1 Beʼoraaʼ Jacob bín in caʼah in tʼan ta wétel. Tech in yáx palech síheʼch tiʼ u kinil in yayah ólal teʼ kaxoʼ. Heʼel túnaʼ dzoʼoc u yantal tech yayah ólal ta palil tu yoʼolal hach chich u tuculoʼob a sucuʼunoʼob.

2 Quex beyoʼ, Jacob in yáx pal síheʼch teʼ kaxoʼ, tech a kahól u nohoch utsil Hahal Dios. Letiʼ bín u bendecirt a yah ólal ca u yántech.

3 Le betiʼqueʼ bín bendecirtaac a wól, bín cuxlaquech tiʼ maʼalob cuxtal yétel a sucuʼun Nefi, u kinil a cuxtaleʼ bín anac tu meyah Hahal Dios. Tu yoʼolaleʼ in woheʼl tu yoʼolal u yutsil le maʼx cu salvartiʼquechoʼ dzoʼoc a salvartaal, tumen dzoʼoc a wilic hach tu chuʼupul le kinoʼoboʼ bín talac utiaʼal u salvartiʼc maʼc.

4 Ta tanquelmileʼ ta wilah u gloriail, le betiʼqueʼ bendecirtaanech heʼebix xan bín bendecirtaac le maʼxoʼob bín u meyaht tu bakeloʼ; tumen le pixanoʼ igual, heʼebix hóleaqueʼ bey behlaʼeʼ bey le kinoʼob maʼ tu xuʼululoʼoboʼ. Le beh xanoʼ h betaabaʼan antes le cah lúb maʼcoʼ beyoʼ salvacioneʼ maʼ kabét a boʼotiʼc ca anac techiʼ.

5 Le maʼcoʼoboʼ cu canicoʼob u yaʼabil utiaʼal u yéyicoʼob baʼal maʼalob wá baʼal kasoʼ. Le leyoʼ cu dzaʼabal tiʼ maʼcoʼob. Tu yoʼolal le leyoʼ mix humpʼél bak cu defendertiʼcuba, u kát yaʼaleʼ tu yoʼolal le leyoʼ cu puʼulul maʼc. Beyoʼ, tu yoʼolal le u leyil yókolcaboʼ cu puʼulul; yétel tu yoʼolal xan le u leyil le pixanoʼ cu químil tiʼ le baʼax maʼaloboʼ cu pʼátaloʼob hach ótsiloʼob minaʼan u xul u kiniliʼ.

6 Tu yoʼolaleʼ, le salvacionoʼ cu tal tiʼ tu yoʼolal le Sagrado Mesiasoʼ; tumen chup yétel utsil yétel hah.

7 Heʼel túnaʼ letiʼeʼ cu dzaicuba bey humpʼél sacrificio tu yoʼolal le kebanoʼ, tu yoʼolal u dzoʼocsic le baʼax u kát le leyoʼ tu yoʼolal le maʼxoʼob yah tu pucsiʼkaloʼoboʼ yétel hach sincero u pixanoʼoboʼ; beyoʼ tu yoʼolal mix ulak maʼc cu dzoʼocsaʼal le baʼax u kát le leyoʼ.

8 Tu yoʼolaleʼ hach sénquech kabét ca kahóltaac le baʼaloʼob tumen u maʼquiʼloʼob le yókolcabaʼ tu yoʼolal u yoheltiʼcoʼobeʼ mix humpʼél bak heʼel u páhtal u cahtal tu tánil Hahal Dios wá maʼ tu yoʼolal u chʼaʼic ótsilil yétel u dzaʼabal tiʼ tumen le Sagrado Mesiasoʼ, maʼx cu dzaic u cuxtaliʼl u bakeleʼ, cu dzoʼocoleʼ cu caʼa chʼaʼic tu caʼatén tu yoʼolal u páhtalil le Pixanoʼ utiaʼal u betiʼc ca úchuc le u caʼa cuxtal tiʼ le quiʼmenoʼoboʼ, yételeʼ letiʼ le yáx maʼx bín caʼa cuxlacoʼ.

