1Ti hoko ai, mole atu e o hifo mai a mautolu ke he tutakale ke he matua taane ha mautolu, kitia la ne puke a ia ke he fiafia, pihia foki e matua fifine haaku, ko Salai, kua fiafia lahi a ia ha ko e mena fakaatukehe mooli a ia ha ko mautolu.

2Ha kua manatu a ia kua mamate a mautolu he tutakale; ti loma foki a ia ke he matua taane haaku, mo e tala age ko ia ko e taagata kitia fakakiteaga mo e pehe: Kitia la, kua futiaki mai e koe a mautolu mai he motu he tau tupuna ha mautolu, kua mole ai e tau fanau haaku, mo e mamate ai a tautolu ke he tutakale.

3Ti pihia e tau vagahau ne fakakelea aki he matua fifine ke he matua taane haaku.

4Ti hoko ai, ne vagahau atu e matua taane haaku ki a ia, mo e pehe: Kua iloa e au ko e tagata kitia fakakiteaga au; ha ko e a ne mai ne ai kitia e au e tau mena he Atua ke he taha fakakiteaga a kua nakai iloa e au e mitaki he Atua, ka kua nofo ai i Ierusalema mo e mate ai mo e haaku a tau matakainaga.

5Ka e kitia la, kua moua e au e taha motu he maveheaga, ko e mena ia kua olioli ai au; hanai, ti iloa e au to ta mai he Iki haaku a tau fanau mai he tau lima a Lapana, mo e ta hifo mai a lautolu ki a taua he tutakale.

6Ti pihia e tau vagahau he matua taane haaku ko Lihai ne fakamafana aki e ia haaku a matua fifine ko Salai, hagaao ki a mautolu, he magaaho ne fenoga ai a mautolu he tutakale ke o hake ke he fonua ko Ierusalema, ke moua mai e tau fakamauaga ke he tau Iutaia.

7Ti ko e magaaho ne liliu atu a mautolu ke he fale ie he matua taane haaku, kitia la, ko e ha laua a fiafia kua puke namo ni, ti kua mafanatia ai haaku a matua fifine.

8Ti ne vagahau ai a ia pehe: Ko e magaaho nai kua iloa fakatonu e au kua poaki he Atua haaku a tokoua ke hola ke he tutakale; hanai, kua iloa fakatonu foki e au kua leveki he Iki haaku a tau fanau, kua iloa fakatonu foki e au kua leveki he Iki haaku a tau fanau, mo e ta mai a lautolu mai he tau lima ha Lapana, mo e foaki ki a lautolu e malolo ke maeke ia lautolu ke fakahoko e mena ne poaki he Iki ki a lautolu. Ti pihia e haana a tau vagahau.

9Ti hoko ai, ne olioli lahi ni a lautolu, mo e tuku atu e tau poa mo e tau poa huhunu ke he Iki; mo e tuku atu e tau fakaaue ke he Atua a Israela.

10Ti mole atu e tau fakaaue ha lautolu ke he Atua a Israela, ko e matua taane haaku ko Lihai, ne uta e ia e tau fakamauaga ne tohia ai ke he tau lapa maka veo mo e kumikumi a ia ki ai mai he kamataaga.

11Ti kitia ai e ia, kua ha ha i ai e tau tohi ne lima a Mose, ne fakakite ai e tala ke he kamataaga he lalolagi, pihia ke hifo mai ke he kamataaga he pule a Setekaia, ko e patuiki a Iuta;

12Ti pihia e fakamauaga hagaao ke he tau Iutaia mai he kamataaga, pihia ke hoko mai ke he kamataaga he pule a Setekia, ko e patuiki a Iuta.

13Ti pihia foki ke he tau perofetaaga he tau perofeta tapu, mai he kamataaga, kehifo mai ke kehe kamataaga he pule a Setekaia; ti pihia foki ke he tau perofetaaga loga ne vagahau mai he gutu a Ieremia.

14Ti hoko ai, ko e matua taane haaku ko Lihai, ne moua e ia ki loto he tau lapa maka veo e matohiaga he tau matua haana, ko e mena ia ti iloa ai e ia ko e tupu mai a ia ia Iosefa ko ia ko e tama a Iakopo, ne fakafua ki Aikupito, ne fakamoui ai he lima he Iki, ke fakamoui e ia haana matua taane ko Iakopo mo e haana a magafaoa katoa mai he hoge.

15Ne takitaki kehe foki a lautolu mai he paeaaga, mai he motu ko Aikupito; he Atua taha ia ni ne fakamomoui a lautolu.

16Ti pihia e iloaaga he matua taane haaku ko Lihai e tala ke he matohiaga he tau tupuna haana. Ti ko Lapana foki ne tupu mai a ia ia Iosefa, ko e mena ia ne toka ai ia i mo e haana a tau matua e tau fakamuaga.

17Ko e magaaho nai ne kitia ai he matua taane haaku e tau mena oti nai, kua puke a ia ke he Agaaga, mo e kamata ai ke perofeta hagaao ke he haana a tupu —

18Ko e tau lapa maka veo nai to tuku atu ai ke he tau motu oti, tau matakainaga, tau motu kehe, mo e tau tagata mai he haana a tupu.

19Ko e mena ia, ne pehe a ia ko e tau lapa maka veo nai to nakai fakaoti ai; mo e nakai mate ai ka leva. Ti perofeta e ia loga e tau mena hagaao ia ke he haana a tupu.

20Ti hoko ai, pihia e levekiaga haaku mo e matua taane haaku e tau poakiaga ne kua poaki mai he Atua ki a mautolu.

21Ti kua moua e mautolu e tau fakamauaga ne kua poaki he Atua ki a mautolu, kua kumikumi ki ai mo e iloa ai kua aoga lahi; hanai, kua mahuiga lahi ki a mautolu, kua pihia ke maeke ke toka mau e mautolu e tau poakiaga he Iki ke lata mo e tau fanau ha mautolu.

22Ko e mena ia, ko e iloilo ia ke he ki ke uta ai e mautolu he o fenoga ai a mautolu he tutakale hagaao atu ke he motu he maveheaga.