Mosia

Pāpa’ira’a mo’a

Buka a Moromona

Mau mea i roto
Te ’ōmuara’a ’e te mau ’ite
1 Nephi
2 Nephi
Iakoba
Enosa
Iaroma
Omoni
Mau Parau a Moromona
Mosia
Alama
Helamana
3 Nephi
4 Nephi
Moromona
Etera
Moroni

Mosia

Pene 1
’Ua ha’api’i te ari’i Beniamina i tāna mau tamari’i tamāroa i te reo ’e te mau tohura’a a tō rātou ra mau metua—’Ua fa’ahereherehia tā rātou ha’apa’ora’a e tā rātou peu maitata’i nō te mea ’ua ha’apa’ohia tā rātou mau pāpa’a parau i ni’a i te mau ’api huru rau—’Ua mā’itihia Mosia ’ei ari’i ’e ’ei ta’ata ha’apa’o nō te mau pāpa’a parau e te tahi atu mau mea. Fātata 130–124 H.M.
Pene 2
’Ua a’o atu te ari’i Beniamina i tōna mau ta’ata—’Ua fa’a’ite atu ’oia i te huru parauti’a, te huru ’āfaro, ’e te huru pae vārua nō tāna fa’aterera’a—’Ua a’o atu ’oia ia rātou ’ia tāvini i tō rātou Ari’i i te Ao ra—E fāri’i te feiā e mārō atu i te Atua i te mamae rahi mai te auahi pohe ’ore ra. Fātata 124 H.M.
Pene 3
’Ua tāmau noa te ari’i Beniamina i tāna a’ora’a—E fa’atere noa te Fatu Manahope i rotopū i te ta’ata nei i roto i te hō’ē tino tāhuti—E tahe tōna toto nā roto i tōna mau ’āpo’o ’iri ato’a ’a amo ai ’oia i te mau hara a tō te ao nei—Nā roto i tōna ana’e iho i’oa e tae mai ai te fa’aorara’a—E ti’a i te ta’ata ’ia fa’aru’e i te ta’ata nātura, ’e ’ia riro ’ei ta’ata mo’a nā roto i te Tāra’ehara—Te māuiui e fāri’ihia e te feiā parauti’a ’ore mai tō te roto auahi ïa ’e te gopheri. Fātata 124 H.M.
Pene 4
’Ua tāmau noa te ari’i Beniamina i tāna a’ora’a—E tae mai te fa’aorara’a nā roto i te Tāra’ehara—Ti’aturi i te Atua ’ia fa’aorahia—Tītau i te ha’amatarara’a nō tā ’outou ra mau hara nā roto i te ha’apa’o maita’i—’Ōpere i tā ’outou tao’a nā te feiā veve—Rave i te mau mea ato’a nā roto i te pa’ari ’e te au maita’i. Fātata 124 H.M.
Pene 5
’Ua riro te feiā mo’a ’ei mau tamari’i tamāroa ’e ’ei mau tamari’i tamāhine nā te Mesia nā roto i te fa’aro’o—’Ua pi’ihia rātou te i’oa o te Mesia—’Ua a’o te ari’i Beniamina ia rātou ’ia vai itoito noa ma te ’āueue ’ore i roto i te mau ’ohipa maita’i. Fātata 124 H.M.
Pene 6
’Ua pāpa’i te ari’i Beniamina i te i’oa o te mau ta’ata ’e ’ua fa’ata’a ’oia i te mau tahu’a nō te ha’api’i ia rātou—’Ua fa’atere ari’i Mosia ’ei ari’i parauti’a. Fātata 124–121 H.M.
Pene 7
’Ua ’itehia ia Amona te fenua nō Lehi-Nephi, tei reira Limehi i te fa’atere-ari’i-ra’a—’Ua vai tītī te mau ta’ata o Limehi i raro a’e i te mau ’āti Lamana—Tē fa’ati’a ra Limehi i tō rātou ’ā’amu—’Ua fa’a’ite pāpū te hō’ē peropheta (Abinadi) ē e Atua ’e e Metua te Mesia nō te mau mea ato’a—Te feiā ’o tē ueue i te mau ’ohipa vi’ivi’i e ’ō’oti rātou i te pūāhiohio, ’e te feiā e tu’u i tō rātou ti’aturira’a i roto i te Fatu e fa’aorahia rātou. Fātata 121 H.M.
Pene 8
Tē ha’api’i ra Amona i te mau ta’ata o Limehi—’Ua fa’aro’o ’oia i te parau nō ni’a i te mau ’api e piti ’ahuru ma maha a te ’āti Iareda—E ti’a i te mau pāpa’a parau tahito ’ia ’īritihia ’e te mau hi’o—’Aita atu e hōro’ara’a rahi roa atu i te rirora’a ’ei hi’o. Fātata 121 H.M.
Pene 9
