Sau, Mulimuli Mai ia te A’u
Taimi Malie i Tusitusiga Paia mo Fanau Laiti
E mafai ona e faaaogaina manatu nei e fesoasoani ai e aoao atu mai le Sau, Mulimuli Mai ia te A’u—mo Tagata Taitoatasi ma Aiga i vaiaso taitasi.
Mo le Mataupu Faavae ma Feagaiga 1: Fesoasoani i lau fanau laiti ia fai mai, “O Iosefa Samita o se perofeta.” Ona e alu lea i le children.ChurchofJesusChrist.org ma kiliki i le “Musika” e su’e ai se pese e uiga ia Iosefa Samita e usu.
Mo le Iosefa Samita—Talafaasolopito 1:1–26: Fesoasoani i lau fanau laiti ia fai mai, “E faafofoga mai le Tama Faalelagi i a’u tatalo.” Ona faaaoga lea o le solo lenei e aoao ai lau fanau i le auala e tatalo ai: “E moeiini o’u mata. E punou lo’u ulu. E piilima o’u lima a o fai le tatalo.”
Mo le Mataupu Faavae ma Feagaiga 2, Iosefa Samita—Talafaasolopito 1:27–65: Fesoasoani i lau fanau laiti ia fai mai, “Ou te alofa i lo’u aiga.” Uu i luga se ata o le aiga ma fesoasoani i lau tama e faasino i tagata taitasi ma ta’u o latou igoa.
Mo le Mataupu Faavae ma Feagaiga 3–5: Fesoasoani i lau fanau laiti ia fai mai, “E mafai ona ou mulimuli i le Atua.” Taaalo i se taaloga o le mulimuli-i le-taitai ma tuu atu i lau tama ni faatonuga, e ta’itasi i le taimi. Patipati faatasi pe a sa’o le faiga e lau tama.
Mo le Mataupu Faavae ma Feagaiga 6–9: Fesoasoani i lau fanau laiti ia fai mai, “E mafai ona ou faia mea lelei.” Ona fesoasoani lea ia i latou e fai se kata po o se mea manaia e avatu i se tuaoi, pe su’e se isi auala malie e auauna atu ai. ●