Алма

Мормоны Ном

Агуулга
Удиртгал ба Гэрчүүд
1 Нифай
2 Нифай
Иаков
Инос
Жером
Омнай
Мормоны үгс
Мозая
Алма
Хиламан
3 Нифай
4 Нифай
Мормон
Ифер
Моронай

Алма

Бүлэг 1
Нихор хуурамч сургаал зааж, сүм байгуулан, санваарын байр суурийг урвуулан ашиглах явдлыг танилцуулж, мөн Гидеоныг алав—Нихор гэмт хэргүүдийнхээ учир цаазлагдав—Санваарын байр суурийг урвуулан ашиглах байдал мөн хавчлагууд хүмүүсийн дунд тархав—Пристүүд өөрсдийгөө тэтгэн, хүмүүс ядуусыг халамжилж, мөн Сүм хөгжив. Ойролцоогоор МЭӨ 91–88 он.
Бүлэг 2
Амлисай хаан болохыг эрэлхийлж мөн хүмүүсийн саналаар эсэргүүцэгдэв—Дагалдагчид нь түүнийг хаан болгов—Амлисайчууд нифайчуудтай дайтаж мөн ялагдав—Леменчүүд мөн амлисайчууд хүчээ нэгтгэн мөн ялагдав—Алма Амлисайг хөнөөв. Ойролцоогоор МЭӨ 87 он.
Бүлэг 3
Бошиглолын үгийн дагуу Амлисайчууд өөрсөд дээрээ тэмдэг тавьсан байв—Леменчүүд эсэргүүцлийнхээ учир зүхэгдсэн байв—Хүмүүс өөрсдийнхөө зүхлүүдийг өөрсөд дээрээ авчирдаг—Нифайчууд, леменчүүдийн өөр нэг их цэргийг ялав. Ойролцоогоор МЭӨ 87–86 он.
Бүлэг 4
Алма мянга мянган хөрвөгчид баптисм хүртээв—Сүмд алдас нэвтэрч, мөн Сүмийн дэвшил саатуулагдав—Нифайха ерөнхий шүүгчээр томилогдов—Алма дээд пристийн хувьд өөрийгөө тохинуулалд зориулав. Ойролцоогоор МЭӨ 86–83 он.
Бүлэг 5
Авралыг олохын тулд, хүмүүс наманчилж мөн зарлигуудыг сахих, дахин төрөх, өмсгөлүүдээ Христийн цусаар цэвэрлэх, даруу байж мөн өөрсдийгөө бардамнал мөн атаа жөтөөнөөс ангижруулах, зөв шударгын ажлуудыг хийх ёстой—Сайн Хоньчин Өөрийн хүмүүсийг дууддаг—Хилэнцэт үйлүүдийг үйлдэх тэд чөтгөрийн хүүхдүүд болой—Алма сургаалынхаа үнэнийг гэрчилж мөн хүмүүст наманчлахыг зарлиглав—Зөв шударгыг үйлдэгчдийн нэрс амьдралын номд бичигдэх болно. Ойролцоогоор МЭӨ 83 он.
Бүлэг 6
Зарахемла дахь Сүм цэвэршигдэж мөн журам тогтоогдов—Алма номлохоор Гидеонд очив. Ойролцоогоор МЭӨ 83 он.
Бүлэг 7
Христ Мариагаас төрөх болно—Тэрээр үхлийн хүлээсийг тайлж мөн Өөрийн хүмүүсийн нүглүүдийг үүрэх болно—Наманчилж, баптисм хүртэж, мөн зарлигуудыг сахидаг тэдгээр нь мөнх амьдралыг авах болно—Бузар муухай нь Бурханы хаант улсыг өвлөж чадахгүй—Даруу байдал, итгэл, найдвар мөн төгс хайр шаардагдана. Ойролцоогоор МЭӨ 83 он.
