1 Yalishca jipa Éterpaj punllacuna carca Coriántumrpaj punllacunapi; Coriántumr jatun mandaj carca tucui alpa jahuapi.

2 Éter Apunchijpaj shuj achil villachij carca; chaimanda Éter shamurca Coriántumrpaj punllacunapi, llactapuracunaman achil villai callarircapash, pai na jarcari usharca Apunchijpaj Espíritumanda ima paipi carca.

3 Pai yachachirca tutamandamanda, imaura indi urai ringacaman, cutin yarichishpa llactapuracunata Diospi crichun arrepentimientopa nacashpaca paicuna tucuchishca canga, nishpa paicunaman fehuan tucui cuzascuna pactashca can—

4 Chaimanda, maijan Diospi crijcuna charita ushan ciertopacha shuyaihuan shuj alipacha alpata, ari, shuj pushtutapash Diospaj ali ladoman, cai shuyai femanda shamun, shuj antorchata ruran runacunapaj almacunaman, ima paicunata rurai ushan seguro, na shaijujcunapash, punllan punllan ali ruraicunapi jundashpa, tangashca cashpa Diosta punchayachingapa.

5 Yalishca jipa Éter achil villarca jatun juyaillapacha cuzascunata llactapuracunaman, imata paicuna na crirca, na ricuimanda.

6 Cunan, ñuca, Moroni, parlangapa munani imatachari cai cuzascunamanda; ñuca ricuchingapa munani cai pachaman fe cajta cuzascuna imata shuyanchi, na ricushcacunapash; chaimanda, ama pliturichichu na ricuimanda, imashpa na chasquinguichi nima testimoniota imaura cangunapaj fepaj prueba jipacaman.

7 Femanda Cristo ricurimurca cangunapaj taitacunaman, huañushcacunamanda cutin causarishca jipa; pai na ricumurcachu paipi feta charishca jipacaman, chaimanda, minishtirishcapacha carca huaquinguna paipi feta charichun, imashpa pai na ricurimurcachu cai pachaman.

8 Ashtahuangari runacunapaj femanda pai cai pachaman ricurimushca, Taitapaj shutitapash punchayachishca, shuj ñanda preparashca maita cutishujcuna chasquijcuna cachun jahua pachamanda carashcata, shuyaita charichun chai cuzascunapi imata na ricushcacunapi.

9 Chaimanda, canguna chari ushanguichi shuyaita, carashcata chasquijcuna cangapapash, canguna feta charishpalla.

10 Riqui femanda pundamandacuna cayashca carca Diospaj achil ordenmanda.

11 Chaimanda, femanda Moiséspaj catichunbacha saquishca cushca carca. Ashtahuangari paipaj Churi carashcapi Dios preparashca shuj ashtahuan alipacha ñanda; cai can fehuan cai pactachishca can.

12 Fe na tiajpi runacunapaj huahuacunapi Dios na juyailla ruraita ricuchinacunata rurai ushan paicunapapi; chaimanda, pai na ricurimurca imaura paicunapaj fe jipacaman.

13 Riqui, Almapaj, Amulekpaj fe cárcelta alpaman urmachirca.

14 Riqui, Nefipaj, Lehipaj fe shuj laya tucuchirca Lamanitacunata, chaimanda paicuna bautizarishca carca ninahuan Espíritu Santohuanbash.

15 Riqui, Ammónpaj, paipaj huauquicunapaj fe rurarca shina jatun juyailla ruraita ricuchinata Lamanitacunapi.

16 Ari, tucui juyailla ruraita ricuchinacunata rurashca fehuan, maijan Cristopaj ñaupaj cashcacunapash, jipaman cajcunapash.

17 Femanda quimsa discípulocuna chasquirca shuj nishcapachata paicuna huañuita na malinga; paicuna na chasquirca nishcapachata paicunapaj fe jipacaman.

18 Nimaurapash pipash imajuyailla ruraita ricuchinacunata na rurashca imaura paicunapaj fe jipacaman; chaimanda paicuna callarirca crishpa Diospaj Churipi.

19 Tiarca taucacuna paicunapaj fe shina ninan shinlli carca, Cristo nara shamujpillata, paicunata na jarcai usharca velo yalichun, ashtahuangari ciertopacha ricurca paicunapaj propio ñavicunahuan cuzascunata imata paicuna ricushca carca fepaj ñavihuan, cushijushcapash carca.

20 Riqui, ñucanchi ricushcanchi cai quilcashcapi shuj carca Jaredpaj huauqui; shina jatun carca paipaj fe Diospi, imaura paipaj dedota chutajpi na pacai usharca caita Jaredpaj huauquipaj ricuimanda, paipaj shimimanda imata paiman parlashca carca, cai shimita pai chasquishca carca femanda.

21 Jaredpaj huauqui Apunchijpaj dedota ricushca jipa, nishcapachamanda imata chasquishca carca Jaredpaj huauqui femanda, Apunchij nimata na jarcai usharca paipaj ricuimanda; chaimanda paiman ricuchirca tucui cuzascunata, ñana usharca jarcaita velo canllapi.

22 Cai can femanda ñuca taitacuna chasquishca carca nishcapachata cai cuzascuna shamunata cangunapaj huauquicunaman gentilcunamanda; chaimanda Apunchij mandahuarca, ari, Jesucristollata.

23 Ñuca nini paiman: Apunchij, Gentilcuna cai cuzascunata asinga, ñucanchipaj quilcashcapi débilcunacaimanda; quiquin Apunchij ñucanchita shinllita rurashcangui shimicunapi femanda, ashtahuangari na shinllita rurashcangui quilcanapi; quiquin saquircangui tucui cai llactapuracuna ashtacata parlai ushachun, Espíritu Santomanda imata quiquin paicunaman cushcangui.