’Ua arata’i Zenifa i te hō’ē pupu mai Zarahemela nō te rave i te fenua nō Lehi-Nephi—’Ua fa’ati’a te ari’i ’āti Lamana ia rātou ’ia fatu i te fenua—’Ua tupu te ’arora’a i rotopū i te mau ’āti Lamana ’e te mau ta’ata o Zenifa. Fātata 200–187 H.M.
Pene 10
’Ua pohe te ari’i Lamana—’Ua riro tōna mau ta’ata ’ei ’ōviri ’e te taehae ’e ’ua ti’aturi rātou i te mau peu tumu ha’avare—’Ua upo’oti’a Zenifa ’e tōna mau ta’ata i ni’a ia rātou. Fātata 187–160 H.M.
Pene 11
’Ua fa’atere te ari’i Noa ma te parauti’a ’ore—E mea au roa nāna te orara’a tai’ata i pīha’i iho i tāna mau vahine ’e te mau vahine tāvini—’Ua tohu Abinadi ē e hōpoi-tītī-hia te mau ta’ata—’Ua tītau te ari’i Noa ’ia taparahi iāna. Fātata 160–150 H.M.
Pene 12
’Ua hurihia Abinadi i roto i te fare ’āuri nō tōna tohura’a i te ha’amoura’a o te mau ta’ata ’e te pohe o te ari’i Noa—’Ua fa’ahiti mai te mau tahu’a ha’avare i te mau pāpa’ira’a mo’a, ma te fa’ahua ’ia ha’apa’o i te ture a Mose—’Ua ha’amata Abinadi i te ha’api’i ia rātou i te mau Fa’auera’a Hō’ē ’Ahuru. Fātata 148 H.M.
Pene 13
’Ua pāruruhia Abinadi e te mana o te Atua—’Ua ha’api’i ’oia i te mau Fa’auera’a hō’ē ’ahuru—’Aita te fa’aorara’a e tae mai nā roto i te ture a Mose ana’e iho—Nā te Atua ana’e iho e fa’atupu i te tāra’ehara ’e e fa’aora i tōna mau ta’ata. Fātata 148 H.M.
Pene 14
’Ua parau mai Isaia nō ni’a i te Mesia—’Ua fa’a’itehia mai te parau nō ni’a i tō te Mesia rave-’ino-ra’a-hia ’e ha’amāuiuira’ahia—’Ua pūpū mai ’oia i tōna vārua ’ei ō nō te hara ’e ’ua riro ’oia ’ei ārai nō te feiā ’ōfati ture—’A fa’aau i te Isaia 53. Fātata 148 H.M.
Pene 15
E mea nāhea tō te Mesia rirora’a ’ei Metua ’e ’ei Tamaiti—E riro ’oia ’ei ārai ’e e amo ’oia i te hara a tōna mau ta’ata—’Ua riro rātou ’e te mau peropheta mo’a ato’a ’ei hua’ai nāna—Nā roto iāna e tupu ai te Ti’afa’ahoura’a—E fāri’i te mau tamari’i ri’i i te ora mure ’ore. Fātata 148 H.M.
Pene 16
E fa’aora te Atua i te mau ta’ata i roto i tō rātou huru mo’era’a ’e te hi’ara’a—E vai noa te feiā hina’aro pae tino mai te mea ra ē ’aita e fa’aorara’a—E fa’atupu mai te Mesia i te ti’afa’ahoura’a nō te ora hope ’ore ’e te pohe hope ’ore. Fātata 148 H.M.
Pene 17
’Ua ti’aturi ’e ’ua pāpa’i Alama i te mau parau a Abinadi—’Ua pohe Abinadi i roto i te auahi—’Ua tohu ’oia nō ni’a i te ma’i ’e te pohe auahi e tae mai i ni’a i te mau ta’ata i taparahi iāna. Fātata 148 H.M.
Pene 18
’Ua poro huna Alama i te ’evanelia—’Ua ha’amāramarama ’oia i te fafaura’a nō te bāpetizora’a ’e ’ua bāpetizo i roto i te mau pape o Moromona—’Ua fa’ati’a ’oia i te ’Ēkālesia a te Mesia ’e ’ua fa’atōro’a i te mau tahu’a—’Ua tauturu rātou ia rātou iho ’e ’ua ha’api’i i te mau ta’ata—’Ua horo ’ē atu Alama ’e tōna mau ta’ata i te ari’i ia Noa i roto i te mēdēbara. Fātata 147–145 H.M.
Pene 19
’Ua tītau Gideona ’ia taparahi i te ari’i Noa—’Ua haru te mau ’āti Lamana i te fenua—’Ua pohe te ari’i Noa i te pohe auahi—’Ua fa’atere Limehi i raro a’e i te fa’aterera’a a te hō’ē ari’i rahi a’e. Fātata 145–121 H.M.
Pene 20
’Ua haruhia te tahi mau tamāhine ’āti Lamana e te mau tahu’a o Noa—’Ua fa’atupu te mau ’āti Lamana i te ’arora’a i ni’a ia Limehi ’e tōna mau ta’ata—’Ua fa’a’ōtohehia te mau nu’u fa’ehau ’āti Lamana ’e ’ua fa’ahauhia rātou. Fātata 145–123 H.M.
