Alma

Puk luhn Mormon

Koano
Mwe Ahkuhtweyac ac Mwet Lohoh
1 Nephi
2 Nephi
Jacob
Enos
Jarom
Omni
Kahs lal Mormon
Mosiah
Alma
Helaman
3 Nephi
4 Nephi
Mormon
Ether
Moroni
Mwe Kahsruh Kol nuh ke Puk luhn Mormon

Alma

Sapta 1
Nehor el luti mwe luti suhtuhuh, sramtweack sie alu, ahkkahlwemye orekma kuhtasrihk luhn mwet kol alu, ac unilyac Gideon—Nehor el acnwucki ke orekma koluk lal—Orekma kuhtasrihk luhn mwet kol alu ac ahkkohs uh osrwaclihk inmahsrlon mwet uh—Mwet tol in kahsrelos sifacna, mwet uh in karihngihn mwet suhkahsruhp, ac Alu uh kapkapwack. Sahp ke yac 91–88 Met Liki Kraist.
Sapta 2
Amlici el suk in tohkohsrah lac ac el tiac lwelah sin puhsren mwet ah—Mwet fahsr tohkohl oraclah tuh elan tohkohsrah—Mwet Amlici elos orek mweun nuh sin mwet Nephi ac elos kuf—Mwet Laman ac mwet Amlici toweni solse lalos ac elos kuf—Alma el unilyac Amlici. Sahp ke yac 87 Met Liki Kraist.
Sapta 3
Mwet Amlici elos sifacna akuclweltahluh in fal nuh ke kahs in pahluh—Mwet Laman elos selngawiyucki ke lainyuck lalos—Mwet uh sifacna sang selngawi nuh faclos sifacna—Mwet Nephi elos kuhtanglah siepac na un mwet mweun luhn mwet Laman. Sahp ke yac 87–86 Met Liki Kraist.
Sapta 4
Alma el pacptaiselah tausin sin mwet eklac—Ma koluk ilyak nuh ke Alu uh, ac kapkapwack luhn Alu uh tui—Nephihah el srihsrngiyucki in mwet nuhnuhnkuh fuhlwact—Alma, elan mwet tol fuhlwact, el sifacna insacnweacng nuh ke orekma. Sahp ke yac 86–83 Met Liki Kraist.
Sapta 5
In eis molwelah, mwet uh enenuh in auliyak ac liyacacng masap, in sifilpac isuslac, ahknwacsnwacsyelah nuknuk lalos ke srah luhn Kraist, in inse puhsisacl ac eislah luhkwelos inse fuhlwact ac sok, ac in oruh orekma luhn suwohswohs—Shepherd Wowo El pahngon mwet Lal—Elos suc oruh orekma koluk elos tuhlihk nuhtin devil—Alma el fahkwack ke pwacyeiyacn mwe luti lal ac sapkihn nuh sin mwet uh in auliyak—Inen mwet suwohswohs fah sihmihsyucklac ke puk in moul. Sahp ke yac 83 Met Liki Kraist.
Sapta 6
Alu fin acn Zarahemla ahknwacsnwacsyeyucklac ac akwucki—Alma el som nuh yohrohl Gideon in luti. Sahp ke yac 83 Met Liki Kraist.
Sapta 7
Kraist El fah osweyucklac sel Mary—El fah tuhlahlah mwe kapihr luhn misac ac eis ma koluk luhn mwet Lal—Elos suc auliyak, pacptaislac, ac liyacacng masap fah eis moul ma pahtpaht—Ma fohkfohk uh tiac kuh in eis usru ke tohkohsrahi luhn God—Puhsisacl, luhlahlfongi, finsrak, ac luhngse muhtahl uh enenweyuck. Sahp ke yac 83 Met Liki Kraist.
Sapta 8
Alma el luti ac pacptais fin acn Melek—El sruhngwacyuck fin acn Ammonihah ac el som—Sie lipufacn sapkihn nuh sel in fohlohk ac luti nuh sin mwet uh in auliyak—El eisyuck sel Amulek, ac mwet luo inge elos luti fin acn Ammonihah. Sahp ke yac 82 Met Liki Kraist.
