1 Эдүгээ Аммонайха нутагт байсан хүмүүст Амюлекийн номлосон тэр үгс нь эдгээр болой, хэлсэн нь:

2 Би бол Амюлек; би бол Аминадайн удам болох тэр Ишмэилийн хүү асан Гиддонахын хүү билээ; мөн ариун сүмийн ханан дээр Бурханы хуруугаар бичигдсэн бичгийг хөрвүүлсэн мөнхүү тэр Аминадай бөлгөө.

3 Мөн Аминадай нь ах нарынхаа гараар Египетэд худалдагдсан Иосефын хүү асан Манассегийн удам болох, Иерусалим нутгаас гарч ирсэн тэр Лихайн хүү Нифайн үр удам билээ.

4 Мөн болгоогтун, түүнчлэн намайг мэддэг тэр бүгдийн дунд би нэр хүндээр багагүй хүн; тийм ээ, мөн болгоогтун, би олон төрөл садан мөн найзуудтай, мөн түүнчлэн би өөрийн гарын хөдөлмөрөөр их баялаг олж авсан билээ.

5 Гэсэн хэдий ч, энэ бүгдийн эцэст, би Их Эзэний замууд мөн түүний нууцууд мөн гайхамшигт хүчний тухайд ихийг хэзээ ч мэдэж байсангүй. Би эдгээр зүйлийн тухайд ихийг хэзээ ч мэдэж байгаагүй гэж хэлсэн; гэвч болгоогтун, би буруу хэлжээ, учир нь би түүний нууцууд мөн түүний гайхамшигт хүчнээс ихийг үзсэн; тийм ээ, бүр энэ хүмүүсийн амийг хамгаалахыг нь буюу.

6 Гэсэн хэдий ч, би зүрх сэтгэлээ хатууруулсан, учир нь би олон удаа дуудагдсан боловч би сонсохыг хүсээгүй; тиймийн тул би эдгээр зүйлийн талаар мэдэж байсан боловч мэдэхийг хүссэнгүй; тиймийн тул бүр шүүгчдийн засаглалын аравдугаар оны энэхүү долоодугаар сарын дөрөв дэх өдрийг хүртэл би зүрх сэтгэлийнхээ ёс бусаар Бурханыг эсэргүүцсээр байсан билээ.

7 Би ойрын садантайгаа уулзахаар явж байтал, болгоогтун, Их Эзэний тэнгэр элч надад үзэгдэж мөн хэлэв: Амюлек, гэртээ эргэж харь, учир нь та Их Эзэний бошиглогчийг хооллох болно; тийм ээ, Бурханаас сонгогдсон хүн болох тэр ариун хүнийг; учир нь тэр энэ хүмүүсийн нүглүүдийн учир олон өдөр мацаг барьсан, мөн тэрээр өлссөн, мөн та түүнийг гэртээ хүлээн авч мөн түүнийг хооллох болно, мөн тэр таныг болон танай гэрийнхнийг адислах болно; мөн Их Эзэний адислал таны болон танай гэрийнхний дээр байх болно.

8 Мөнхүү улиран тохиох дор би тэнгэр элчийн дуу хоолойг дагаж, мөн гэрийнхээ зүг эргэв. Мөн би тийш явж байтал тэнгэр элчийн надад: Та гэртээ хүлээн авах болно гэж хэлсэн тэр хүнийг би олсон—мөн болгоогтун тэр нь Бурханы зүйлсийн талаар та нарт сая ярьж байсан мөнхүү тэр хүн билээ.

9 Мөн тэр бол ариун хүн гэдгийг тэнгэр элч надад хэлсэн; иймийн тул тэр бол ариун хүн гэдгийг би мэднэ, яагаад гэвэл энэ нь Бурханы тэнгэр элчээр хэлэгдсэн болой.

10 Мөн үүнчлэн, түүний тухайлан гэрчилсэн зүйлс үнэн гэдгийг би мэднэ; учир нь болгоогтун би та нарт хэлнэ, Их Эзэн амьдын адил, үүний адил тэрээр эдгээр зүйлийг надад мэдүүлэхээр өөрийн тэнгэр элчийг илгээсэн юм; мөн энэ Алмаг миний гэрт амьдарч байх зуур тэрээр үүнийг хийсэн болой.