Бүлэг 8
Алма Мелект номлож мөн баптисм хүртээв—Тэрээр Аммонайха дахь тэднээр эсэргүүцэгдэж мөн орхин одов—Тэнгэр элч түүнд эргэн явж мөн уг хүмүүст наманчлалыг зарлахыг зарлиг болгов—Түүнийг Амюлек хүлээн авч, мөн тэд хоёулаа Аммонайха дахь тэдэнд номлов. Ойролцоогоор МЭӨ 82 он.
Бүлэг 9
Аммонайхагийн хүмүүст Алма наманчлахыг зарлиглав—Их Эзэн эцсийн өдрүүдэд леменчүүдэд нигүүлсэнгүй хандах болно—Хэрэв нифайчууд гэрлийг орхивол, тэд леменчүүдээр устгагдах болно—Бурханы Хүү удахгүй ирнэ—Тэрээр наманчилж, баптисм хүртэн, мөн Өөрийнх нь нэрэнд итгэдэг тэднийг гэтэлгэх болно. Ойролцоогоор МЭӨ 82 он.
Бүлэг 10
Лихай Манассегаас гаралтай—Алмаг халамжил гэсэн тэнгэр элчийн зарлигийг Амюлек давтан өгүүлэв—Зөв шударгыг үйлдэгчдийн залбирлууд хүмүүсийг хэлтрүүлэгдэхэд хүргэдэг—Зөв шударга бус хуульчид мөн шүүгчид хүмүүсийн устгалын суурийг тавьдаг. Ойролцоогоор МЭӨ 82 он.
Бүлэг 11
Нифайчуудын мөнгөний тогтолцоо тайлбарлагдав—Амюлек Зиезромтой маргалдав—Христ нүгэлдээ буй хүмүүсийг аврахгүй—Зөвхөн тэнгэрийн хаант улсыг өвлөдөг тэд л аврагддаг—Бүх хүмүүн үхэшгүй байдалд босох болно—Амилуулалтын дараа үхэл гэж үгүй. Ойролцоогоор МЭӨ 82 он.
Бүлэг 12
Алма Зиезромтой ярив—Бурханы нууцууд зөвхөн итгэгчдэд л өгөгдөж болно—Хүмүүс нь өөрсдийн бодол, бишрэл, үгс мөн үйлүүдээрээ шүүгддэг—Ёс бусыг үйлдэгч сүнсний үхлийг амсах болно—Зуурдын энэ амьдрал бол сорилтын хугацаа юм—Гэтэлгэлийн төлөвлөгөө нь Амилуулалтыг мөн итгэлээр дамжуулан нүглүүдийн ангижралыг улируулан тохиолгодог—Наманчлагч нь Төрсөн Ганц Хүүгээр дамжуулан нигүүлслийг авах эрхтэй. Ойролцоогоор МЭӨ 82 он.
Бүлэг 13
Эрчүүд өөрсдийн үлэмж итгэл мөн сайн үйлүүдийнхээ учир дээд пристүүдээр дуудагддаг—Тэд зарлигуудыг заах ёстой—Зөв шударга байдлаар дамжуулан тэд ариусгагдаж мөн Их Эзэний амралтад ордог бөлгөө—Мелкизедек нь тэдний нэг байв—Тэнгэр элч нар уг нутаг даяар баярт мэдээг зарлаж байна—Тэд Христийн ирэлтийг тухайн үед нь тунхаглах болно. Ойролцоогоор МЭӨ 82 он.
Бүлэг 14
Алма, Амюлек хоёр шоронд хоригдож мөн цохигдов—Итгэгчид болон тэдний ариун судрууд галд шатаагдав—Итгэл бишрэлийнхээ төлөө үхсэн эдгээр нь Их Эзэнээр сүр жавхланд хүлээн авагджээ—Шоронгийн хана цуурч мөн нурав—Алма, Амюлек хоёр чөлөөлөгдөж, мөн тэднийг хавчигчид алагдав. Ойролцоогоор МЭӨ 82–81 он.
Бүлэг 15
Алма, Амюлек хоёр Сайдомд очиж мөн сүм байгуулав—Алма Зиезромыг анагааж, тэрээр сүмд нэгдэв—Олон нь баптисм хүртэж, мөн Сүм дэгжив—Алма, Амюлек хоёр Зарахемла руу явав. Ойролцоогоор МЭӨ 81 он.