Sapta 9
Alma el sapkihn nuh sin mwet Ammonihah in auliyak—Leum El fah pahkotwen nuh sin mwet Laman ke lwen sahflah—Mwet Nephi elos fin pihlesruh kahlwem uh, elos fah kuhnausyucklac sin mwet Laman—Wen nuhtin God El fah tuhkuh ke pacl na sa—El fah molweloslac suc auliyak, pacptaislac, ac luhlahlfongi ke Inel. Sahp ke yac 82 Met Liki Kraist.
Sapta 10
Lehi el isuslac nuh sel Manasseh—Amulek el sruhmuhn sap se luhn lipufacn tuh elan karuhnguhnuhlwacng Alma—Pruhe luhn mwet suwohswohs oruh mwet uh painmoullac—Mwet mukwikwi ke loh ac mwet nuhnuhnkuh sesuwohs oakiyac pwelucng in kuhnahoslah mwet uh. Sahp ke yac 82 Met Liki Kraist.
Sapta 11
Ohiyacn fosrngahkihnyen mani luhn mwet Nephi akwucki—Amulek el akuhkuhin nuh sel Zeezrom—Kraist El ac tiac molwelah mwet ke ma koluk lalos—Elos muhkwena suc usrui tohkohsrahi inkuhsrao e moliyucklac—Mwet nuhkwewa fah moulyak ke moul kawihl—Wacngihn misac tukun Sifilpac Moulyak. Sahp ke yac 82 Met Liki Kraist.
Sapta 12
Alma el sramsram nuh sel Zeezrom—Ma lukmac luhn God kuh in ituckyang muhkwena nuh sin mwet luhlahlfongi—Mwet uh nuhnuhnkweyuck ke nuhnak, luhlahlfongi, kahs, ac orekma lalos—Mwet koluk fah kweok ke misac in nguhn—Moul suhkawihl se inge pa sie puhlan pacl in srihkeyuck—Plwacn in molwelah uh ahkfahsrye Sifilpac Moulyak ac, ke luhlahlfongi, auliyak ke ma koluk—Mwet auliyak elos ac eis pahkotwen sin Wen Kuloh Sefanna. Sahp ke yac 82 Met Liki Kraist.
Sapta 13
Mwet uh pahngyak in mwet tol fuhlwact ke srihpen luhlahlfongi yohk ac orekma wo lalos—Elos in luti masap uh—Ke suwohswohs elos ahknwacsnwacsyeyucklac ac ilyak nuh in nien monglac luhn Leum—Melchizedek pa sie selos—Lipufacn uh sulkackihn pweng wo fin acn ah nohfohn—Elos fah fahkwack tuhkuh luhn Kraist. Sahp ke yac 82 Met Liki Kraist.
Sapta 14
Alma ac Amulek srohoh ac uniyuck—Mwet luhlahlfongi ac ma suhmuhslah muhtahl lalos isihkyuckyak ke e—Mwet ahkkweokyeyuck inge eisyuck sin Leum ke wolacna—Pihsinkacn nien srohoh ah srasrwelihk ac ikori—Alma ac Amulek elos moliyucklac, ac mwet ahkkweokyaclos ah acnwucki. Sahp ke yac 82–81 Met Liki Kraist.
Sapta 15
Alma ac Amulek elos som nuh Sidom ac oakiyac sie alu—Alma el unwellah Zeezrom, suc welah Alu uh—Mwet pucspucs pacptaislac, ac Alu uh kapkapwack—Alma ac Amulek elos som nuh Zarahemla. Sahp ke yac 81 Met Liki Kraist.
Sapta 16
Mwet Laman elos kuhnahoslah mwet lal Ammonihah—Zoram el kol mwet Nephi in kuhtanglah mwet Laman—Alma ac Amulek ac mwet puhs sahyac luti kahs uh—Elos luti lah tukun Sifilpac Moulyak Lal Kraist El fah sikyang nuh sin mwet Nephi. Sahp ke yac 81–77 Met Liki Kraist.
Sapta 17
Wen nahtuhl Mosiah oasr yohrohlos nguhn in pahluh ac in fwackyuck—Elos fahsrelihk ke inkacnek pucspucs lalos in fahkwack kahs uh nuh sin mwet Laman—Ammon el som nuh fin acn lal Ishmael ac eklac mwet kuhlwacnsap se lal Tohkohsrah Lamoni—Ammon el molwelah un sip nahtuhl tohkohsrah ac uniyac mwet lokoalok lal ke kof Sebus. Fuhs 1–3, sahp ke yac 77 Met Liki Kraist; fuhs 4, sahp ke yac 91–77 Met Liki Kraist; ac fuhs 5–39, sahp ke yac 91 Met Liki Kraist.