24 Quiquin ñucanchita rurashcangui ashagutalla quilcai ushachun, ñucanchi maquicuna upayaimanda. Riqui, quiquin ñucanchita na rurashcangui shinllicunata quilcanapi Jaredpaj huauquitashna, quiquin paita saquishcangui cuzascunata imata pai quilcarca shinlli cachun imashna quiquin cangui, caicunata liijpica runacunata dominan.

25 Quiquin rurashcanguipash ñucanchi shimicuna ushai junda, jatunbash, shina ñucanchi caicuna na quilcai ushanchi; chaimanda, imaura ñucanchi quilcanchi ricunchi ñucanchi debilidadta, nitijanchi ñucanchi shimicunata maipi churanamanda; ñuca manllani Gentilcuna ñucanchi shimicunamanda asinga.

26 Imaura ñuca caita nircani, Apunchij parlahuarca, nishpa: Muspacuna asin, ashtahuangari paicuna llaquiringa; ñuca ninan juyai chailla can mansocunapa, paicuna na ventajata charinga cangunapaj debilidadmanda;

27 Runacuna ñucapaman shamujpica ñuca ricuchisha paicunapaj debilidadta. Ñuca runacunaman cuni debilidadta paicuna humilde cachun; ñuca ninan juyai chailla can tucui runacuna humillarichun ñuca ñaupapi; paicuna ñuca ñaupapi humillarijpica, ñucapi feta charijpi, shina débil cuzascunata rurasha shinllicunaman tigrachun paicunapa.

28 Riqui, ñuca ricuchisha Gentilcunaman paicunapaj debilidadta, ñuca ricuchishapash paicunaman fe, shuyai, caridadpash ñucapaman apamun—pujyu tucui ali ruraicunapa.

29 Ñuca, Moroni, cai shimicunata uyashpa, cushijurcani, nircanipash: Oh Apunchij, quiquin ali munaita rurashca cachun, ñuca yachani quiquin rurangui runacunapaj huahuacunata paicunapaj femanda;

30 Jaredpaj huauqui nirca Zerín urcuta, Anchuri—cai anchurishca carca. Pai na feta charijpica cai na anchurinman carca; chaimanda quiquin rurangui runacuna feta charishca jipa.

31 Shina quiquin ricurimushcangui quiquinba discípulocunapaman; paicuna feta charishca jipa, quiquinba shutipi parlarca, quiquin ricurimushcangui paicunapaman jatun ushaipi.

32 Ñuca yarinipash quiquin nircangui quiquin preparashcangui shuj huasita runaman, ari, quiquinba Taitapaj mansióngunapi, maipi runa shuj ashtahuan alipacha shuyaita chari ushan; chaimanda runa shuyaita charina, nacashpa pai na chasquinga shuj chasquinata pushtupi maipi quiquin preparashcangui.

33 Cutin, ñuca yarini quiquin nishcangui cai pachata juyashcangui, cai pachamanda quiquinba causaita cungacaman, cutin tigrai japingapa shuj pushtuta preparangapa runacunapaj huahuacunaman.

34 Cunan ñuca yachani cai juyai imami quiquin charishcangui runacunapaj huahuacunaman caridad can; chaimanda, imashpapash runacuna caridadta na charishpaca paicuna na chasquita ushan chai pushtuta imata quiquin preparashcangui quiquinba Taitapaj mansióngunapi.

35 Chaimanda, ñuca yachani cai cuzasmanda imata quiquin nishcangui, Gentilcuna caridadta na charijpica, ñucanchi debilidadmanda, quiquin paicunata probangui, anchuchinguipash paicunapaj talentota, ari, imata paicuna chasquishca can, cunguipash maijan ashtahuan ashtacatapacha charijcunaman.

36 Yalishca jipa ñuca Apunchijta achil mañarcani pai cuchun Gentilcunaman ninan juyaita, paicuna caridadta chari ushachun.

37 Yalishca jipa Apunchij nihuarca: Paicuna caridadta na charijpica nimapash na can ñucapa, quiquin fiel cashcangui; chaimanda, quiquinba churajunacuna mapa illata rurashca canga. Quiquinba debilidadta ricushcamanda quiquinda shinllita rurasha, tiaringacamanbash pushtupi imata ñuca preparashcani ñuca Taitapaj mansióngunapi.

38 Cunan ñuca, Moroni, Gentilcunata cayacaman nini, ari, ñuca huauquicunatapash maijangunata ñuca juyani, imaura ñucanchi tuparingacaman Cristopaj ricushpa chasquichina tiarina ñaupapi, maipi tucui runacuna yachanga ñuca churajuna na mapayachishca can cangunapaj yahuarhuan.

39 Shina canguna yachanguichi ñuca Jesústa ricushcata, pai parlarca ñucahuan ñavi ñavi, pai nihuarca tucui humildadhuan, imashna shuj runa parlan cutishujhuan ñuca propio shimi rimaipi, cai cuzacunamanda;

40 Ashagutalla ñuca quilcashcani, ñucapaj quilcanapi debilidadmanda.

41 Cunan, ñuca munani cangunata cutin yarichingapa mascachun cai Jesústa pimanda achil villachijcuna, apóstolcuna quilcashca can, Dios Taitapaj ninan juyaimanda, Apunchij Jesucristomandapash, Espíritu Santomandapash, pimi testifican paicunamanda, cai ushachun, causachunbash cangunapi mana tucurinaman. Shinacapashcachun.