Бүлэг 16
Леменчүүд Аммонайхагийн хүмүүсийг устгав—Зорам леменчүүдийг ялсан ялалтад нифайчуудыг удирдав—Алма, Амюлек хоёр мөн бусад олон нь үгийг номлов—Христ Амилалтынхаа дараа нифайчуудад үзэгдэх болно хэмээн тэд заав. Ойролцоогоор МЭӨ 81–77 он.
Бүлэг 17
Мозаягийн хөвгүүдэд бошиглолын болон илчлэлийн суу билиг байв—Тэд өөр өөрсдийн замаар леменчүүдэд үгийг тунхаглахаар одов—Аммон Ишмэилийн нутагт очиж мөн Лемонай хааны зарц болов—Аммон хааны сүргийг аварч мөн Себасын усны дэргэд түүний дайснуудыг хөнөөв. 1–3 дугаар шүлэг, ойролцоогоор МЭӨ 77 он; 4-р шүлэг, ойролцоогоор МЭӨ 91–77 он; мөн 5–39 дүгээр шүлэг, ойролцоогоор МЭӨ 91 он.
Бүлэг 18
Лемонай хаан, Аммоныг Агуу Их Сүнс хэмээн бодов—Аммон Бүтээлийн тухай, Бурханы хүмүүнтэй үйлдэх үйл хэргүүдийн тухай, мөн Христээр дамжин ирэх гэтэлгэлийн тухай хаанд заав—Лемонай итгэж мөн үхсэн мэт газар унав. Ойролцоогоор МЭӨ 90 он.
Бүлэг 19
Лемонай үүрдийн амьдралын гэрлийг хүлээн авч мөн Гэтэлгэгчийг харав—Түүний гэрийнхэн оюундаа үзэгдлийг үзэж, мөн олон нь тэнгэр элч нарыг харав—Аммон гайхамшигтайгаар хадгалагдан хамгаалагдав—Тэрээр олонд баптисм хүртээж мөн тэдний дунд сүм байгуулав. Ойролцоогоор МЭӨ 90 он.
Бүлэг 20
Их Эзэн шоронд орсон ах дүүсийг нь чөлөөлүүлэхээр Миддонай тийш Аммоныг илгээв—Аммон, Лемонай хоёр бүх нутгийн дээрх хаан болох Лемонайн эцэгтэй уулзав—Аммон ах дүүсээ суллуулахыг зөвшөөрүүлэхээр хөгшин хааныг албадав. Ойролцоогоор МЭӨ 90 он.
Бүлэг 21
Аарон, Христийн талаар мөн Түүний Цагаатгалын тухай амалекайчуудад заав—Аарон болон түүний ах дүүс Миддонай дахь шоронд хоригдов—Тэд чөлөөлөгдсөнийхөө дараа, синагогуудад зааж мөн олныг хөрвүүлэв—Лемонай Ишмэил нутаг дахь хүмүүст шашны эрх чөлөөг олгов. Ойролцоогоор МЭӨ 90–77 он.
Бүлэг 22
Бүтээлтийн, Адамын Уналтын, мөн Христээр дамжин ирэх гэтэлгэлийн төлөвлөгөөний тухай Лемонайн эцэгт Аарон заав—Хаан мөн бүх гэрийнхэн нь хөрвүүлэгдэв—Нифайчууд болон леменчүүдийн хоорондох нутгийн зааг тайлбарлагдав. Ойролцоогоор МЭӨ 90–77 он.
Бүлэг 23
Шашны эрх чөлөө тунхаглагдав—Долоон нутаг мөн хотод леменчүүд хөрвүүлэгдэв—Тэд өөрсдийгөө Антай-нифай-лихайчууд хэмээн нэрлэж мөн зүхлээс чөлөөлөгдөв—Амалекайчууд мөн амюлончууд үнэнийг эсэргүүцэв. Ойролцоогоор МЭӨ 90–77 он.