Sapta 18
Tohkohsrah Lamoni el pahngon muh Ammon el Nguhn Fuhlwact—Ammon el lotwel tohkohsrah ke Oreklac, mukwikwi luhn God nuh sin mwet, ac molwelah ma tuhkuh kacn Kraist—Lamoni el luhlahlfongi ac puhtatlac nuh infohk uh oacna in muh el misac. Sahp ke yac 90 Met Liki Kraist.
Sapta 19
Lamoni el eis kahlwem luhn moul ma pahtpaht ac liye Mwet in Molwelah—Mwet lal puhtatyang nuh ke sie mwemwe, ac puhs selos liye lipufacn—Ammon el usrnguck in painmoullac—El pacptaiselah mwet pucspucs ac oakiyac sie alu inmahsrlolos. Sahp ke yac 90 Met Liki Kraist.
Sapta 20
Leum El suhpwacllah Ammon nuh Middoni in molwelah mwet srohoh wiyacl—Ammon ac Lamoni elos ohsun nuh sin pahpah tuhmwacl Lamoni, suc pa tohkohsrah fin acn ah nohfohn—Ammon el kwacfacl tohkohsrah mahtuh elan ahkkweyelah taltallah luhn mwet wiyacl. Sahp ke yac 90 Met Liki Kraist.
Sapta 21
Aaron el luti mwet Amalek kacn Kraist ac Iwaclah Lal—Aaron ac mwet wiyacl elos srohoh Middoni—Tukun elos moliyucklac, elos luti ke iwen lohlngohk ac oruh puhslac mwet forlah wolac—Lamoni el lwelah sukohsohk in alu nuh sin mwet fin acn Ishmael. Sahp ke yac 90–77 Met Liki Kraist.
Sapta 22
Aaron el luti pahpah tuhmwacl Lamoni ke Oreklac, Puhtatlac lal Adam, ac plwacn in molwelah kacn Kraist—Tohkohsrah ac mwet lal nuhkwewa elos forlah eklac—Maelihk luhn acn ah inmahsrlon mwet Nephi ac mwet Laman ahkuhtweyucki. Sahp ke yac 90–77 Met Liki Kraist.
Sapta 23
Sukohsohk in alu fahkwelihk—Mwet Laman fin acn ac siti itkohsr elos eklac wolac—Elos pahnglolos sifacna muh mwet Anti-Nephi-Lehi ac elos sukohsohklah liki selngawi sac—Mwet Amalek ac mwet Amulon elos sruhnga ma pwacye. Sahp ke yac 90–77 Met Liki Kraist.
Sapta 24
Mwet Laman elos tuhkuh in lain mwet luhn God—Mwet Anti-Nephi-Lehi elos engan in Kraist ac fahsriyuck sin lipufacn—Elos sulaclah in kweokkihn misac liki na in loangwelos sifacna—Puhs mwet Laman eklac wolac. Sahp ke yac 90–77 Met Liki Kraist.
Sapta 25
Mukwikwi koluk luhn mwet Laman maelihk—Fihtac luhn mwet tol lal Noah ah misac oacna ke Abinadi el palye—Mwet Laman pucspucs elos eklac wolac ac welah mwet lal Anti-Nephi-Lehi—Elos luhlahlfongi Kraist ac liyacacng masap lal Moses. Sahp ke yac 90–77 Met Liki Kraist.
Sapta 26
Ammon el kaksakihn Leum—Mwet luhlahlfongi elos ahkkweyeyucklac sin Leum ac ituckyang etwacack—Ke luhlahlfongi mwet uh kuh in use nguhn tausin tausin nuh ke auliyak—Oasr kuh nuhkwewa sin God ac El etuh ma nuhkwewa. Sahp ke yac 90–77 Met Liki Kraist.
Sapta 27
Leum El sapkihn nuh sel Ammon elan kol mwet lal Anti-Nephi-Lehi in painmoullac—Ke elos sonol Alma, engan lal Ammon eislah kuhiyacl—Mwet Nephi elos sang nuh sin mwet Anti-Nephi-Lehi ah acn Jershon—Elos pahngpahng mwet lal Ammon. Sahp ke yac 90–77 Met Liki Kraist.
