Moronin Kellkatapa
1ri Jalja
Moronin sapac utjatapa – Jupajj Laman jakenacan waliquïñap suyasaw kellke.
1. Jichhajja, naya Moronejj Jared jakenacan sarnakäwinacapat kellkatjja, jachʼat jiscʼaru tucuyatajjata, jan jucʼamp kellkañ amuyasïyäta; ucampis janïraw tucuscti. Janiraquiw Laman jakenacarojj uñtʼayascaraccti, jupanacan nayar jan tʼunjañanacapataqui.
2. Jupanacan nuwasïwinacapajj jupanac purajj wali jachʼa ajjsarcañawa. Uñisiñap laycuw Cristor jan ajjalnucuñ munir Nefi jakenacarojj jiwayapjje.
3. Naya Moronisti janiw Cristor ajjalnuc-cäti. Ucat nayajj take chekarus quipca jacäwijj imañajjatac sarnakta.
4. Ucat jan jucʼamp kellkañ amuyasc-chïyätsa, mä kawkha jucʼamp cunanacjjat kellkä. Nayajj janis jucʼamp kellkquirist uqhäm amuyasïyäta, ucampis mä kawkhanacamp kellkä, inas Tatitun munañaparjam mä jutir urun ucanacajj Laman jake jilanacajjataqui asquïchini.