Бүлэг 24
Леменчүүд Бурханы хүмүүсийн эсрэг ирэв—Антай-нифай-лихайчууд Христэд баясаж мөн тэнгэр элч нараар айлчлагдав—Тэд амиа хамгаалахын оронд үхлийг амсахаар сонгов—Илүү олон лемен үндэстэн хөрвүүлэгдэв. Ойролцоогоор МЭӨ 90–77 он.
Бүлэг 25
Леменчүүдийн түрэмгийлэл тархав—Ноагийн пристүүдийн үр удам Абинадайн бошиглосноор мөхөв—Олон леменчүүд хөрвүүлэгдэж мөн Антай-нифай-лихайн хүмүүстэй нэгдэв—Тэд Христэд итгэж мөн Мосегийн хуулийг дагав. Ойролцоогоор МЭӨ 90–77 он.
Бүлэг 26
Аммон Их Эзэнд баясав—Итгэлтэй тэд Их Эзэнээр хүчирхэгжүүлэгдэж мөн тэдэнд мэдлэг өгөгддөг—Хүмүүс итгэлээр мянга мянган бодгалийг наманчлалд авчирч болдог—Бурхан бүх хүч чадлыг эзэмшиж мөн бүх зүйлийг ухаардаг. Ойролцоогоор МЭӨ 90–77 он.
Бүлэг 27
Антай-нифай-лихайн хүмүүсийг аюулгүй байдал тийш удирдахыг Их Эзэн Аммонд зарлиглав—Алматай уулзах үед Аммоны баясал хүчийг нь туйлдуулав—Нифайчууд Антай-нифай-лихайчуудад Жершоны нутгийг өгөв—Тэд Аммоны хүмүүс гэж нэрлэгдэв. Ойролцоогоор МЭӨ 90–77 он.
Бүлэг 28
Леменчүүд аймшигт тулаанд ялагдав—Хэдэн арван мянга нь алагдав—Ёс бусыг үйлдэгчид төгсгөлгүй гаслангийн байдалд хуваарилагддаг; зөв шударгыг үйлдэгчид хэзээ ч үл төгсөх аз жаргалд хүрэх болно. Ойролцоогоор МЭӨ 77–76 он.
Бүлэг 29
Алма тэнгэр элчийн урам зоригтойгоор наманчлалыг зарлахыг хүсэв—Их Эзэн бүх үндэстэнд зориулан багш нарыг соёрхдог—Алма Их Эзэний ажилд түүнчлэн Аммон болон түүний ах дүүсийн амжилтад баясав. Ойролцоогоор МЭӨ 76 он.
Бүлэг 30
Христийг эсэргүүцэгч Корихор, Христийг, Цагаатгалыг, мөн бошиглолын суу билгийг дооглов—Тэрээр Бурхан байхгүй, хүний уналт гэж үгүй, нүглийн шийтгэл гэж үгүй, мөн Христ гэж үгүй хэмээн заав—Христ ирэх болно, мөн бүх зүйл Бурхан байдгийг үзүүлдэг хэмээн Алма гэрчлэв—Корихор тэмдэг шаардаж, мөн хэлгүй болгогдов—Чөтгөр тэнгэр элч мэтээр Корихорт үзэгдэж мөн юу хэлэхийг нь түүнд заасан ажээ—Корихор гишгэгдэн мөн үхэв. Ойролцоогоор МЭӨ 76–74 он.
Бүлэг 31
Урвагч зорамчуудыг залруулах номлолыг Алма толгойлов—Зорамчууд Христийг үгүйсгэж, сонгогдсон хэмээх буруу ойлголтдоо итгэж мөн тогтсон хэллэгтэй залбирлуудаар сүсэглэв—Номлогчид Ариун Сүнсээр дүүргэгдэв—Тэдний зүдгүүрүүд Христэд баясах баясалд автагдав. Ойролцоогоор МЭӨ 74 он.