9 Bey túnoʼ letiʼeʼ u yáxil ich tiʼ Hahal Dios, tumen letiʼ bín u dzauba chúmuc toʼon yétel tiʼ Hahal Dios tu yoʼolal tulácal u palal maʼc; yételeʼ le cun u creertoʼob tiʼ letiʼeʼ bín salvartaacoʼob.

10 Tu yoʼolal tún le sacrificio cu mentiʼc tu yoʼolal tulácal maʼcoʼ, tulácal maʼc cu bin tu yicnal Hahal Dios; bey túnoʼ bín anacoʼob tu tán tu yoʼolal u juzgartaaloʼob tumen letiʼ tiʼ le hahoʼ yétel le u yutsil yan tiʼ letiʼoʼ. Tu yoʼolaleʼ le baʼax cu kátiʼc le ley dzaʼan tumen le Sagrado Mácoʼ, letiʼ u dzaʼabal le keyah cu tal yételoʼ, le xan le keyah heʼelaʼ, yan actán tiʼ le quiʼmaʼc ólal cu tal yételoʼ tu yoʼolal u dzoʼocsic le baʼax u kát le u sacrificioil Jesucristooʼ.

11 Tumen kach kabét ca anac humpʼél baʼal cu bin tu contra cada baʼal. Tumen wá maʼbeyoʼ, in yáx palech h síh teʼ kaxoʼ, beyoʼ minaʼan uts mix kaseʼ, mix utsil cuxtal mix ótsilileʼ, mix uts mix kas. Tu yoʼolal túneʼ tulácal baʼaloʼobeʼ hach kabét ca sunacoʼob humpʼélil caʼachiʼ wá ca sunacoʼob humpʼélil túneʼ maʼ tán u yantal caʼach u cuxtal mix u químileʼ, mix u kastal mix u yutstaleʼ, mix quiʼmaʼc ólal, mix yah ólaleʼ, mix u naʼatiʼl mix u xaʼaxakaʼan tuculeʼ.

12 Tu yoʼolal túneʼ, minaʼan u baʼax oʼolalil u betaal caʼachoʼ, beyoʼ h betaab bey humpʼél baʼal minaʼan u valoriʼ. Beyoʼ dzoʼoc caʼach u xuʼulsic u naʼatiʼl Hahal Dios yétel u tucul minaʼan u xuleʼ heʼebix xan u páhtalil yétel u chʼaʼic ótsilil yétel u yutsil Hahal Dios.

13 Tumen wá ca wáʼaliqueʼex minaʼan leyeʼ ca wáʼaliqueʼex xaneʼ minaʼan keban. Wá xan ca wáʼaliqueʼex minaʼan kebaneʼ, ca wáʼaliqueʼex xaneʼ minaʼan uts. Wá minaʼan utseʼ minaʼan quiʼmaʼc ólal. Wá minaʼan uts mix quiʼmaʼc ólaleʼ, minaʼan xan castiʼgo mix yah ólal. Wá minaʼan xan le baʼaloʼobaʼ minaʼan xan Hahal Dioseʼ, minaʼanoʼon xan toʼon, mix luʼum; tumen maʼ tu páhtal u yantal u betaal baʼaloʼob mix utiaʼal meyah mix utiaʼal u kamic u meyah; tu yoʼolaleʼ tulácal dzoʼoc caʼach u láh saʼataleʼ.

14 Beʼoraʼ túnaʼ in palaleʼex quiʼn wáʼalic teʼex le baʼaloʼobaʼ tu yoʼolal u dzaic teʼex utsil yétel u caniqueʼex; tumen yan huntúl Dios maʼx h bet tulácal baʼal teʼ caʼanoʼ, yókolcab yétel tulácal le baʼaxoʼob yan yókoloʼ; heʼebix le baʼaxoʼob cu meyahoʼoboʼ beyxann le baʼaxoʼob kamic u meyahoʼ.