11 Учир нь болгоогтун, тэрээр миний гэрийнхнийг адисалсан, тэр намайг адисалсан, мөн миний эмэгтэйчүүдийг, хүүхдүүдийг минь, мөн миний эцэг болон төрөл төрөгсдийг минь, тийм ээ, бүр миний бүх төрөл саданг тэрээр адисалсан билээ, мөн Их Эзэний адислал түүний ярьсан үгсийн дагуу бидний дээр байв.

12 Мөн эдүгээ, Амюлек эдгээр үгийг ярихад хүмүүс гайхширч эхлэв, тэдний буруутгагдаж байсан тэр зүйлийг, мөн түүнчлэн ирэх тэдгээр зүйлийг, өөрсдөд нь байсан тэрхүү бошиглолын суу билгийн дагуу гэрчилсэн нэгээс илүү гэрч байсны учир болой.

13 Гэсэн хэдий ч, тэд тэднийг хийсэн гэж харагдуулах эсвээс тэдний эсрэг гэрчлэх тэр гэмт хэргийн дагуу тэд хуулийн дагуу шүүгдэж болохын тулд мөн тэд алагдаж эсвээс шоронд хаягдаж болохын тулд, шүүгчдэдээ тэднийг хүргэж болохын тул, тэд тэдний эсрэг гэрчийг олж болохын тулд, өөрсдийн башир аргуудаар үгээр нь тэднийг буруутгаж болохын тулд тэднийг шалгаахыг бодсон зарим нь тэдний дунд байв.

14 Эдүгээ тэднийг устгахыг эрэлхийлсэн тэд нь хуульчид болох тэдгээр, шүүгчдийн өмнө хүмүүсийн гэмт хэргүүдийг шүүх хурал дээр эсвээс шүүх хурлын үеэр хуулийг хэрэгжүүлэхээр хүмүүсээр томилогдсон эсвээс хөлслөгдсөн тэр хүмүүс байсан бөлгөө.

15 Эдүгээ эдгээр хуульч нь хүмүүсийн бүх башир арга мөн заль мэхэнд суралцсан байв; мөн ингэсэн нь мэргэжилдээ чадамгай байж болох тэрхүү боломжийг тэдэнд олгож байв.

16 Мөнхүү улиран тохиох дор тэд Амюлекийг шалгааж эхлэв, ингэснээр тэд түүний үгсийг зөрөлдүүлэх юм уу түүний ярих үгсийг хооронд нь нийцэхгүй болгож болохын тулд буюу.

17 Эдүгээ тэд Амюлек өөрсдийнх нь төлөвлөгөөг мэдэж чадна гэдгийг мэдсэнгүй. Гэвч улиран тохиох дор тэд түүнийг шалгааж эхлэхэд, тэрээр тэдний бодлыг ойлгож, мөн тэр тэдэнд хэлэв: Ай ёс бус болон тэрс үеийнхэн та нар, хуульчид мөн хоёр нүүртнүүд та нар, учир нь та нар чөтгөрийн суурийг тавьж байна; учир нь та нар Бурханы ариун хүмүүсийг барих хавх болон занга тавьж байна.

18 Та нар зөв шударгын замуудыг гажуудуулахаар мөн бүр энэ хүмүүсийн бүрмөсөн устгалд хүргэх Бурханы хилэнг толгой дээрээ доош авчрах төлөвлөгөөнүүдийг гаргаж байна.

19 Тийм ээ, бидний сүүлчийн хаан асан Мозая зөвөөр хэлсэн, тэрээр хаант улсыг өгөх гэж байх үедээ үүнийг шилжүүлэн өгөх хэн ч үгүй байснаас, энэ хүмүүсийг өөрсдийн саналаар засаглагдахаар болгоод—тийм ээ, хэрэв энэ хүмүүсийн санал алдсыг сонгох тэр цаг ирэх аваас, тодруулбал, хэрэв энэ хүмүүс зөрчилд унах тэр цаг ирвэл, тэд устгалд бэлэн болон боловсорч гүйцсэн байна хэмээн тэрбээр зөвийг хэлсэн авай.

20 Мөн эдүгээ Их Эзэнд та нарын алдсуудыг шүүх шалтгаан байгааг би та нарт хэлнэ; тэрээр энэ хүмүүст тэнгэр элч нарынхаа дуу хоолойгоор: Наманчлагтун та нар, наманчлагтун, учир нь тэнгэрийн хаант улс ойрхон байна хэмээн хашхирах шалтгаан байгаа болой.

