1 Heʼel túnaʼ cah anchah u yúchul ten Nefieneʼ cah orarnaheʼn tiʼ Yumtsil in Hahal Dios tu yoʼolal u yutsil in sucuʼunoʼob.

2 Baʼaleʼ heʼel túnaʼ u kuxiloʼobeʼ maʼs yaʼabchahiʼ, tiʼ hach yaʼabchahiʼqueʼ ca tu yóltahoʼob u quínsenoʼob.

3 Beyoʼ tac tu yaʼaloʼob baʼal tiʼn contraeʼ tán u yaʼalicoʼob c ídzineʼ u kát u gobernartiʼcoʼon, yétel tu yoʼolal letiʼeʼ dzoʼoc u sén yahtal c ól. Coʼoneʼex quínsic tu yoʼolal maʼ u sén mentiʼc u yahtal c ól yoʼolal le baʼaxoʼob cu yaʼalic toʼonoʼ, tumen heʼel túnaʼ, toʼoneʼ maʼ c kát ca u betuba nohochil ichiloʼoniʼ, toʼoneʼ u nucuch sucuʼunoʼon, toʼon u maʼs maʼalob c gobernartiʼc le cahaʼ.

4 Baʼaleʼ maʼ bín in dzíbt tulácal le baʼaxoʼob cu yaʼalicoʼob tiʼn woʼolaloʼ sino bín in caʼah in wáʼal chén lelaʼ; cu yóltiʼc u quínsenoʼob.

5 Ca tún tu tsol in xiquiʼn Yumtsileʼ, tiʼ ten Nefieneʼ, ca anac in hókol ichiloʼobeʼ ca xiʼiquen ich kax yétel tulácal le maʼxoʼob u kátoʼob bin tiʼn pacheʼ.

6 Ten tún Nefieneʼ ca tiʼn chʼaʼah in wátan yétel in palal, Zoram u yatan yétel u palal, Sam in sucuʼun yétel u yatan yétel u palal, Jacob yétel Jose in wídzinoʼob, beyxann in quiʼcoʼob yétel tulácal le maʼxoʼob tu yóltahoʼob bin tiʼn pacheʼ. Tulácal le maʼxoʼob h binoʼob tiʼn pachoʼ cu creertiʼcoʼob tiʼ u tʼanoʼob Hahal Dios yétel le baʼaxoʼob cu yeʼesic maʼcoʼ tu yoʼolaleʼ tu yuʼubahoʼob in tán.

7 Ca t bisah c otochoʼob le mentaan yétel nokoʼ yétel tulácal le baʼax h páhchah c bisiqueʼ ca hoʼopʼ c bin teʼ kaxoʼ ichil yaʼabach kinoʼob. Cu dzoʼocol c bin ichil yaʼabach kinoʼobeʼ ca t wedzcuntah c otochoʼob le mentaan yétel nokoʼ.

8 Tulácal in maʼcoʼobeʼ tu yaʼalah ca c dza u kabaʼ le cúchiloʼ Nefi; le betiʼqueʼ t dzah u kabaʼil Nefi.

9 Tulácal tún le maʼxoʼob yan tiʼn wételeʼ tu yóltahoʼob u chʼaʼic tu yókoloʼobeʼ u kabaʼil bey u cahal Nefioʼ.

10 Ca t dzahcba c beteʼ u tʼan Yumtsil tiʼ tulácal baʼal heʼebix u yaʼalic u ley Moiseseʼ.

11 Yumtsileʼh bin t étel, sébaʼan úch a yantal yaʼab baʼax tiʼ toʼon tumen t pakah nekoʼob hach yaʼab yantal yich. Ca tún hoʼopʼ c tséntiʼc yaʼab baʼalcheʼoʼob yétel tulácal u heʼheʼlásil baʼalcheʼoʼob.

12 Ten Nefieneʼ in tasmaʼh xan le úchben tsicbaloʼ dzíbtaan yókol le laminaoʼob le mentaan yétel bronceoʼ; beyxann le baʼax woliseʼ wá le baʼax cu yeʼesaʼal tiʼ toʼon tuʼux u deber c binoʼ, lelaʼ h mentaab tumen u kab Hahal Dios utiaʼal in tata, heʼebix dzíbtaanileʼ.

13 Ca tún hoʼopʼ yantal baʼaloʼob toʼon ca hoʼopʼ xan c yaʼabtal teʼ luʼumoʼ.

14 Ten Nefieneʼ ca tiʼn chʼaʼah u tadz maʼscab Labaneʼ ca tiʼn betah yaʼab ulʼakoʼob hach beyoʼ, tu yoʼolal beyoʼ le maʼcoʼob u kabaʼeʼ le u palal Laman behlaʼoʼ maʼ u taloʼob baʼatel t étel ca u xuʼulsoʼonoʼob; tumen teneʼ in woheʼl cu chʼaʼiquenoʼob kuxbil yétel tiʼ in palal yétel in cahaloʼ.

15 Ca tiʼn caʼansah tiʼ in cahal u mentoʼob nahoʼob yétel u betoʼob meyahoʼob yétel heʼheʼlás cheʼoʼob yétel u betoʼob baʼax tiʼ hierro, cobre, bronce, acero, oro, plata, yétel sén coʼoh metaloʼob tumen teʼeloʼ hach yaniʼ.

16 Ten Nefieneʼ ca tiʼn betah humpʼél templo, heʼebix le u mentmaʼh Salomoneʼ, quex tumen maʼ h betoʼob yétel coʼohtac baʼaloʼobiʼ, tumen teʼeloʼ minaʼan, le betiʼqueʼ maʼ h páhchah u mentaal heʼebix le tu mentah Salomonoʼ. Baʼaleʼ h mentaab hach heʼebix mentaabilac le tiʼ Salomonoʼ, h betaab hach sénquech maʼalob.

17 Ten Nefieneʼ ca tiʼn betah ca meyahnac in cahal yétel ca meyahnacoʼob yétel u kaboʼob.

18 Ca tún anchah u yúchuleʼ letiʼoʼobeʼ u kát ca in betiʼnba u reyil, baʼaleʼ teneʼ maʼ in kát caʼach ca anac u reyoʼobiʼ, chén baʼaleʼ tiʼn betah tulácal le cu páhtal in betcoʼ tu yoʼolaloʼob.

19 Heʼel túnaʼ h dzoʼocsaʼab u tʼan Yumtsil tiʼ in sucuʼunoʼob le ca tu yaʼalah tu yoʼolaloʼobeʼ teneʼ bín in guiartoʼob yétel bín in caʼansoʼob; dzoʼoc in betiʼquiʼnba u nohchil yétel u maʼx cu caʼansic heʼebix u yaʼalmaʼh Yumtsileʼ, tac le kin ca tu yóltahoʼob u quísenoʼoboʼ.

20 Le betiʼqueʼ h dzoʼocsaʼab baʼax u yaʼalmaʼh ten Yumtsil le ca tu yaʼalah: Wá letiʼoʼob maʼ tán u yuʼubicoʼob a tʼaneʼ bín puʼulucoʼob tu tán Yumtsil, heʼel túnaʼ h puʼuloʼob tu tánil.