15 Tu yoʼolal tún cu dzoʼocol le baʼax u tuculmaʼh minaʼan u xuloʼ tu yókol maʼqueʼ, le cah dzoʼoc u betiʼc c yáx tataoʼobeʼ, u baʼalcheʼiloʼob káx, u chʼíchʼiloʼob teʼ caʼanoʼ, hach tulácal le baʼaxoʼob h mentaaboʼ, hach kaʼanaʼan caʼach ca anac humpʼél baʼax tu contra cada baʼax, bixmaʼiʼ, letiʼ le u yich le cheʼ aʼalaʼan maʼ u hantaaloʼ cu contra u yich le u cheʼil cuxtaloʼ, humpʼéleʼ chʼuhucoʼ ulʼakeʼ káh.

16 Tu yoʼolal túneʼ, le Yumstiʼl Hahal Diosoʼ tu chaʼah u yéyic maʼc u behil tu hun. Bey túnoʼ maʼqueʼ maʼ tán u páhtal u yéyic u behil tu hun, wá maʼ uts tu tán humpʼél wá ulʼak.

17 Ten tún Lehieneʼ, bey u yaʼalic le baʼax dzoʼoc in xoquiʼcoʼ, huntúl u angel Hahal Dios h lúb teʼ caʼanoʼ heʼebix dzíbtaaniloʼ; tu yoʼolaleʼ tu betuba quiʼsin, tumen u kat u betiʼc baʼal kas tu tán Hahal Dios.

18 Tu yoʼolal tún úch u lúbul teʼ caʼanoʼ yétel tu yoʼolal úch u kuchul u betuba hach kasaʼan minaʼan u xul u kasiʼleʼ, tu dzahuba u betiʼc ca anac yah ólal tiʼ maʼcoʼob tu yoʼolaleʼ le úchben canoʼ, letiʼ le quiʼsinoʼ, u tata tulácal tusoʼob, tu yaʼalah tiʼ Evaeʼ, hant u yich le cheʼ aʼalaʼan tech maʼ ta hantiʼ, maʼ tán a químil, sino bín beychaquech bey Dioseʼ, a kahól uts yétel kas.

19 Adan yétel Eva tún le cah dzoʼoc u hantiʼcoʼob u yich le cheʼ aʼalaʼan tiʼoʼob maʼ tu hantoʼobiʼ cah puʼuloʼob tu jardin Eden, tu yoʼolal u meyahtiʼc luʼum.

20 Ca tún anchah u palaloʼob, beyoʼ u familiail yókolcab.

21 Ca tún yaʼabchah u haʼabiloʼob u palal maʼcoʼob, heʼebix u yóltiʼc Hahal Dioseʼ, tu yoʼolal u pʼatiʼcoʼob u keban caʼaliquiʼl cuxaʼanoʼob tu bakeloʼob tiʼ yanoʼob; tu yoʼolal túneʼ u cuxtaleʼ h kexpah tiʼ humpʼél u cuxtal utiaʼal u paʼtiʼcoʼob, u kinileʼ yaʼabchahiʼ heʼebix u tʼan Yumtsil Hahal Dios dzamaʼh tiʼ u palal maʼcoʼobeʼ. Tumen letiʼeʼ tu yeʼesah tiʼ tulácal maʼcoʼobeʼ dzu puʼululoʼob tu yoʼolal u betiʼcoʼob kas u tataoʼob.

22 Tumen wá maʼ úchic u betiʼc keban Adaneʼ, maʼ tán caʼach u lúbuleʼ, sino dzoʼoc caʼach u pʼátal tu jardin Edenoʼ. Tulácal tún le baʼaxoʼob h betaaboʼ dzoʼoc caʼach u pʼátal hach heʼebix le cah dzoʼoc u betaaleʼ; dzoʼoc xan caʼach u pʼátal minaʼan u xuleʼ.

