E moemoeā nō Dieter
Fa’aauhia mai roto mai ia Elder Dieter F. Uchtdorf, « Pi’ira’a nō te mau aito ! » (Purera”a pae auahi nā te ao nei no BYU, 14 nō Tiurai 2020, byupathway.org/devotionals).
I tōna vai-tamari’i-ra’a, ’e mea au roa nā Elder Dieter F. Uchtdorf ’ia māta’ita’i i te mau manureva. ’Ua feruri ’oia ē tei roto ’oia i te hō’ē o terā mau manureva rarahi.
’Ia tae i te hō’ē mahana, hina’aro vau ’ia riro ’ei pairati.
Terā rā ’aita i rahi te moni a te ’utuāfare Dieter. ’Ua riro na rātou ’ei mau tītīhoria ’e ’ua fa’aru’e i tō rātou fare e piti taime nō te haere i te hō’ē fenua ’āpī.
’A ha’uti noa ai te tahi atu mau tamari’i, ’ua ’ohipa o Dieter ’ei tamaiti ’āfa’ifa’i tauiha’a nō te tauturu i tōna ’utuāfare.
I te tahi taime ’ua mana’o ’oia ē e’ita tōna moemoeā e tupu !
Terā rā a pa’ari noa ai ’oia, ’ua rave itoito o Dieter i te ’ohipa nō te fa’atupu i tōna mau moemoeā. Te vai ra tōna fa’aro’o ē e tauturu te Metua i te ao ra iāna.
’Ua tomo ’oia i roto i te taiete manureva ’e ’ua ha’api’i ’ia riro ’ei pairati maita’i roa a’e e ti’a iāna ’ia riro mai.
I te pae hope’a ’ua tupu tōna moemoeā. ’Ua rere ’oia nā ni’a i te mau manureva rarahi e rave rahi matahiti !
Te uiui ra paha ’outou ē e tupu ato’a ānei tō ’outou mau moemoeā.
E ’ere paha i te mea ’ōhie, terā rā e nehenehe ’outou e rave i te reira.
E fa’aruru paha ’outou i te mau tāmatara’a, e nehenehe rā te reira e ha’apūai atu ā ia ’outou. Tei pīha’i iho te Atua ia ’outou i roto i te mau ta’ahira’a ato’a !
« ’A rave itoito i te ’ohipa. ’Ia vai te fa’aro’o. ’Ia vai te tīa’ira’a. A ti’aturi i te Atua. Mai te mea e rave ’outou i tā ’outou tuha’a, e ’āfaro te mau mea ato’a. »
Fa’ahōho’ara’a nā Cam Kendell