U Caʼapʼélil u Libroil Nefi

1 Ten tún Nefieneʼ, le cah dzoʼ oc in caʼansic in sucuʼunoʼobeʼ, c tata Lehieʼ, tu yaʼalah xan dzeʼedzec tʼanoʼob tiʼoʼobʼ letiʼ le yaʼabach baʼaloʼob tu mentah Yumtsil utiaʼal u hóksaʼaloʼob tu luʼumil Jerusalenoʼ.

2 Ca tún tu yaʼalah tiʼoʼob tu yoʼolal u líkiʼloʼob utiaʼal baʼatel yókol le kaʼnaboʼ yétel tu chʼaʼ ótsilil tiʼoʼob Hahal Dios tu yoʼolal maʼ u químiloʼob ichil le kaʼnaboʼ.

3 Tu yaʼalah tiʼoʼob xan tu yoʼolal le u luʼumil prometertaan dzu kamicoʼoboʼ; yétel yaʼab cu chʼaʼic ótsilil Yumtsil tiʼ toʼon ca tu yaʼalah toʼon ca hókocoʼon tu cahil Jerusalen.

4 Tumen heʼel túnaʼ dzoʼoc in wilic humpʼél vision, cu tʼan tiʼoʼob: Betiʼqueʼ in woheʼl Jerusaleneʼ dzoʼoc u xuʼulsaʼal, tu yoʼolaleʼ wá pʼátacoʼon caʼacheʼ úch químicoʼon xan caʼacheʼ.

5 Baʼaleʼ, tu yaʼalaheʼ quex sén yahchahoʼoneʼ dzoʼoc u yantal toʼon humpʼél luʼum prometertaan, humpʼél luʼum yéyaʼan ichil tulácal ulʼakoʼob, le heʼeloʼ heʼebix u prometertmaʼhil Hahal Dios tiʼ teneʼ bín pʼátac humpʼél luʼum bín pʼaʼatac tu palal in palaloʼob. Beyoʼ Yumtsileʼ tu yoʼolal convenio u dzamaʼh ten le luʼumaʼ yétel tiʼ in palal tiʼ tulácal kinoʼob, yétel utiaʼal xan le ulak maʼcoʼob tulak cahiloʼob bín taasac tumen u kab Yumtsiloʼ.

6 Ten Lehieneʼ quiʼn wáʼalic le baʼax bín úchucoʼ heʼebix u yeʼesic ten le pixan tiʼ tenoʼ, mixmaʼc bín talac wáy tiʼ le Iuʼumaʼ wá maʼ tu taasal tumen u kab Yumtsiloʼ.

7 Le betiʼqueʼ, le luʼumaʼ taacaʼan utiaʼal u dzaʼabal tiʼ le maʼxoʼob quen u tas wáyaʼ. Wá xan cu meyahtiʼcoʼob Hahal Dios heʼebix u yaʼalic u tʼan u dzamaʼhoʼ, bín beychahac bey humpʼél u luʼum halabil tiʼoʼoboʼ; le betiʼqueʼ mix bikin bín bisaʼacoʼob beyoʼ; baʼaleʼ wá ca bisaʼacoʼobeʼ, leloʼ bín úchuc tu yoʼolal u kebanoʼ tumen wá yan yaʼab kebaneʼ bey esclavoʼoboʼ bín kaschahac le luʼumaʼ tu contraoʼoboʼ, baʼaleʼ utiaʼal le toh u cuxtaloʼoboʼ lailiʼ quen u betuba bendecirtbil utiaʼaloʼob.

8 Heʼel túnaʼ, le luʼumaʼ maʼs maʼalob maʼ u kahóltaal tumen ulak cahoʼob, tumen heʼel túnaʼ yaʼab cahoʼobeʼ, heʼel u binoʼob tulácal tuʼux tiʼ le luʼumaʼ, tu yoʼolaleʼ maʼ tán u yantal humpʼél utsil luʼum utiaʼal u dzaʼabal maʼc.