23 Maʼ xan tán caʼach u yantal u palaloʼobeʼ; tu yoʼolaleʼ dzoʼoc caʼach u pʼátaloʼob tiʼ humpʼél cuxtal mixbaʼal u yoheʼloʼobeʼ, xmaʼ quiʼmaʼc ólal, tumen maʼ u kahóloʼob ótsilil; maʼ tu betiʼcoʼob baʼal maʼalob tumen maʼ u kahóloʼob kebaniʼ.

24 Baʼaleʼ heʼel túnaʼ, tulácal le baʼaloʼoboʼ dzoʼoc u betaal tu naʼatiʼl le maʼx tulácal baʼal u yoheʼloʼ.

25 Adan h lúb ca anac maʼcoʼobeʼ; beyxannoʼ yan maʼcoʼob ca quiʼmaʼcchahac u yóloʼob.

26 Le tún le Mesiasoʼ yan u tal le quen kuchuc hach u yaʼabil u kinil, utiaʼal u salvartiʼc u palal maʼcoʼob tiʼ le u lúbul maʼcoʼ. Yétel tumen xan salvartaanoʼob tiʼ le u lúbul maʼcoʼ, cu pʼátaloʼob hálkabiloʼob minaʼan u xul u kiniliʼ, tán u kahóltiʼcoʼob baʼax uts yétel baʼax kas tu yoʼolal u bisicoʼob u cuxtaloʼob chén tu hunoʼob, beyoʼ maʼ ca luʼsaʼac u hálkabil cuxtaloʼobiʼ, a menos que letiʼ u keyahil le ley teʼ tu hach nohchil dzoʼoc kinoʼ, heʼebix u tʼan Hahal Dios u dzamaʼheʼ.

27 Bey túnoʼ le maʼcoʼoboʼ hálkaboʼob u bisicoʼob u cuxtaloʼob tiʼ bakel yétel dzaʼan tiʼoʼob tulácal baʼal hach kabét utiaʼal maʼc. Heʼel xan u páhtal u yéyicoʼob u bisicoʼob u cuxtal heʼebix u káteʼ yétel le cuxtal minaʼan u xuloʼ tu yoʼolal le nohoch sacrificio h betaab utiaʼal tulácal maʼcoʼoboʼ wá cu yéyicoʼob u bisaʼaloʼob bey esclavoʼob yétel u behil químiloʼ heʼebix u bisic maʼc minaʼan u xul quiʼsin yétel le u páhtalil letiʼoʼ, tumen lelaʼ u kát ca hach ótsilchahac tulácal maʼc heʼebix letiʼeʼ.

28 Tu yoʼolaleʼ in palaleʼex, quiʼn dzíboltiʼqueʼ ca anac a wileʼex tiʼ le nohoch maʼc yan chúmuc ichil toʼon yétel Hahal Dios; ca a dza a wóleʼex tiʼ u tʼan yétel ca a yéyeʼex le cuxtal minaʼan u xuloʼ heʼebix u yóltiʼc u hahil Pixaniʼ.

29 Yételeʼ maʼ a yéyiqueʼex le químil minaʼan u xuloʼ heʼebix u dzíboltiʼc a wínclil yétel le kas yan tiʼ letiʼoʼ, letiʼ le cu dzaic tiʼ u pixan le quiʼsinoʼ u páhtalil u bisiqueʼex heʼebix u káteʼ tu yoʼolal u bisiqueʼex u cúchil Satanas tu yoʼolal u reinartiʼc ta wókoleʼex teʼ tu reinoiloʼ.

30 Dzoʼoc in wáʼalic le humpʼít tʼanoʼobaʼ tiʼ tulácaleʼex in palaleʼex, tu dzoʼoc u kiniloʼob in cuxtal wáyeʼ; yétel dzoʼoc in yéyic le humpʼít maʼaloboʼ heʼebix u yaʼalic le profetaoʼ, yételeʼ mixbaʼal ulak in káteʼ hach chén in kát ca anac a maʼalob cuxtaleʼex. Amen.