1 Yalishca jipa Shez, pimi Hetpaj cati aillu carca—Het huañushca carca ninan yarjaimanda, tucui paipaj aillucuna Shezlla na—chaimanda, Shez callarirca cutin shayachingapa shuj tucurishca llactapuracunata.

2 Yalishca jipa Shez yarirca paipaj taitacunapaj tucurita, pai shayachirca shuj ali ruraj reinota; pai yarirca imata Apunchij rurashcata Jaredta apamuipi paipaj huauquitapash jatun mama cochata; pai purirca Apunchijpaj ñangunapi; pai charirca churicunata, ushicunatapash.

3 Paipaj rucu churi, paipaj shuti carca Shez, na cazurca; shina cajpipash, Shez huañuchi tucurca shuj shuhuapaj maquihuan, paipaj ninan charishcacunamanda, imami cutin paipaj taitaman sumaj causaita apamurca.

4 Yalishca jipa paipaj taita shayachirca tauca llactacunata alpa jahuallapi, llactapuracuna cutin chajchuri callarirca tucui alpa jahuallaman. Shez causarca ninanda rucuyangacaman; pai charirca Riplákishta. Pai huañurca, Riplákish paipaj pushtupi reinarca.

5 Yalishca jipa Riplákish na rurarca ima alicajta Apunchijpaj ricuipi, pai charirca tauca huarmicunata, chaishu huarmicunatapash, runacunapaj rigra jahuapi churarca imata apangapa shinlli carca; ari, paicunata pagachirca llasha tributocunata; tributocunahuan pai shayachirca tauca lugarlla jatun huasicunata.

6 Paipa shayachirca shuj ninan juyailla tiarinata; tauca cárcelcunatapash rurachirca, maijan tributo jahuapi cangapa na munajcunata cárcelman shitarca; maijan na pagai ushajcunata cárcelman shitarca; pai catilla trabajachirca paicuna causai ushachun; maijan na trabajangapa munajta huañuchichun churarca.

7 Chaimanda pai chasquirca tucui paipaj alitapacha rurashcata; ari, paipaj ali curita pai ajllachirca cárcelpi; tucui laya fino caspihuan maqui rurashcata cárcelman apamuchirca. Yalishca jipa pai llactapuracunata llaquichirca paipaj fornicacióncunahuan, millanayaicunahuanbash.

8 Imaura chuscu chunga ishcai huatacunata reinashca jipa llactapuracuna na cazuipi shayarirca paipaj contra; tiai callarirca macanajui alpapi cutin, shinashpa Riplákish huañuchishca carca, paipaj cati aillucunatapash alpamanda calpachirca.

9 Yalishca jipa tauca huatacuna jipa, Moriantón, (Riplákishpaj cati aillu cashpa) tandachirca calpachishca macanajuj runacunata, rirca macanajungapa llactapuracunahuan; pai misharca ushaita tauca llactacunapi; ninan llaquinayai macanajuiman tigrarca, tauca huatacunapi tucurirca; pai misharca ushaita tucui alpa jahuapi, paillata shayarirca jatun mandaj cangapa tucui alpapaj.

10 Jatun mandaj cangapa shayarishca jipa fangallayachirca llactapuracunapaj aparinacunata, caihuan pai chasquirca llactapuracunapaj alicachita, paita ungirca paicunapaj jatun mandaj cachun.

11 Pai alicaita rurarca llactapuracunaman, ashtahuangari na paillata paipaj tauca fornicacióncunamanda; chaimanda pai anchuchi tucushca carca Apunchijpaj ñaupamanda.

12 Yalishca jipa Moriantón shayachirca tauca llactacunata, llactapuracuna ninan charijcunaman tigrarca paipaj reinadopi, jatun huasicunapi, curipi, culqui, muyucuna tandachipi, ataju llamacunapi, jihua micujcuna, shina cuzascuna imata paicunaman cutin tigrachishca carca.

13 Moriantón causarca ninan rucu cangacaman, shina charirca Kim; Kim paipaj taitapaj pushtupi reinarca; pai reinarca pusaj huatacunata, paipaj taita huañurca. Yalishca jipa Kim na ali ruraipi reinarca, chaimanda Apunchij paita na alicachirca.

14 Paipaj huauqui jatarirca na cazuipi paipaj contra, caihuan huatai tucushcashnaman apamurca; pai causarca huatashcashnapi tucui paipaj punllacunata; pai charirca churicuna, ushicunatapash huatai tucushcashnapi, paipaj rucuyaipi charirca Levíta; huañurca.