9 Tu yoʼolaleʼ ten Nefieneʼ dzoʼoc u yantal ten u promesaoʼ, wá le maʼxoʼob bín bisaʼacoʼob tumen Yumtsil desde u cahil Jerusalen cu betiʼcoʼob le tʼan Yumtsiloʼ, bín yaʼabchahacoʼob yókol le luʼumaʼ; yétel maʼ bín ohéltaacoʼob tumen ulak cahoʼoboʼ, tu yoʼolal u páhtal u yantal tiʼoʼob le luʼumaʼ hach utiaʼaloʼob chén letiʼoʼob. Wá xan cu betiʼcoʼob u tʼaneʼ, bín bendecirtaacoʼob yókol le luʼumaʼ; maʼ bín anac maʼc utiaʼal chaʼic u pʼuʼusiloʼob wá utiaʼal u lubsic u luʼumil u kamaʼhoʼobiʼ, hach maʼalob bín cahlacoʼob minaʼan u xul u kiniloʼob.

10 Baʼaleʼ heʼel túnaʼ le quen kuchuc kin u pʼatiʼcoʼob u creertoʼobeʼ le cu dzoʼocol u kamicoʼob nucuch bendicionoʼob tu kab Yumtsil, dzoʼoc u yohelitcoʼob bix betaabic yókolcab yétel bix betaabic tulácal maʼcoʼob, dzoʼoc u kahóltiʼcoʼob u nucuch meyahoʼob Yumtsil le cu haʼasic c óloʼoboʼ le cah betaab le yókolcabaʼ dzoʼoc u kamicoʼob u páhtalil u betiʼcoʼob tulácal baʼaloʼob tu yoʼolal u feil, yan tiʼoʼob le maʼndamientoʼoboʼ desde cah dzoʼoc xan u guiartaaloʼob tumen le u yutsil minaʼan u xuloʼ tac wáy tiʼ le luʼum prometertaanaʼ, heʼel túnaʼ quiʼn wáʼaliqueʼ wá ca kuchuc le kin maʼ u kamicoʼob le u Sagrado Máquiʼl Israeloʼ, le Mesias tu hahiloʼ, le maʼx cu salvartiʼcoʼoboʼ yétel u Diosiloʼob, heʼel túnaʼ, u juicioil le maʼx tohoʼ bín émec yókoloʼob.

11 Bixmaʼiʼ, bín u tas yókoloʼobeʼ ulak cahoʼob, tiʼ le maʼxoʼoboʼ bín u dza páhtalil tiʼoʼob, yétel bín u luʼs tiʼobbeʼ le luʼum utiaʼaloʼobaʼ yétel bín u ment u betaal lob tiʼoʼob yétel bín kiʼkiʼtaacoʼob.

12 Bixmaʼiʼ tiʼ u palal yétel tiʼ u palal u palaleʼ bín anac u weʼequel kiʼik yétel nucuch lobosoʼob; tu yoʼolaleʼ in palaleʼexeʼ in kát ca a kaʼahs teʼex, beyoʼ, ca wuʼuyeʼex in tʼan.

13 Quexieʼ ca anac a wáhaleʼex; ca áhaqueʼex tiʼ humpʼél tam wenel, bey tiʼ le u wenelil u metnal yétel ca wáchʼabaeʼex tiʼ le kakas cadenaoʼob le dzu kaxiqueʼexoʼ tumen letiʼoʼob le cu kaxic u palal maʼcoʼoboʼ, ca bisaʼacobb bey esclavoʼoboʼ tiʼ u tam holil le kasoʼ yétel le yayah ólal minaʼan u xuloʼ.

14 Aheʼneʼex; líkeneʼex teʼ luʼumoʼ, uʼuyeʼex u tʼan huntúl a tataeʼex tiʼn quiʼquiʼlanquiʼl, in wínclileʼ maʼ tán u xántaal quen a dzaeʼex ten teʼ sís luʼumoʼ tuʼux mix humpʼél hum cu hókoliʼ, tiʼ teʼeloʼ mixmaʼc cu sutiʼ; ichil dzeʼedzec kineʼ yan in xímbal le beh yókolcabaʼ.

15 Baʼaleʼ heʼel túnaʼ, Yumtsileʼ dzoʼoc u salvartiʼc in pixan tiʼ u cúchil tiʼcnal quiʼsinoʼ, dzoʼoc in wilic u gloriail yétel baʼpachtaanen ichil u kabil u yacunah.