Sapta 28
Mwet Laman elos kuhtangyucklac ke sie mweun upac—Tausin singucul kuhtuh acnwucki—Mwet koluk elos srohoh ke sie acn ma wacngihn sahflahiyacn ahsor we; mwet suwohswohs elos eis engan ma wacngihn sahflahiyac. Sahp ke yac 77–76 Met Liki Kraist.
Sapta 29
Alma el kena in luti ke auliyak ke oaru wowo—Leum El sang mwet luti nuh sin muhtuhnfacl nuhkwewa—Alma el kaksak ke orekma luhn Leum ac ke kuhtanglah lal Ammon ac mwet wiyacl. Sahp ke yac 76 Met Liki Kraist.
Sapta 30
Korihor, el suc lain Kraist, el isruhn Kraist, Iwaclah, ac nguhn in pahluh—El luti lah wacngihn God, wacngihn puhtatlac luhn mwet, wacngihn mwactan ma koluk, ac wacngihn Kraist—Alma el fahkwack lah Kraist El fah tuhkuh ac lah ma nuhkwewa ahkkahlwemye lah oasr sie God—Korihor el sapkihn ke sie mwe akucl ac el koflah in sramsram—Devil el sikyak nuh sel Korihor oacna sie lipufacn ac lotwel ma elan fahk—Korihor el longyucki ac misac. Sahp ke yac 76–74 Met Liki Kraist.
Sapta 31
Alma el kol sie misin in furohklah mwet forlah luhn mwet Zoram—Mwet Zoram elos lahfwekihn Kraist, luhlahlfongi sie ohiyac suhtuhuh ke sulaclah uh, ac alu ke pruhe ahknweyucklac—Misinacri uh sesseslah ke Nguhn Muhtahl—Kweok lalos ukumyucklac ke engan ke Kraist. Sahp ke yac 74 Met Liki Kraist.
Sapta 32
Alma el luti mwet suhkahsruhp suc ongaiyac uh ahkpuhsisaclyelos—Luhlahlfongi pa sie finsrak ke ma suc tiacna liyeyuck suc pwacye—Alma el fahkwack lah lipufacn elos luti nuh sin mukul, muhtwacn, ac tuhlihk uh—Alma el kapsra kahs uh nuh ke sie fihtac—Enenuh in ukwiyucki ac ahkmongoiyuck—Na ac kapwack nuh ke soko sahk ma fahko luhn moul ma pahtpaht ac ituck kac. Sahp ke yac 74 Met Liki Kraist.
Sapta 33
Zenos el luti lah mwet uh enenuh in pruhe ac alu ke acn nuhkwewa, ac lah nuhnuhnkuh uh fohlohkihnyucklac ke srihpen Wen—Zenock el luti lah pahkotwen uh utuckuh ke srihpen Wen—Moses el kolyuckyak ke yen mwesis ke sie ohiyac luhn Wen nuhtin God. Sahp ke yac 74 Met Liki Kraist.
Sapta 34
Amulek el fahkwack lah kahs uh oasr in Kraist nuh ke molwelah—Fin iwaclah tiac oreklac, muhtuhnfacl nuhkwewa enenuh in misac—Kwewana masap lal Moses srihsrngi nuh ke kihsaclah luhn Wen nuhtin God—Plwacn ma pahtpaht luhn molwelah uh tuhkuh ke luhlahlfongi ac auliyak—Pruhe ke mwe ahkinsewowo ke ma luhn ikoac ac nguhn—Moul se inge pa pacl luhn mwet uh in ahkolah in ohsun nuh sin God—Orekma nuh ke molwelah lowos ke sahngweng ye muhtuhn God. Sahp ke yac 74 Met Liki Kraist.
Sapta 35
Luti ke kahs uh kuhnahoslah kuhtasrihk luhn mwet Zoram—Elos luhslah mwet forlah wolac, suc welah mwet lal Ammon e Jershon—Alma el ahsor ke srihpen koluk luhn mwet uh. Sahp ke yac 74 Met Liki Kraist.