Бүлэг 32
Зүдгүүрүүд нь тэднийг даруу болгосон тэрхүү ядууст Алма заав—Итгэл нь үнэн боловч хараагүй тэрхүү зүйлд найдах найдлага юм—Эрэгтэйчүүд, эмэгтэйчүүд мөн хүүхдүүдэд тэнгэр элч нар тохинуулдгийг Алма гэрчлэв—Алма үгийг нэгэн үртэй зүйрлэв—Энэ нь суулгагдаж мөн арчлагдах ёстой—Тэгвэл энэ нь мөнх амьдралын жимсийг хураах мод болон ургадаг. Ойролцоогоор МЭӨ 74 он.
Бүлэг 33
Хүмүүс газар бүхэнд залбирч мөн шүтэн бишрэх ёстойг, мөн Хүүгийн учир шүүлтүүд зайлуулагддаг хэмээн Зинос заав—Нигүүлсэл Хүүгийн улмаас бэлэглэгдсэнийг Зинок заав—Бурханы Хүүгийн бэлгэдлийг Мосе аглаг буйдад өргөсөн ажгуу. Ойролцоогоор МЭӨ 74 он.
Бүлэг 34
Авралд хүргэх үг Христэд байдгийг Амюлек гэрчлэв—Цагаатгал хийгдэхгүй аваас, бүх хүн төрөлхтөн мөхөх ёстой—Мосегийн бүх хууль Бурханы Хүүгийн золиосын зүг заадаг—Гэтэлгэлийн мөнхийн төлөвлөгөө итгэл болон наманчлал дээр тулгуурладаг—Эд зүйлийн мөн сүнсний адислалуудын төлөө залбирагтун—Энэ амьдрал хүмүүний хувьд Бурхантай уулзахад бэлтгэх хугацаа болой—Бурханы өмнө эмээж өөрсдийн авралыг гүйцээгтүн. Ойролцоогоор МЭӨ 74 он.
Бүлэг 35
Үгийн номлол нь зорамчуудын хуурамч аргыг устгав—Тэд хөрвөгчдийг хөөхөд тэдгээр нь Жершонд Аммоны хүмүүстэй нэгдэв—Алма хүмүүсийн ёс бусын улмаас гашуудав. Ойролцоогоор МЭӨ 74 он.
Бүлэг 36
Алма тэнгэр элчийг харсныхаа дараах өөрийн хөрвүүлгийн тухай Хиламанд гэрчлэв—Тэрээр яллагдсан сүнсний шаналлыг туулсан болой; тэрээр Есүсийн нэрийг дуудаж, мөн тэгээд Бурханаас төрөв—Тааламжит баясал түүний бодгалийг дүүргэв—Тэрээр хуран цугларсан тэнгэр элч нар Бурханыг магтан дуулж байхыг харав—Олон хөрвөгчид түүний үзэж мөн амссаны адилыг үзэж мөн амсав. Ойролцоогоор МЭӨ 74 он.
Бүлэг 37
Гуулин ялтаснууд болон бусад судар бодгалиудыг авралд авчрахаар хадгалагдан үлдээгддэг бөлгөө—Жаредчууд өөрсдийн ёс бусын улмаас устгагдав—Тэдний нууц ам тангаргууд мөн гэрээнүүд хүмүүсээс нууцлагдах ёстой—Өөрийн бүх үйлдээ Их Эзэнтэй зөвлө—Лиахона нифайчуудыг удирдсаны адилаар, тийн Христийн үг хүмүүсийг мөнх амьдрал тийш удирддаг. Ойролцоогоор МЭӨ 74 он.
Бүлэг 38
Шиблон зөв шударгын төлөө хавчигдав—Дэлхийн амь ба гэрэл болох Христэд аврал байдаг—Бүхий л дур хүслээ хазаарла. Ойролцоогоор МЭӨ 74 он.
Бүлэг 39
Бэлгийн харьцааны нүгэл нь жигшүүрт хэрэг мөн—Кориантоны нүглүүд нь үгийг хүлээн авахад зорамчуудад саад болсон болой—Христийн гэтэлгэл нь үүнээс урьд амьдарч байсан итгэлтэй тэднийг аврахад хүчинтэй. Ойролцоогоор МЭӨ 74 он.