16 Le baʼax quiʼn dzíboltiʼcoʼ letiʼ ca kaʼahac teʼex a hach betiʼqueʼex u tʼan yétel u juicio Yumtsil; heʼel túnaʼ, lelaʼ letiʼ le baʼax cu dzíboltiʼc in pixanoʼ desde úchi.

17 In pucsiʼkaleʼ hach yahchahaʼan yaʼab u ténel, tumen quiʼn tucliqueʼ tu yoʼolal chich a pucsiʼkaleʼexeʼ, Yumtsil a Hahal Dioseʼexeʼ heʼel u yantal u tal ta wicnaleʼex yétel tulácal u kuxil, tumen beyoʼ heʼel a puʼululeʼexeʼ yétel heʼel a xuʼulsaʼaleʼex minaʼan u xul.

18 Wá ca lúbuc ta wókoleʼex humpʼél kas tán bín anac tiʼ yaʼabach u palal a palaloʼob; ca xímbalnaqueʼex yétel le tadz maʼscaboʼ yétel wiʼih, ca chʼaʼabac kuxil ta woʼolaleʼex yétel ca bisaʼaqueʼex heʼebix u yóltiʼc yétel u betiʼc teʼex esclavoeʼexil kasiʼl baʼal.

19 Quexieʼ in palaleʼex, maʼ tu yúchul teʼex lelaʼ, sino ca beychaqueʼex u yeyaʼan cahil Yumtsil. Baʼaleʼ heʼel túnaʼ ca betaac le baʼax cu yóltiʼc Yumtsiloʼ, tumen u beloʼobeʼ lailiʼ tohtac.

20 Beyxaneʼ letiʼ dzoʼoc u yaʼaliqueʼ: Caʼaliquiʼl tán a wuʼuyiqueʼex in tʼanoʼobeʼ bín bendecirtaaqueʼex tiʼ le luʼumaʼ; baʼaleʼ wá maʼ tán a betiʼqueʼexeʼ bín puʼuluqueʼex tiʼn tán.

21 Beʼoraʼ túneʼ tu yoʼolal u páhtal u quiʼmaʼcchahal in wól ta woʼolaleʼex yétel ca hókoc teʼ yókolcabaʼ in pucsiʼkal yétel quiʼmaʼc ólal ta woʼolaleʼexeʼ, tu yoʼolal maʼ u yantal in bisaʼal yétel yayah ólal tiʼ le sís luʼumoʼ, líkeneʼex teʼ ichil le luʼumoʼ ca beychaqueʼex bey xíbileʼex ca anac chén humpʼéliliʼ tuculeʼex yétel humpʼéliliʼ pucsiʼkaleʼex, muchʼucbaleʼex tiʼ tulácal baʼaloʼob tu yoʼolal maʼ a bisaʼaleʼex bey esclavoeʼex.

22 Tu yoʼolal maʼ a kascuntaaleʼex yétel wábaʼax kas tʼan, mix xan a tetiʼqueʼex u pʼuʼuhul Hahal Dios le maʼx tohoʼ ta wókoleʼex utiaʼal a xuʼululeʼex, beyoʼ le u xuʼulul wínclil yétel pixan minaʼan u xuloʼ.

23 Aheʼneʼex in palaleʼex; búquiʼnteʼex ichil le nok hach toh u cuxtaloʼ, wáchʼabaeʼex tiʼ le u cadenailoʼob kaxmaʼhileʼexoʼ; hókeneʼex teʼ ichil le eʼhochʼeʼeniloʼ yétel líkeneʼex tiʼ luʼumoʼ.

24 Maʼ a líkiʼleʼex kuxbileʼex tu yoʼolal a wídzineʼexeʼ le baʼax u yilmaʼh letiʼoʼ hach yaʼab u páhtalileʼ, letiʼeʼ dzu betiʼc le tʼan Hahal Dios desde le kin cah hókoʼon Jerusalenoʼ yételeʼ h guiartaab tumen u kab Hahal Dios utiaʼal u tasicoʼon wáy tu luʼumil prometertaanaʼ; tumen wá maʼ tu yoʼolal Ietiʼeʼ dzoʼoc caʼach c químil yétel wiʼih teʼ kaxoʼ, le cu dzoʼocoleʼ ta wóltaheʼex a quínseʼex, beyoʼ dzoʼoc u yantal tiʼ yaʼabach yayah ólal ta woʼolaleʼex.