Sapta 36
Alma el fahkwack nuh sel Helaman ke eklac lal tukun el liye sie lipufacn—El kweokkihn mwe kweok luhn sie nguhn tuhlac; el pahngon inen Jisus, ac na el isuslac sin God—Engan wo nwacklah nguhnal—El liye un lipufacn kaksakihn God—Puhs mwet forlah wolac suc ipeis ac liye oacna ke el ipeis ac liye. Sahp ke yac 74 Met Liki Kraist.
Sapta 37
Plwet prahs ac ma suhmuhslah sahyac sruhkyuckyak in use moul nuh ke molwelah—Mwet Jared elos kuhnausyucklac ke srihpen koluk lalos—Olweacng lukmac ac wuhlweacng lalos enenuh in wihkihnyucklac nuh sin mwet uh—Suk kahsruh sin Leum ke ma nuhkwewa kowos oruh—Ke Liahona kol mwet Nephi, ohinge kahs luhn Kraist kol mwet uh nuh ke moul ma pahtpaht. Sahp ke yac 74 Met Liki Kraist.
Sapta 38
Shiblon el kalyeiyuck ke srihpen suwohswohs—Molwelah oasr in Kraist, suc pa moul ac kahlwem luhn facluh—Kutongyac nohfohn luhngse lom an. Sahp ke yac 74 Met Liki Kraist.
Sapta 39
Ma koluk ke kosro pa sie ma sruhngwacyuck—Ma koluk lal Corianton oruh mwet Zoram tiac eis kahs uh—Molwelah luhn Kraist ahkfahsrye molwelah luhn mwet luhlahlfongi suc somlah met. Sahp ke yac 74 Met Liki Kraist.
Sapta 40
Kraist El use sifil moulyak luhn mwet nuhkwewa—Mwet misac suwohswohs elos som nuh in pacruhtais ac mwet koluk elos som nuh yen lohsr uh in sano lwen in sifilpac moulyak lalos—Ma nuhkwewa ac fah fohlohkyak nuh ke ohiyac fal ac suwohs la ke Moulyak. Sahp ke yac 74 Met Liki Kraist.
Sapta 41
Ke Sifil Moulyak uh mwet uh tuhkuh nuh ke sie ohiyac in engan ma pahtpaht kuh ahsor ma pahtpaht—Ma koluk uh wacngihn engan tuhkuh kac—God El wacngihn yurun mwet suc moul in ikoac fin facluh—Mwet nuhkwewa sifilpac eis ke sifil Fohlohkihnyuckyak ke luhmah ac ohiyac ma elos eis ke moul suhkawihl. Sahp ke yac 74 Met Liki Kraist.
Sapta 42
Moul suhkawihl uh pa sie pacl in ahkkweye mwet uh in auliyak ac kuhlwacnsapuh God—Puhtatlac sac use misac luhn mahno ac nguhn nuh sin mwet nuhkwewa—Molwelah uh tuhkuh ke auliyak—God Sifacna El iwaclah nuh ke ma koluk luhn facluh—Pahkotwen ma nuh selos suc auliyak—Mwet nuhkwewa sahyac muhta ye nuhnuhnkuh suwohs luhn God—Pahkotwen tuhkuh ke srihpen Iwaclah—Mwet ma auliyak na pwacye uh muhkwena pa ac moliyucklac uh. Sahp ke yac 74 Met Liki Kraist.
Sapta 43
Alma ac wen nahtuhl luti kahs uh—Mwet Zoram ac mwet luhn mwet Nephi sahyac suc lain elos eklac mwet Laman—Mwet Laman tuhkuh lain mwet Nephi in mweun—Moroni el sang kuhfwen mwe mweun nuh sin mwet Nephi—Leum El ahkkahlwemye nuh sel Alma plwacn luhn mwet Laman—Mwet Nephi elos karuhnguhnwacng lohm, moul in sukohsohk, sucu, ac alu lalos—Mwet mweun lal Moroni ac Lehi elos raunweack mwet Laman. Sahp ke yac 74 Met Liki Kraist.
Sapta 44
Moroni el sapkihn mwet Laman in oraclah sie wuhlweacng in mislac kuh in kuhnausyucklac—Zerahemnah el sruhnga oruh, ac mweun uh sifilpac srolah—Un mwet mweun lal Moroni elos kuhtanglah mwet Laman. Sahp ke yac 74–73 Met Liki Kraist.
