Lima Fesoasoani i le salafa o le Lalolagi
Feiloai ia Stella mai Kana
Feiloai i tamaiti o le Peraimeri o loo fesoasoani atu i isi, e pei ona sa faia e Iesu.
Mea uma e uiga ia Stella
Tausaga: 11
Mai: Kana
Gagana: Igilisi ma le Twi
Aiga: Tina, Tama, ma le tuagane ia Yaw
Sini ma miti: 1) Auauna atu i se misiona, e pei o lona tina. 2) la faaipoipo i le malumalu. 3) Ia avea ma se mamanu o lavalava.
Lima Fesoasoani a Stella
Toeitiiti o aso uma, e mafai ona e maua ai Stella ma lona aiga o asiasi i le tamaitai pule o le latou fale mautotogi. Latou te le aiga i ai, ae e valaau o ia e Stella ma lona tuagane o “Tinamatua Sesilia.” Fai mai Stella, “Ua 83 ona tausaga, ma e leai sana ia lava fanau.” Sa matauina e Stella ma lona aiga sa ia manaomia le fesoasoani ma filifili ai e “vaetama” o ia.
E masani lava ona fesoasoani Stella e salu ma solo le fola o Tinamatua Sesilia. O le i ai o se fale mamā o se auala taua lea e tumau ai le maloloina. O lea la o loo fai e Stella se mea e matuai fesoasoani ai ia Tinamatua Sesilia. “Sa auauna atu Iesu Keriso i isi,” o le tala lea a Stella, “o le mea lena na musuia ai au e auauna atu ia te ia. Ou te iloa e fiafia Iesu Keriso ma Lona Tama pe a ou auauna atu.” ●
O Mea e Sili ona Fiafia i ai Stella
Nofoaga: o le malumalu o Accra Kana (“e pei lava o le lagi i le lalolagi.”)
Tala e uiga ia Iesu: “O le taimi na Ia fafagaina ai le motu o tagata i i’a e lua ma potoi areto e lima.”
Pese o le Peraimeri: “Tofia e Auauna” ma le “O le Tatalo a se Tamaitiiti” (“La te aumaia ia te au le malosi e alofa ma auauna atu ai.”)
Meaai: potoi (palatana ma kasava palu) ma le supo ma le aano ’oti
Lanu: lanu samasama
Mataupu i le aoga: faatufugaga fatufatuai