25 Sahquen yétel quiʼn quiʼquiʼlanquiʼl ta woʼolaleʼexeʼ ca anac u yahtal u yól maʼs; tumen heʼel túnaʼ ta tacaheʼex u pol tán a wáʼaliqueʼexeʼ u kát letiʼ ca anac páhtalil tiʼ yétel autoridad ta wókoleʼex, baʼaleʼ teneʼ in wóheʼleʼ maʼ u caxtmaʼh páhtalil mix autoridad ta wókoleʼexiʼ; sino chén u dzamaʼh u tucul tiʼ u meyahil Hahal Dios yétel ca bendecirtaaqueʼex minaʼan u xul.

26 Dzoʼoc xan a wáʼaliqueʼex baʼal tu contra tumen letiʼeʼ toh cu tsicbatiʼc teʼex. Ca wáʼaliqueʼexeʼ hach cu yaʼalic chich tʼan tiʼ teʼex, kuxilnah tiʼ teʼex, baʼaleʼ heʼel túnaʼ u chichileʼ letiʼ u mukil u páhtalil u tʼan Hahal Dios yan caʼach tiʼ letiʼoʼ. Le baʼax ca wáʼaliqueʼex u kuxiloʼ, letiʼ chén le hahiloʼ, heʼebix le yan tiʼ Hahal Diosoʼ, tumen letiʼeʼ maʼ páhchah u quiʼquiʼtʼan u yaʼalic teʼex yétel tulácal u yól yoʼolal a kebaneʼex.

27 Hach kabét ca anac u páhtalil Hahal Dios yétel, quex ca anac u yaʼaliqueʼex humpʼél baʼax ca a wuʼuyeʼex u tʼan. Tumen ilawileʼexeʼ, maʼ letiʼ tu betiʼ, sino letiʼ le u pixan Yumtsil yan tiʼ letiʼ caʼachoʼ, letiʼ heʼel u chaʼah a wídzin ca tʼanaqueʼ maʼ h páhchah u maʼquiʼc u chiʼiʼ.

28 Beʼoraʼ túneʼ, in pal, Laman, beyxann teʼex Lemuel yétel Sam beyxann teʼex in palaleʼex, tumen u palaleʼex Ismaʼel, heʼel túnaʼ, wá ca wuʼuyiqueʼex u tʼan Nefieʼ, maʼ bin químiqueʼexiʼ. Wá xan ca wuʼuyiqueʼexeʼ, bín in pʼat teʼex in bendicion, bixmaʼiʼ in yáx bendicion.

29 Baʼaleʼ wá maʼ a káteʼex a wuʼuyiqueʼex u tʼaneʼ bín in luʼs in yáx bendicion, bixmaʼiʼ in bendicion, ca pʼaʼatac yókol letiʼ.

30 Beʼoraeʼ Zoram quiʼn tʼaniquech tech. Heʼel túnaʼ, tech u meyhulech Laban. Quex beyoʼ tu cahil Jerusalen h hóksaʼabech yétel xan in woheʼleʼ techeʼ u hahil ámigo in pal Nefi minaʼan u xul.

31 Le betiʼqueʼ tumen dzoʼoc a dzaic a wóleʼ bín bendecirtaac u palal a palal yétel le utiaʼal letiʼoʼ yétel bín cahlacoʼob yaʼabach kin wáy yókol le luʼumaʼ; haʼali tu yoʼolal u kebaneʼ wá maʼeʼ mixbaʼal bín molestaroʼob mix u betiʼc kas tiʼoʼob u palal a palal wáy tiʼ le luʼumaʼ teʼ kinoʼob minaʼan u xuloʼ a menos que u kastal u toh cuxtaloʼob.

32 Bey túnoʼ wá ca dzoʼocsic u tán Yumtsileʼ, letiʼ bín u taac le luʼumaʼ chén utiaʼal u maʼalob cuxtal u palal a palal yétel u palal u palal in pal.