O La Matou Sini o le Tusi a Mamona
O le Kerisimasi ua te’a, na o mai uma ai le aiga o lo’u tina i lo matou fale. Na matou tusia uma i lalo mea o le a matou tuuina atu ia Keriso mo le tausaga na sosoo ai. Ona matou faasolo lea e fai atu mea sa matou filifili e foai atu.
Sa fai mai lo’u tinamatua o le a ia faitauina le Tusi a Mamona i le fa masina. Sa lei alu lava lo’u tinamatua i le lotu talu mai le iva o ona tausaga ma sa ia faitauina na o se vaega o le Tusi Paia. Sa faateia i matou uma. Sa fai mai o ia sa manao e faitau aua sa faitau e lana fanau uma ma le toatele o fanau a lana fanau. Sa ia fia iloa pe aisea e taua tele ai lea mea ia i matou.
Sa filifili uma uso ma tuagane o lo’u tina, ma le toatele o o’u tausoga e faitau faatasi ma ia le Tusi a Mamona. Sa ou le mautinoa pe o le a ia faia, ae ua ia amataina nei le Tusi a Alema. Sa matuai fiafia lava i ai o ia. Ou te lagona le fiafia pe a ou faitauina le Tusi a Mamona ma iloa o loo faitau foi e lo’u tinamatua.
Ata na tusia e Charles Lehman