Бүлэг 40
Христ бүх хүний амилуулалтыг улируулан авчирна—Өөрсдийн амилуулалтын өдрийг хүлээхээр, зөв шударгаар үхэгсэд диваажинд мөн ёс бусыг үйлдэгчид гадаад харанхуйд очдог—Бүх зүйл Амилуулалтад өөрсдийн зохих мөн төгс хэлбэрээрээ сэргээгдэх болно. Ойролцоогоор МЭӨ 74 он.
Бүлэг 41
Амилуулалтад хүмүүс төгсгөлгүй аз жаргал эсвээс төгсгөлгүй зовлонгийн байдалд босож ирнэ—Ёс бус явдал хэзээ ч аз жаргал байгаагүй—Биеийн таашаалыг эрхэмлэдэг хүмүүс дэлхийд Бурхангүйгээр байдаг—Хувь хүн болгон зуурдын амьдралд олж авсан зан чанар болон ааш авирыг Сэргээлтээр буцаан авах болно. Ойролцоогоор МЭӨ 74 он.
Бүлэг 42
Зуурдын амьдрал нь наманчилж мөн Бурханд үйлчлэх боломжийг хүмүүнд олгодог сорилтын цаг юм—Уналт нь бүх хүн төрөлхтний дээр биеийн мөн сүнслэг үхлийг авчирсан бөлгөө—Гэтэлгэл наманчлалаар дамжин ирдэг—Бурхан Өөрөө дэлхийнхний нүглийг цагаатгана—Нигүүлсэл нь наманчлах тэдэнд зориулагдсан болой—Бусад бүгд нь Бурханы шударга ёсонд харьяалагдах бөлгөө—Цагаатгалын улмаас нигүүлсэл ирдэг—Зөвхөн чин үнэнээр гэмшигчид аврагддаг. Ойролцоогоор МЭӨ 74 он.
Бүлэг 43
Алма болон түүний хөвгүүд үгийг номлов—Зорамчууд болон нифайчуудаас тэрслэгч бусад нь леменчүүд болцгоов—Нифайчуудын эсрэг дайтахаар леменчүүд ирэв—Моронай хамгаалалтын хуягаар нифайчуудыг хуяглав—Их Эзэн леменчүүдийн байлдааны бодлогыг Алмад илчлэв—Нифайчууд өөрсдийн гэр орон, эрх чөлөө, гэр бүл мөн шашнаа хамгаалав—Моронай, Лихай хоёрын их цэрэг леменчүүдийг бүслэв. Ойролцоогоор МЭӨ 74 он.
Бүлэг 44
Энхийн хэлэлцээр хийхийг эс тэгвээс тэд устгагдах болно хэмээн Моронай леменчүүдэд тушаав—Зерахемна саналыг эсэргүүцэж мөн тулаан дахин үргэлжлэв—Моронайн их цэрэг леменчүүдийг дийлэв. Ойролцоогоор МЭӨ 74–73 он.
Бүлэг 45
Хиламан Алмагийн үгсэд итгэв—Алма нифайчуудын устгалыг бошиглов—Тэрээр уг нутгийг адисалж мөн зүхэв—Алма бүр Мосегийн адил Сүнсээр дээш аваачигдсан байж магадгүй—Сүмд зөрөлдөөнүүд ихсэв. Ойролцоогоор МЭӨ 73 он.
Бүлэг 46
Амаликая хаан болохоор хуйвалдав—Моронай эрх чөлөөний туг өргөв—Тэр шашнаа хамгаалахад хүмүүсийг уриалав—Жинхэнэ итгэгчид Христийнх хэмээн нэрлэгддэг—Иосефын үлдсэн хүмүүс хадгалагдан үлдэх болно—Амаликая болон тэрслэгчид Нифайн нутаг тийш зугтав—Эрх чөлөөний төлөөх байр суурийг үл дэмжсэн тэд үхэлд хүргэгдэв. Ойролцоогоор МЭӨ 73–72 он.
