Gen. 14:18–20). UAbraham waya kwenza idini uIsake (Gen. 22:2–14). UKumkani uDavide wathimba iYerusalem kumaYebhusi (Ⅱ Sam. 5:4–9). UKumkani uSolomon wakha itempile (Ⅰ OoKum. 6–7). ULihayi wemka esiya kwilizwe lesithembiso (1 Nif. 1:4; 2). UMsindisi walungiselela, wahlawulela izono zethu, waza wavuka (Mat. 21–28). Njengoko uMsindisi waprofethayo, iYerusalem yatshatyalaliswa kufutshane nje emva kokufa Kwakhe (JS—Mateyu 1:3–20). IYerusalem iya kuhlaselwa ngemihla yokugqibela (Hez. 38–39; Yow. 2–3; Isityh. 11; 16). UMsindisi uya kubonakala apha kanye nje phambi kokuBuya kweSibini (Zek. 12–14; I&M 45:48–53). (Khangela I kZ Yerusalem; Salem.)