1 Lao atan, siempre meggai — guihi na diha yanggen hu tutuhon chumo’gue na’manman na cho’cho’ gi me’nan-ñiha, ya siña hu hasso i kontratamiento ni’ hu fa’tinas yan i famagu’on taotao, ya bai hu po’lo i kannai-hu ta’lo gi sigundo biahi para bai konne’ tatte i taotao-hu ni mangginen i gima’ Israel.

2 Yan lokkue’ para bai hasso i prumesa siha ni’ hu fa’tinas yan hagu, Nephi, yan lokkue’ gi as tata-mu, bai hasso i simiya-mu; ya i palabran i simiya-mu hu huyong ginen i pachot-hu guatu gi simiya-mu; ya i palabras-hu u hanao esta i uttemon i tano’ para mudelu para i taotao-hu, ni’ mangginen i gima’ Israel.

3 Ya put humanao i fino’-hu — meggai na Gentiles siempre ilek-ñiha: Un Biblia! Un Biblia! Esta guaha Biblian-mami, ya ti siña guaha mas Biblia.

4 Lao siempre ilek-ña i Saina as Yu’os: Ai na taotao, siempre manggai Biblia; ya siempre humuyong ginen i Judios taotao-hu antigu na kontratamiento. Ya kao ma na’i agradisimiento i Judios para i Biblia ni’ ma risibi ginen siha? Hunggan, hafa kumeke’ilek-ña i Gentiles? Kao ma hasso i pinadesi, yan i che’cho’-ñiha, yan i puten-ñiha i Judios, yan i dilihenten-ñiha giya guahu anai para u ma na’i i Gentiles satbasion?

5 Ai hamyo i Gentiles, kao en hasso i Judios, i taotao-hu gi antigu na kontratamiento? Ahe’; lao en matdisi siha, ya en chatli’e’, ya ti en espiha para en kenne’ siha tatte. Lao atan, bai na’na’lo este siha gi hilo’ i ilon-miyu; sa’ guahu, i Saina ti maleleffa yu’ nu i taotao-hu siha.

6 Ai na taotao i para u alok: Biblia, guaha esta Biblia, ya ti in nisisita ta’lo Biblia. Kao un gai Biblia yanggen ti Judios siha?

7 Ti un tungo’ ada na mas ki unu ha’ na nasion? Kao ti un tungo’ na guahu i Saina ni’ Yi’os-miyu, hu fa’tinas todu i taotao, ya hu hasso ayu siha i manggaige gi islan i tasi; ya hu gubietna i langet yan i tano’; ya hu laknos i fino’-hu gi famagu’on i taotao, hu’u, tanto todu i nasion siha gi tano’.

8 Entonses, manggonggong hamyo sa’ para en risibi mas i fino’-hu siha? Kao ti en tungo’ na i testimonion dos na nasion testigu para hagu na guahu Yu’os, ya hu hasso un nasion parehu yan otro? Entonses, hu sangan parehu na palabras para un nasion esta i otro? Yanggen dumaña’ i dos nasion, i testimonion i dos na nasion hu daña’ lokkue’.

9 Ya hu cho’gue este para bai hu apreba para todu siha na parehu yu’ nigap, pa’go yan tiot tiempo; ya hu sangan i fino’-hu konsiste gi minagof-hu. Ya put hu sangan unu na palabra munga ma suponi na ti siña hu sangan otro; sa’ ti monhayan i che’cho’-hu; ya ti u fonhayan estaki i uttemon i taotao; yan ti u fonhayan guihi na tiempo mo’na yan tiot tiempo.

10 Entonses, put guaha esta Biblia, munga ma suponi na ha konsiste todu i fino’-hu; munga lokkue’ ma suponi na ti hu na’ma tuge’ mas.

11 Sa’ hu kumanda todu i taotao, kontodu ginen i ge’kattan yan i ge’lichan, yan i ge’lagu yan i ge’haya, yan i isla gi tasi, para u ma tuge’ i fino’-hu siha ni’ hu sangan; sa’ ginen i lepblo ni’ ma tuge’ bai hu husga i tano’, todu taotao konsiste ni’ fina’cho’cho’-ña, konsiste nu ayu i ma tuge’.

12 Sa’ atan, bai kuentusi i Judios siha ya siempre u ma tuge’; yan bai kuentusi i Nephites ya siempre u ma tuge’; yan bai kuentusi lokkue’ i otro familian i gima’ Israel, ni’ hu chachalani, ya siempre u ma tuge’; yan bai kuentusi lokkue’ todu i nasion i tano’ ya siempre u ma tuge’.

13 Ya siempre matto i tiempo na i Judios u ma na’i ni’ fino’ Nephites, ya i Nephites u ma na’i ni’ fino’ i Judios, ya i Nephites yan i Judios u ma na’i ni’ fino’ i malingu siha na familian Israel; ya i malingu siha na familian Israel u ma na’i ni’ fino’ i Nephites yan i Judios.

14 Ya siempre matto i tiempo na i taotao-hu, i mangginen i gima’ Israel, u fanma rikohi tatte gi tano’ guinahan-ñiha; ya i fino’-hu lokkue’ u ma rikohi gi unu. Ya bai hu fa’nu’i siha i kumontra i fino’-hu yan i taotao-hu, ni’ siha i gima’ Israel, na guahu Yu’os, ya kumontrata yu’ yan si Abraham na bai hu hasso i simiya-ña tiot tiempo.