1 Yalishca jipa Oríah ricushpa chasquichirca ali ruranapi tucui paipaj punllacuna alpa jahuapi, caicuna ninan taucapacha punllacuna carca.

2 Pai charirca churicuna, ushicuna; ari, quimsa chunga shujta charirca, paicunamanda ishcai chunga quimsa carca churicuna.

3 Yalishca jipa pai charirca Kibta paipaj rucu huatacunapi. Yalishca jipa Kib reinarca paipaj pushtupi; Kib Corihorta charirca.

4 Imaura Corihor charirca quimsa chunga ishcai huatacunata paipaj taitata na cazurca, rirca causarca Nehorpaj alpapi; pai charirca churicunata, ushicunatapash, paicuna ninan juyaillagucunapachaman tigrarca; chaimanda Corihor munachi tucurca tauca llactapuracunata paita catichun.

5 Imaura pai tandachirca shuj macanajuj runacunata pai vichai rirca Morónpaj alpaman maipi jatun mandaj causarca, paita huatai tucushcashna cachun japirca, caihuan yalichun apamurca Jaredpaj huauqui nishcata paicuna apai tucushca canga huatai tucushcashnaman.

6 Cunan Morónpaj alpa, maipi jatun mandaj causan, alpa ladolla carca ima shutichishca carca Nefitacunahuan Imapash Illaj.

7 Yalishca jipa Kib causarca huatai tucushcashnapi, paipaj llactapuracuna Corihor paipaj churipaj mandadopi, imaura pai rucuyangacaman; ashtahuangari Kib Shuleta charirca paipaj rucu huatapi, imaura pai huatai tucushcashnapi causashpallata.

8 Yalishca jipa Shule fiñashca carca paipaj huauquihuan; Shule shinlliman tigrarca, ninan runapaj shinlliman tigrarca; ricushpa chasquichinapipash shinlli carca.

9 Chaimanda, pai shamurca Efraín uchilla urcuman, yacuyachirca uchilla urcumanda materialta, espadacunata rurarca aceromanda maijan catichishpa rishcacunaman; espadacunahuan macanajuchun churachishca jipa Nehor llactaman tigrarca, macanajungapa ricurirca paipaj huauqui Corihorhuan, cai laya reinota misharca, cutin apamurca paipaj taita Kibman.

10 Cunan Shule cai cuzasta rurashcamanda, paipaj taita reinota curca; chaimanda pai reinai callarirca paipaj taitapaj pushtupi.

11 Yalishca jipa ricushpa chasquichirca ali ruranapi; pai chajchurca paipaj reinota tucui alpa jahuallaman, imashpa llactapuracuna ninan taucapacha cai callarirca.

12 Yalishca jipa Shulepash charirca tauca churicuna, ushicunapash.

13 Corihor arrepentirirca tauca na ali ruraicunamanda imata pai rurashca carca; chaimanda Shule paiman ushaita curca paipaj reinopi.

14 Yalishca jipa Corihor charirca tauca churicuna, ushicunapash. Corihorpaj churicunapi tiarca shuj, paipaj shuti carca Noé.

15 Yalishca jipa Noé na cazurca Shule, jatun mandajta, paipaj taita Corihortapash, catichirca paipaj huauqui Cohor, tucui paipaj huauquicunatapash, tauca llactapuracunatapash.

16 Macanajungapa ricurirca Shulehuan, jatun mandaj, imapi chasquirca alpata paicunapaj callari japinata; pai shuj jatun mandaj tigrarca alpa chai asha pushtu jahuapi.

17 Yalishca jipa cutin macanajurca Shulehuan, jatun mandaj; Shuleta jatun mandajta aparca Morónman huatai tucushcashna.

18 Yalishca jipa pai ña huañuchigrijujpi, Shulepaj churicuna tuta pacalla yaicurca Noépaj huasiman paita huañuchirca, cárcelpaj punguta faquishpa paicunapaj taitata llujchirca, paita churarca paipaj trono jahuapi paipaj propio reinopi.

19 Chaimanda, Noépaj churi paipaj reinota shayachirca paipaj pushtupi; shina cajpipash paicuna na ushaita charirca ashtahuan Shule jatun mandajpaj jahuapi, llactapuracuna picuna carca Shule jatun mandajpaj reinado ucupi ninandapacha mirarirca, shinlli tucurca.

20 Llacta chaupirishca carca; ishcai reinocuna tiarca, Shulepaj reino, Cohor Noépaj churipaj reino.

21 Cohor, Noépaj churi, paipaj llactapuracunata macanajuchirca Shulehuan, caipi Shule misharca Cohorta huañuchircapash.

22 Cunan Cohor shuj churita charirca paipaj shuti carca Nimrod; Nimrod Cohorpaj reinota curca Shuleman, pai Shulepaj ñavicunapi alicachi tucurca; chaimanda Shule paiman ninanda caraicunata curca, Shulepaj reinopi paipaj munashcacunata rurarca.

23 Shulepaj reinadopipash tauca achil villachijcuna llactapuracunaman shamurca, Apunchijpamanda cachamushcacuna carca, achil villachishpa llactapuracunapaj na alita ruraicuna, yanga dioscunata cungurinacunapash shuj ninan llaquita apamujujta alpa jahuaman, paicuna tucuchi tucushca cagrijtapash imashpapash paicuna na arrepentirijpi.

24 Yalishca jipa llactapuracuna pliturca achil villachijcunapaj contra, paicunata burlarcapash. Yalishca jipa Shule jatun mandaj ricushpa chasquichinapi churarca tucui maijan achil villachijcunata na cazujcunata.

25 Shuj ricushpa catinata churarca tucui alpapi cai curca ushaita achil villachijcunaman paicuna maiman ringapa munashcaman richun; caimanda llactapuracuna apamushca carca arrepentimientoman.

26 Llactapuracuna arrepentishcamanda paicunapaj na ali ruraicunamanda, yanga dioscunata cungurinacunatapash Apunchij perdonarca, paicuna cutin ali mirai callarirca alpapi. Yalishca jipa Shule charirca churicunata, ushicunata paipaj rucuyai huatacunapi.

27 Ashtahuan na tiarca macanajuicuna Shulepaj punllacunapi; pai yarirca jatun cuzascunata Apunchij rurashcata paipaj taitacunamanda paicunata apamushca yalishpa jatun mama cochata cushapacha nishca alpaman; chaimanda ricushpa chasquichinata rurarca ali ruranapi tucui paipaj punllacuna.