Sau, Mulimuli Mai ia te A’u
O nei manatu e o faatasi ma le Sau, Mulimuli Mai ia te Au—mo Tagata Taitoatasi ma Aiga i vaiaso taitasi.
Faitau le Mataupu Faavae ma Feagaiga
Mo le Mataupu Faavae ma Feagaiga 1
-
Usu le “Saili Vave le Alii” (Tusipese a Tamaiti, 67).
-
Na valaauina e Iesu Keriso Iosefa Samita e fesoasoani e toe faatulaga Lana Ekalesia. Na Ia tuuina atu ia Iosefa ni faatonuga faapitoa ia na tusia i lalo ina ia mafai ona tatou faitau i ai i aso nei (tagai Mataupu Faavae ma Feagaiga 1:17, 30).
-
I le itulau e 24, saili se siata faitau e fesoasoani i lou faitauina o le Mataupu Faavae ma Feagaiga i le tausaga atoa! Faitau ma valivali le mea muamua e te amata ai.
Mana o le Tatalo
Mo le Iosefa Samita—Talafaasolopito 1:1–26
-
Usu le “O Le Talosaga Muamua a Iosefa Samita” (Viiga, nu. 14).
-
Sa i ai se fesili a Iosefa Samita . Ina ua tatalo o ia, sa faaali mai le Tama Faalelagi ma Iesu ma tali mai ia te ia (tagai i le Iosefa Samita—Talafaasolopito 1:15–19).
-
E faafofoga mai foi leTama Faalelagi i au tatalo! E masani ona Ia tali mai e ala i le Agaga Paia. Filifili se tala e faatatau i le tatalo (tagai i itulau 12, 36, po o le 46) ma faitau faatasi. Na faapefea ona tali mai le Tama Faalelagi i le tatalo o loo i le tala? Na faapefea ona Ia tali mai ia te oe?
Loto o le Aiga
Mo le Mataupu Faavae ma Feagaiga 2, Iosefa Samita—Talafaasolopito 1:27–65
-
Usu le “Talafaasolopito—O La O Te Faia” (Tusipese a Tamaiti, 100).
-
Na auina mai e le Alii ia Elia e liliu atu o tatou loto i tagata o o tatou aiga o e na soifua muamua atu ia i tatou (tagai Mataupu Faavae ma Feagaiga 2:2). A liliu atu o tatou loto i o tatou aiga, tatou te manatua ma faia galuega o le malumalu mo i latou.
-
Oti ni fatu mai pepa. Tusi le igoa o le tagata o le aiga i luga o fatu taitasi. Ia auauai e uu i luga fatu ma faasoa atu ni tala e uiga i tagata taitoatasi. E mafai ona e fai atu i ou matua e faamatala mai ni tala e uiga i o laua matua po o matua o matua.
Mulimuli i le Taitai, Mulimuli i le Atua
Mo le Mataupu Faavae ma Feagaiga 3–5
-
Usu le “Tausi Poloaiga” (Tusipese a Tamaiti, 68–69).
-
Na iloa e Iosefa Samita o le mulimuli i faatonuga a le Atua e sili atu le taua nai lo le faia o mea e mananao ai isi tagata (tagai Mataupu Faavae ma Feagaiga 3:5–8).
-
Ia fai se taaloga! Filifili se tagata e toatasi e avea ma taitai. E tuu atu e le taitai i tagata taitoatasi se galuega, e pei o le savali i le isi itu o le potu po o le patipati faatolu. Faataitai ona faia le mea e fai mai ai le taitai, ae le o mea o loo faia e tagata o siomia oe!
Tatalo ma Auauna atu
Mo le Mataupu Faavae ma Feagaiga 6–9
-
Usu le “Saili, Mafaufau Loloto, ma Tatalo” (Tusipese a Tamaiti, 66).
-
A tatou mananao e fai ni mea lelei, o le a fesoasoani mai le Tama Faalelagi ia i tatou. E mafai ona tatou ole atu ia te Ia po o ai e mafai ona tatou fesoasoani i ai, ma o le a tali mai o Ia (tagai Mataupu Faavae ma Feagaiga 6:5, 8).
-
Faitau le “O le Tatalo [mo] le Pāpā Falaoa” i le itulau e 16. Ona tatalo lea ia iloa po o ai e mafai ona e fesoasoani i ai, ma fai se mea agalelei mo i latou!