Sapta 45
Helaman el luhlahlfongi kahs lal Alma—Alma el palyei kuhnausyucklac luhn mwet Nephi—El ahkinsewowoye ac selngawi acn uh—Alma el sahp utuckyak nuh lucng sin Nguhn, finne oacna Moses—Akuhkuhin uh upaclah ke Alu uh. Sahp ke yac 73 Met Liki Kraist.
Sapta 46
Amalickiah el orek inkacnek elan tohkohsrah—Moroni el kohlwack sifac luhn moul sukohsohk—El oracni mwet uh in lango alu lalos—Mwet luhlahlfongi pwacye elos pahngpahng Mwet Christian—Sie sruf lal Joseph ac fah painmoullac—Amalickiah ac mwet lain elos kahinglac nuh fin acn lal Nephi—Elos suc fah tiac kahsruh pahtok srihpac luhn sukohsohk elos acnwucki. Sahp ke yac 73–72 Met Liki Kraist.
Sapta 47
Amalickiah el orekmakihn ohiyac kuhtasrihk, ahkmas, ac sramsram in eyeinse in eklac tohkohsrah luhn mwet Laman—Mwet luhn mwet Nephi suc lain elos koluk liki ac suhlallacl liki na mwet Laman. Sahp ke yac 72 Met Liki Kraist.
Sapta 48
Amalickiah el pihrihk mwet Laman in lain mwet Nephi—Moroni el ahkolah mwet lal in tuyak loango srihpac luhn mwet Christian—El engan ke moul sukohsohk ac sukohsohklah ac el sie mwet fokoko luhn God. Sahp ke yac 72 Met Liki Kraist.
Sapta 49
Mwet Laman suc som in kuhtanglah acn we elos tiacna kuh in sruokyac siti lihsrlihsryak lal Ammonihah ac Noah—Amalickiah el selngawi God ac fuhlahk lah el ac nihm srah lal Moroni—Helaman ac mwet wiyacl tahfwelah in ahkkweye Alu uh. Sahp ke yac 72 Met Liki Kraist.
Sapta 50
Moroni el ahkfokokoyelah acn luhn mwet Nephi—Elos muhsaheack siti sasuc pucspucs—Mweun ac kuhnahoslah uh puhtatyang nuh fin mwet Nephi ke pacl ma elos oruh ma koluk ac ma sruhngwacyuck—Morianton ac mwet weluhl lain ah elos kuhtangyucklac sel Teancum—Nephihah el misac, ac wen nahtuhl suc pa Pahoran el fohnohslah siyah in nuhnuhnkuh. Sahp ke yac 72–67 Met Liki Kraist.
Sapta 51
Mwet lal tohkohsrah elos suk in ekuhllah masap ac oakiyac sie tohkohsrah—Pahoran ac mwet sukohsohk elos kahsreyuck ke puhsren mwet ah—Moroni el oruh tuh mwet lal tohkohsrah in karuhnguhnwacng acn selos fin tiac na ac acnwucki elos—Amalickiah ac mwet Laman elos sruokyac siti fokoko pucspucs—Teancum el lain mwet Laman ac unilyac Amalickiah ke lohm nuknuk sel. Sahp ke yac 67–66 Met Liki Kraist.
Sapta 52
Ammoron el aholuhl Amalickiah in tohkohsrah luhn mwet Laman—Moroni, Teancum, ac Lehi elos kol mwet Nephi ke sie mweun kuhtanglah lain mwet Laman—Siti lal Mulek fohlohkihnyuckme, ac Jacob suc sie mwet Zoram el acnwucki. Sahp ke yac 66–64 Met Liki Kraist.
Sapta 53
Mwet srohoh luhn mwet Laman elos orekmakihnyuck in ahkfokokoye siti Puhs—Fohs inmahsrlon mwet Nephi oruh mwet Laman in kuhtanglah—Helaman el kol tausin luo sin wen puhlaik nuhtin mwet lal Ammon. Sahp ke yac 64–63 Met Liki Kraist.
Sapta 54
Ammoron ac Moroni elos sramsram ke ayaol luhn mwet srohoh—Moroni el sapkihn tuh mwet Laman elos in som ac tulokihnyac acnwuck in ahkmas lalos—Ammoron el sapkihn tuh mwet Nephi elos in fihliyac kuhfwen mwe mweun lalos ac in muhta ye kuh luhn mwet Laman. Sahp ke yac 63 Met Liki Kraist.