15 Yalishca jipa Leví huatashcashnapi trabajarca paipaj taita huañushca jipa, chuscu chunga ishcai huatacunata. Pai rurarca macanajuita alpapaj jatun mandajpaj contra, caihuan pai chasquirca paipallata reinota.

16 Paipallata reinota chasquishca jipa Apunchijpaj ricuipi ima ali cajta rurarca; llactapuracuna pambapi ali mirarca; causarca ali rucuyangacaman, charirca churicunata, ushicunatapash; charircapash Corom, paita ungirca jatun mandaj cachun paipaj pushtupi.

17 Yalishca jipa Corom rurarca ali cajta Apunchijpaj ricuipi tucui paipaj punllacuna; charirca tauca churicuna, ushicuna; tauca huatacunata causashca jipa pai huañurca, alpamanda shujcunashna; Kish paipaj pushtupi reinarca.

18 Yalishca jipa Kishpash huañurca, Lib paipaj pushtupi reinarca.

19 Yalishca jipa Libpash rurarca alicunata Apunchijpaj ricuipi. Libpaj punllacunapi venenoso culebracuna tucuchishca carca. Chaimanda paicuna rirca urai alpaman, micunata mascangapa llactapuracunaman alpapi, alpa quilpashca caimanda sacha animalcunahuan. Libpash paimandallata shuj jatun animal huañuchijman tigrarca.

20 Paicuna shayachirca shuj jatun llactata asha quichiji alpapi, pushtupi maipi jatun mama cocha alpata chaupin.

21 Paicuna urai alpata alchishpa charirca jichushca pambaman, sacha animalcunata huañuchingapa. Tucui vichai alpa jahualla quilpashca carca causajcunahuan.

22 Paicuna carca ninan trabajajcuna, randirca, jaturcapash, caishuhuan chaishuhuan randirirca, culquita mirachingapa.

23 Paicuna tucui laya mineralcunamanda trabajarca, rurarca curitapash, culquitapash, hierrotapash, broncetapash, tucui laya metalcunamandapash; paicuna caita allashpa llujchirca alpamanda; chaimanda, paicuna jatun alpa urcucunata jatarichirca taringapa mineralcunata, curimanda, culquimandapash, hierromandapash, cobremandapash. Paicunapash rurarca tucui laya fino ruraita.

24 Paicuna linocunata charirca, fino ahuashca linota; tucui laya churajunacunata rurarca, paicunamandallata pacangapa lluchulla caita.

25 Paicuna rurarca tucui laya herramientacunata, alpata tarpungapa, yapungapa, tarpungapa, fucushcata tandachingapa, allangapa, trillangapapash.

26 Paicuna tucui laya herramientacunata rurarca caicunahuan trabajarca paicunapaj animalcunahuan.

27 Paicuna rurarca tucui laya macanajungapa armacunata. Paicuna trabajarca tucui laya ruraita ninan yachashca maquihuan rurashcacunata.

28 Nimaura na tiai ushan shuj llactapura ashtahuan achilyachishca paicunata yali, ashtahuan ali mirashca Apunchijpaj maquihuan. Paicuna carca shuj alpa tucui alpacunamanda ajllashca, imashpa Apunchij caita parlarca.

29 Yalishca jipa Lib causarca tauca huatacunata, charirca churicunata, ushicunata; charircapash Heartomda.

30 Yalishca jipa Heartom paipaj taitapaj pushtupi reinarca. Imaura Heartom ishcai chunga chuscu huatacunata reinashca cashpa, riqui, reinota quichui tucurca. Pai sirvirca tauca huatacunata huatashcashnapi, ari, tucui paipaj puchu punllacunata.

31 Pai charirca Het, Het causarca huatashcashnapi tucui paipaj punllacunata. Het charirca Aarón, Aarón causarca huatashcashnapi tucui paipaj punllacunata; pai charirca Amnigadda, Amnigaddapash causarca huatashcashnapi tucui paipaj punllacunata; pai charirca Coriántumda, Coriántum causarca huatashcashnapi tucui paipaj punllacunata; Comda charirca.

32 Yalishca jipa Com quichurca reino chaupita. Pai reinarca reinopaj chaupita chuscu chunga ishcai huatacunata; pai rirca macanajungapa Amgid, jatun mandaj contra, paicuna macanajurca tauca huatacunata, chai punllacunapi Com misharca ushaita Amgidpa jahuapi, ushaita chasquirca puchu reino jahuapi.

33 Compaj punllacunapi tiai callarirca shuhuacuna alpapi; paicuna punda ruraicunata rurarca, punda causashcacunashna juramentocunata rurarca, reinota cutin tucuchingapa munarca.

34 Com cunan ashtaca paicunapaj contra macanajurca; shina cashpapash, paicunata na misharca.