1. Cunjämtejj amawtʼanacapamp presbiteronacapampejj Criston janchip wilap yakhachasajj iyawsiri tamar laquipcän uca. Jupanacasti Criston camächitanacaparjamaw ucjj lurapjjäna. Ucat yatipjjta, cunjämtejj lurapcän ucan chekapätapa. Amawtʼaw jan ucasti, presbiterow ucjj yakhachäna.

2. Jupanacasti iyawsiri tamamp quilltʼasisaw Criston sutipjjar aqhäm sas Awquit mayisipjjäna:

3. Dios Wiñay Awquijja, Jesucristo Yokaman sutipjjaruw nanacajj mayisinipjjsma. Yakhachanim, kollanaptayam aca tʼantʼaru, takeni ac mankʼapcani ucanacataqui; mankʼasasti, Yokaman janchipat amtasipjjañapataqui, uqhämaraqui jumar ircatapjjañapataqui, Dios Wiñay Awquijja, Yokaman sutip catjjaruñ munapjjatapata, jupar wiñay amtasiñ munapjjatapata, jupajj jupanacar churqui uca camächitanacap phokhañ munapjjatapata, jupan Ajayupasti jupanacamp wiñay utjañapataqui. Uqhamäpan.