Pene 21
’Ua taparahihia te mau ta’ata o Limehi ’e ’ua ha’apauhia rātou e te mau ’āti Lamana—’Ua fārerei te mau ta’ata o Limehi ia Amona ’e ’ua fa’afāriuhia rātou—’Ua fa’a’ite atu rātou ia Amona i te mau ’api e piti ’ahuru ’e ma maha a te ’āti Iareda. Fātata 122–121 H.M.
Pene 22
’Ua ravehia te mau fa’anahonahora’a ’ia ti’a i te mau ta’ata ’ia horo ’ē atu i te fa’atītīra’a a te mau ’āti Lamana—’Ua fa’ata’erohia te mau ’āti Lamana—’Ua horo ’ē atu te mau ta’ata, ’e ’ua ho’i atu i Zarahemela, ’e ’ua haere rātou i raro a’e i te fa’aterera’a a te ari’i Mosia. Fātata 121–120 H.M.
Pene 23
’Ua pāto’i Alama ’ia riro ’ei ari’i—’Ua tāvini ’oia ’ei tahu’a rahi—’Ua ’avau te Fatu i tōna mau ta’ata, ’e ’ua haru te mau ’āti Lamana i te fenua nō Helama—Tei raro a’e te fa’aterera’a a Amulona, te ta’ata fa’atere nō te mau tahu’a parauti’a ’ore o te ari’i Noa, i te fa’aterera’a hui ari’i a te ’āti Lamana. Fātata 145–121 H.M.
Pene 24
’Ua hāmani ’ino Amulona ia Alama ’e tōna mau ta’ata—E ha’apohehia rātou mai te mea e pure rātou—’Ua fa’ariro te Fatu i tā rātou mau hōpoi’a ’ei mea māmā—’Ua fa’aora ’oia ia rātou i te fa’atītīra’a, ’e ’ua ho’i atu rātou i Zarahemela. Fātata 145–120 H.M.
Pene 25
’Ua riro te mau hua’ai o Muleka i Zarahemela ’ei mau ’āti Nephi—’Ua ’ite rātou i te parau nō ni’a i te mau ta’ata o Alama ’e Zenifa—’Ua bāpetizo Alama ia Limehi ’e tōna mau ta’ata—’Ua hōro’a Mosia i te parau fa’ati’a ia Alama ’ia fa’ati’a i te ’Ēkālesia a te Atua. Fātata 145–120 H.M.
Pene 26
E rave rahi mau melo o te ’Ēkālesia tei arata’ihia i roto i te hara e te feiā ti’aturi ’ore—’Ua fafauhia Alama nō te fāri’i i te ora mure ’ore—E fāri’i te feiā i tātarahapa ’e i bāpetizohia i te fa’a’orera’a hara—E fa’a’orehia te hara a te mau melo hara nō te ’Ēkālesia ’o tei tātarahapa ’e tei fā’i atu ia Alama ’e i te Fatu ; mai te mea ē ’aita, ’aita ïa rātou e tai’ohia i rotopū i te mau ta’ata o te ’Ēkālesia. Fātata 120–100 H.M.
Pene 27
’Ua ’ōpani Mosia i te hāmani-’ino-ra’a ’e ’ua fa’aue ’oia ’ia vai te ’aifāitora’a—’Ua tītau Alama tamaiti ’e te mau tamari’i tamāroa e to’omaha a Mosia ’ia hāmani ’ino i te ’Ēkālesia—’Ua fā mai te hō’ē melahi ’e ’ua fa’aue mai ia rātou ’ia fa’aea i tā rātou mau ’ohipa ’ī’ino—’Ua tā’irihia Alama ’e ’ua vāvā roa ’oia—E mea ti’a i te mau ta’ata ato’a ’ia fānau-fa’ahou-hia nō te fāri’i i te fa’aorara’a—’Ua haere atu Alama ’e te mau tamari’i tamāroa a Mosia e poro i te mau parau ’oa’oa. Fātata 100–92 H.M.
Pene 28
’Ua haere atu te mau tamaiti a Mosia e ha’api’i i te mau ’āti Lamana—’Ua fa’a’ohipa Mosia i nā ’ōfa’i e piti e fa’a’ohipahia e te hō’ē hi’o nō te ’īriti i te mau ’api a te ’āti Iareda. Fātata 92 H.M.
Pene 29
’Ua ’ōpua Mosia ’ia mā’itihia te mau ha’avā nō te mono i te ari’i—E arata’i te mau ari’i parauti’a ’ore i tō rātou mau ta’ata i roto i te hara—’Ua mā’itihia Alama tamaiti ’ia riro ’ei ha’avā rahi nā roto i te reo o te mau ta’ata—E tahu’a rahi ato’a ’oia nō te ’Ēkālesia—’Ua pohe Alama te metua ’e ’o Mosia. Fātata 92–91 H.M.

Nene’i

Tu’u i te mau fa’a’ūra’a ’e te mau tārenira’a

Tomo i roto nō te fa’a’ohipa

Tu’u i te mau fa’ata’ara’a raro