Бүлэг 47
Амаликая леменчүүдийн хаан болохын тулд урвалт, аллага мөн нууц явуулга хэрэглэв—Нифай үндэстний тэрслэгчид леменчүүдээс илүү ёс бус мөн хэрцгий догшин байв. Ойролцоогоор МЭӨ 72 он.
Бүлэг 48
Амаликая леменчүүдийг нифайчуудын эсрэг өдөөв—Моронай өөрийн хүмүүсийг Христийнхний байр суурийг хамгаалахад бэлтгэв—Тэрээр эрх чөлөө болон чөлөөт байдалд баясдаг мөн Бурханы хүчит хүмүүн байв. Ойролцоогоор МЭӨ 72 он.
Бүлэг 49
Халдан довтлогч леменчүүд Аммонайха болон Ноагийн бэхлэгдсэн хотуудыг авах боломжгүй байв—Амаликая Бурханыг зүхэж мөн Моронайн цусыг уухаар тангараг тавив—Хиламан болон түүний ах дүүс Сүмийг хүчирхэгжүүлэхээ үргэлжлүүлэв. Ойролцоогоор МЭӨ 72 он.
Бүлэг 50
Моронай нифайчуудын нутгуудыг бэхлэв—Тэд олон шинэ хот босгов—Нифайчуудын ёс бус мөн жигшүүрт хэргүүдийнх нь өдрүүдэд дайнууд болон устгалууд тэдэнд тохиов—Мориантон болон түүнтэй хамт тэрслэгчид Тианкамд ялагдав—Нифайха нас барж, мөн түүний хүү Пахоран шүүгчийн суудлыг эзлэв. Ойролцоогоор МЭӨ 72–67 он.
Бүлэг 51
Хааныг хүсэгч хүмүүс хуулийг өөрчлөхөөр мөн хаантай байхаар эрэлхийлэв—Пахоран болон чөлөөт байдлыг хүсэгч хүмүүс ард түмний саналаар дэмжигдэв—Моронай улс орноо дэмжихийг эсвээс үхэлд хүргэгдэхийг хааныг хүсэгч хүмүүст албадав—Амаликая болон леменчүүд бэхлэгдсэн олон хотыг эзлэв—Тианкам леменчүүдийн дайралтыг няцааж, Амаликаяг майханд нь алав. Ойролцоогоор МЭӨ 67–66 он.
Бүлэг 52
Амморон леменчүүдийн хаан болж Амаликаяг залгамжлав—Моронай, Тианкам, мөн Лихай нар леменчүүдийн эсрэг ялгуусан дайнд нифайчуудыг удирдав—Мюлек хот буцаан авагдаж, мөн зорам үндэстэн Иаков алагдав. Ойролцоогоор МЭӨ 66–64 он.
Бүлэг 53
Лемен үндэстний олзлогдогсдыг Өгөөмөр хотыг бэхлэн хамгаалахаар ажиллуулав—Нифайчуудын дундах тэрслэл леменчүүдийг ялалтад хүргэв—Хиламан, Аммоны хүмүүсийн хоёр мянган идэр хөвгүүдийн удирдлагыг авав. Ойролцоогоор МЭӨ 64–63 он.
Бүлэг 54
Амморон, Моронай хоёр хоригдлуудыг солилцохоор хэлэлцэв—Леменчүүдийг нутгаасаа гарахыг мөн аллагын дайралтуудаа зогсоохыг Моронай шаардав—Нифайчуудыг зэр зэвсгээ хаяж, леменчүүдийн харьяат болохыг Амморон шаардав. Ойролцоогоор МЭӨ 63 он.
Бүлэг 55
Моронай хоригдлуудыг солилцохоос татгалзав—Лемен үндэстний харуулууд согтоход хүрэн залилагдав, мөн Нифай үндэстний хоригдлууд чөлөөлөгдөв—Гидийн хот цус урсгалгүйгээр буцаан авагдав. Ойролцоогоор МЭӨ 63–62 он.