21 Тийм ээ, тэрээр тэнгэр элч нарынхаа дуу хоолойгоор: Би мутартаа тэгш эрх мөн шударга ёсыг барин өөрийн хүмүүсийн дунд доошлон ирэх болно хэмээн хашхирах шалтгаан байгаа ажгуу.

22 Тийм ээ, мөн хэрэв энэ нутагт одоо байгаа зөв шударгыг үйлдэгчдийн залбирлууд үгүй байсан бол, та нар бүр одоо ч бүрмөсөн сүйрэх устгалаар зочлогдох байсныг би та нарт хэлнэ; гэвч энэ нь Ноагийн өдрүүдэд хүмүүст ирсэн шиг үерээр байх нь үгүй, харин энэ нь өлсгөлөнгөөр, тахлаар мөн илдээр байх болно.

23 Гэвч зөв шударгыг үйлдэгчдийн залбирлуудын улмаас та нар хэлтрүүлэгдээд байгаа болой; эдүгээ тиймийн тул, хэрэв та нар зөв шударгыг үйлдэгчдийг өөрсдийнхөө дундаас зайлуулах аваас Их Эзэн мутраа хойш татахгүй; харин тэрээр догшин хилэндээ та нарын эсрэг гарч ирэх болно; тэгээд та нар өлсгөлөнгөөр, тахлаар, мөн илдээр цохигдох болно; мөн та нар наманчлахгүй аваас тэр цаг ойртож байна.

24 Мөн эдүгээ улиран тохиох дор хүмүүс Амюлект улам уурлаж, мөн тэд хашхиралдаж, өгүүлсэн нь: Энэ хүн бидний шударга хуулиудыг мөн бидний сонгосон мэргэн хуульчдыг доромжилж байна.

25 Гэвч Амюлек гараа урагш сунган, мөн тэдэнд илүү хүчтэйгээр хашхирч, хэлсэн нь: Ай ёс бус болон тэрс үеийнхэн та нар, Сатан та нарын зүрх сэтгэлд яагаад ийм их байрыг эзлэв? Яригдсан үгсийг үнэний нь дагуу та нарт ойлгуулахгүй байхын тулд, тэрээр та нарын дээр нүдийг чинь харалган болгохоор хүчтэй байж болохын тулд та нар өөрсдөө яагаад түүнд бууж өгөв?

26 Учир нь болгоогтун, би та нарын хуулийн эсрэг гэрчилсэн гэж үү? Та нар эс ойлгоно; намайг хуулийн чинь эсрэг ярьсан гэж та нар хэлнэ; гэвч би тэгсэнгүй; харин би хуулийг чинь дэмжин, та нарыг буруутган ярьсан билээ.

27 Мөн эдүгээ болгоогтун, энэ хүмүүсийн устгалын суурь нь танай хуульчид мөн шүүгчдийн зөв шударга бус байдлаар тавигдаж эхэлж байна гэдгийг би та нарт хэлнэ.

28 Мөн эдүгээ улиран тохиох дор Амюлек эдгээр үгийг ярихад хүмүүс түүний эсрэг хашхиралдаж, өгүүлсэн нь: Эдүгээ бид энэ хүн чөтгөрийн хүүхэд гэдгийг мэдлээ, учир нь тэр бидэнд худал хэллээ; учир нь тэр бидний хуулийн эсрэг ярьсан. Мөн эдүгээ тэр үүний эсрэг яриагүй хэмээн хэлж байна.

29 Мөн үүнчлэн, тэрээр бидний хуульчдыг мөн бидний шүүгчдийг доромжлов.

30 Мөн улиран тохиох дор уг хуульчид, хүмүүс түүний эсрэг эдгээр зүйлийг санахын тулд тэдний зүрх сэтгэлд үүнийг оруулав.

31 Мөн тэдний дунд Зиезром гэж нэрлэгдсэн нэгэн байв. Эдүгээ тэр нь Амюлек болон Алмаг буруутгах тэдний дунд хамгийн нөлөө бүхий нэгэн байв; тэрээр хүмүүсийн дунд их ажил хэргийг хийдэг байсан учир тэдний дундаас хамгийн мэргэжсэн нэгэн байв.

32 Эдүгээ энэ хуульчдын эрмэлзэл нь баяжих явдал байв; мөн тэд ажлынхаа дагуу баяждаг байлаа.