Sapta 55
Moroni el sruhnga ayaol mwet srohoh—Mwet topang luhn mwet Laman elos srihfeyuck in sruhilac, ac mwet srohoh luhn mwet Nephi elos ahksukohsohkyeyucklac—Siti lal Gid eisyucklac ac wacngihn ahkmas. Sahp ke yac 63–62 Met Liki Kraist.
Sapta 56
Helaman el suhpwaclah sie lwacta nuh sel Moroni, kalweni in fahk ohiyacn mweun nuh sin mwet Laman—Antipus ac Helaman elos eis sie kuhtanglah yohk fin mwet Laman—Wen fuhsr tausin luo lal Helaman elos acnwuck ke kuh usrnguck, ac wacngihn selos acnwucki. Fuhs 1, sahp ke yac 62 Met Liki Kraist; fuhs ahk 2–19, sahp ke yac 66 Met Liki Kraist; ac fuhs ahk 20–57, sahp ke yac 65–64 Met Liki Kraist.
Sapta 57
Helaman el sruhmuhn kuhtangyucklac lal Antiparah ac fuhlweack sac ac tok ke loangweyuck lal Cumeni—Mwet fuhsr luhn mwet Ammon lal elos acnwuck ke puhlaik; elos nuhkwewa kihnetuh, tuhsruhk wacngihn selos acnwucki—Gid el ahkkahlwemye acnwucki ac kahinglac luhn mwet srohoh luhn mwet Laman. Sahp ke yac 63 Met Liki Kraist.
Sapta 58
Helaman, Gid, ac Teomner elos eislah siti lal Manti ke sie plwacn usrnguck—Mwet Laman elos fohlohk—Wen nuhtin mwet lal Ammon elos painmoullac ke elos tu na kuh in karuhnguhnwacng moul sukohsohk ac luhlahlfongi lalos. Sahp ke yac 63–62 Met Liki Kraist.
Sapta 59
Moroni el siyuck sel Pahoran in ahkfokokoye un mwet mweun lal Helaman—Mwet Laman elos eislah siti lal Nephihah—Moroni el kasrkuhsrak sin kafucrmacn. Sahp ke yac 62 Met Liki Kraist.
Sapta 60
Moroni el tohrkahskahs nuh sel Pahoran ke soaru luhn kafucrmacn ke un mwet mweun—Leum El lwelah mwet suwohswohs in acnwucki—Mwet Nephi enenuh in orekmakihn nohfohn kuhiyaclos ac ohiyaclos in molweloslac sifacna liki mwet lokoalok lalos—Moroni el kuhmahk in acnwuck lain kafucrmacn fin wacngihn kahsruh suhpweyuckme in kahsruh un mwet mweun lal. Sahp ke yac 62 Met Liki Kraist.
Sapta 61
Pahoran el fahk nuh sel Moroni ke ahkfohsyeyuck ac lainyuck kafucrmacn—Mwet lal tohkohsrah elos eislah acn Zarahemla ac elos welah mwet Laman—Pahoran el siyuck kahsruh nuh ke ip luhn mweun in lain mwet lainuhlos. Sahp ke yac 62 Met Liki Kraist.
Sapta 62
Moroni el mahs som in kahsrwel Pahoran ke acn lal Gideon—Mwet lal tohkohsrah suc sruhnga in karuhnguhnwacng acn selos elos acnwucki—Pahoran ac Moroni sifilpac sruokyac acn Nephihah—Puhs mwet Laman welah mwet lal Ammon—Teancum el unilyac Ammoron ac el acnwucki pac—Mwet Laman elos lihsyucklac liki acn uh, ac mihs uh akwucki—Helaman el fohlohklac nuh ke orekma ac muhsaheack Alu uh. Sahp ke yac 62–57 Met Liki Kraist.
Sapta 63
Shiblon ac tok Helaman elos eislah ma sihmlac muhtahl—Mwet Nephi pucspucs elos fuhfahsryucsr nuh ke acn ma oan nuh acir—Hagoth el muhsah oak, ma oacyak som nuh ke meoa rohtoh—Moronihah el kuhtanglah mwet Laman ke mweun. Sahp ke yac 56–52 Met Liki Kraist.

Print

Nwacnwack ma mahkiyucki kohn ac ma mahkiyucki yac ah

Sain nuh loac in orekmakihn

Nwacnwack footnotes