1Kitia la he magaaho nai, ma haaku tau matakainaga fakahelehele na e, kua manatu au kua manamanatu a mutolu ke he mena kua lata ke taute e mutolu ka huhu atu ke he puhala. Ka e, kitia la, ko e ha kua manamanatu ai a mutolu ke he tau mena nai ke he tau loto ha mutolu?

2Nakai kia manatu e mutolu, he tala atu e au ki a mutolu ka moua e mutolu e Agaaga Tapu to maeke ia mutolu ke vagahau e vagahau he tau agelu? Ti maeke fefe a mutolu ke vagahau tuga e tau agelu kaeke kua nakai ha ha ia mutolu e Agaaga Tapu?

3Kua vagahau e tau agelu ha ko e malolo he Agaaga Tapu; ko e mena ia kua vagahau e lautolu e tau kupu ha Keriso. Ko e mena ia, kua tala atu e au ki a mutolu, kia fiafia a mutolu ke he tau kupu ha Keriso; he kitia la, kua fakamaama mai he tau kupu ha Keriso e tau mena oti kua lata ia tautolu ke taute.

4Ko e mena ia, mole atu he vagahau atu e au e tau kupu nai, ka nakai maama e mutolu kua pihia ni ha kua nakai ole atu a mutolu, nakai tukituki atu ai, ko e mena ia, kua nakai hohoko ai a mutolu ke he maama, ka e to mamate ni ke he pouli.

5He kitia la, kua liu tala atu au ki a mutolu, kaeke ke huhu atu a mutolu ke he puhala, mo e moua e Agaaga Tapu, to fakakite atu e ia e tau mena kua lata ki a mutolu ke taute.

6Kitia la, kua pihia e fakaakoaga ha Keriso, to nakai moua ha fakaakoaga foki a to fakakite ai e ia, a ia ke he tino. Ti ka fakakite atu e ia a ia ke he tino, ka vaghau atu e ia e tau mena kua lata ke mumui ki ai a mutolu.

7Ti ko e magaaho nai, ko au, ko Nifai, kua nakai lata ke vagahau foki, kua taofi mai he Agaaga haaku a tau kupu, ti kua toka atu ke tagi ha ko mutolu a nakai tua, mo e mahani kelea, mo e tau mahani goagoa, mo e fakamao ai ha lautolu a tau ua; ha kua nakai manako a lautolu ke kumi ke he iloilo, po ke pulotu foki ke he lotomatala, kua foaki atu ki a lautolu kua maama mitaki mo e nakai fai mena ke taumaleku ai e kupu.

8Ti ko e magaaho nai ma haaku tau matakainaga fakahelehele na e kua kitia e au, kua manamanatu agaia a mutolu ke he tau loto; kua momoko au ha kua lata ke vagahau au ke he mena nai. He kaeke ke fanogonogo a mutolu ke he Agaaga kua fakaako ke he tagata ke liogi, kua iloa tuai e mutolu kua lata ia mutolu ke liogi; ha kua nakai fakaako he agaaga kelea ke he tagata ke liogi, ka e fakaako ki a ia ke nakai liogi.

9Ka e kitia la, kua tala atu e au ki a mutolu kua lata ke liogi tumau a mutolu, mo e nakai fakateaga ai; kua nakai lata ke taute ha mena a to liogi fakamua ke he Matua ke he higoa ha Keriso, ke maeke a ia ke fakatapu e tau gahua ha mutolu, ki a mutolu, kia totou ha mutolu a tau gahua ma e mafola he tau agaaga ha mutolu.