Бүлэг 56
Леменчүүдтэй хийж буй дайны нөхцөл байдлыг дурдсан захидлыг Хиламан Моронайд илгээв—Антипус, Хиламан хоёр леменчүүдийн дээр агуу ялалт байгуулав—Хиламаны хоёр мянган идэр хөвгүүд гайхамшигтай хүчээр тулалдаж, тэдний хэн нь ч алагдсангүй. 1-р шүлэг, ойролцоогоор МЭӨ 62 он; 2–19-р шүлэг, ойролцоогоор МЭӨ 66 он; мөн 20–57-р шүлэг, ойролцоогоор МЭӨ 65–64 он.
Бүлэг 57
Хиламан, Антипараг авснаа мөн Күменай дахь бууж өгөлтийг нь, түүнчлэн хожим нь уг хотыг батлан хамгаалснаа өгүүлэв—Түүний аммон үндэстэн идэр залуучууд эрэлхэгээр тулалдаж; бүгд шархдан, гэхдээ нэг нь ч алагдсангүй—Лемен үндэстэн хоригдлууд алагдсаныг мөн оргосныг Гид илтгэв. Ойролцоогоор МЭӨ 63 он.
Бүлэг 58
Хиламан, Гид, Тиомнер гурав Мантай хотыг заль мэхээр авав—Леменчүүд ухран зайлав—Аммоны хүмүүсийн хөвгүүд чөлөөт байдал мөн итгэлээ хамгаалахад бат зогссоноор хамгаалагдан үлдэв. Ойролцоогоор МЭӨ 63–62 он.
Бүлэг 59
Моронай Хиламаны цэргийн хүчийг бэхжүүлэхийг Пахоранаас гуйв—Леменчүүд Нифайха хотыг эзлэв—Моронай засгийн газарт уурлав. Ойролцоогоор МЭӨ 62 он.
Бүлэг 60
Моронай их цэргийн талаарх засгийн газрын хайнга байдлын талаар Пахоранд гомдоллов—Зөв шударгыг үйлдэгчид хөнөөгдөхийг Их Эзэн зөвшөөрдөг—Нифайчууд өөрсдийгөө дайснуудаасаа чөлөөлөхийн тулд бүх хүчээ мөн бүх арга замаа хэрэглэх ёстой—Моронай их цэргийг нь тусламжаар хангахгүй аваас засгийн газрын эсрэг тулалдахаар заналхийлэв. Ойролцоогоор МЭӨ 62 он.
Бүлэг 61
Пахоран засгийн газрыг эсэргүүцсэн бослого мөн эсэргүүцлийн тухай Моронайд хэлэв—Хааныг хүсэгч хүмүүс Зарахемлаг эзэлж, леменчүүдтэй эвсэл холбоонд оров—Пахоран эсэргүүцэгчдийн эсрэг цэргийн хүчний тусламж гуйв. Ойролцоогоор МЭӨ 62 он.
Бүлэг 62
Гидеоны нутаг дахь Пахоранд тусламж хүргэхээр Моронай жагсан одов—Улс орноо хамгаалахаас татгалзсан, хааныг хүсэгч хүмүүс үхэлд хүргэгдэв—Пахоран, Моронай хоёр Нифайхаг дахин авав—Аммоны хүмүүстэй олон лемен үндэстэн нэгдэв—Тианкам Аммороныг алаад мөн өөрөө алагдав—Леменчүүд уг нутгаас гаргагдаж, мөн амар амгалан тогтоогдов—Хиламан тохинуулалдаа эргэн орж, Сүмийг өсгөн бэхжүүлэв. Ойролцоогоор МЭӨ 62–57 он.
Бүлэг 63
Шиблон мөн дараа нь Хиламан ариун нандин цэдгүүдийг эзэмшилдээ авав—Олон нифайчууд умард нутаг тийш аялав—Хагот усан онгоцуудыг барьж, тэдгээр нь өрнөд тэнгист хөвөв—Моронайха тулалдаанд леменчүүдийг ялав. Ойролцоогоор МЭӨ 56–52 он.