Pāruru ia ’outou iho

a boy standing in front of road signs

E mea ti’a ia ’outou ’ia rave maita’i ’e ’ia fa’atura i te mau tamari’i ato’a a te Metua i te ao ra. Tē tīa’i ato’a nei paha ’outou ia vetahi ’ē ’ia nā reira ato’a mai ia ’outou. Mai te mea e tāmata te hō’ē ta’ata i te ha’amāuiui ia ’outou ma te mau parau ’aore rā ma te ravera’a mai i ni’a ia ’outou, e ’ere roa i te mea tano !

Mai te mea tē fifi ra ’outou…

1. ’A parau ’aita. ’Aita ’outou i rave i te ’ohipa hape ’o tā ’outou e mana’o ra e mea tano ’ore ’aore rā e ha’afifi ra ia ’outou. E mea tano ’ia parau ’aita.

2. ’A fa’aro’o i tō ’outou mau ’āehuehu. E hōro’a mai te Vārua Maita’i ia tātou i te mau fa’aarara’a hau nō te tauturu ia tātou ’ia vai pāruruhia. Mai te mea tē mana’o ra ’outou ’aita te mau ’ohipa e tano ra, ’eiaha e ’āmui atu ’e ’a tāmata i te haere ’ē atu mai te mea e nehenehe.

3. ’Eiaha e tāpe’a noa te mau hunara’a māuiui. Tē vai ra te hō’ē ta’a-’ē-ra’a i roto i te māerera’a ’oa’oa ’e te hunara’a māuiui. ’Eiaha roa ’outou e tāpe’a i te hō’ē hunara’a māuiui, noa atu ’ua parau fafau ’outou.

4. ’A fa’a’ite i te hō’ē ta’ata pa’ari tā ’outou e ti’aturi nei. Mai te mea tē tupu ra te hō’ē ’ohipa ’ino ’aore rā tē ri’ari’a nei ’outou, ’a paraparau i te hō’ē ta’ata ’o te nehenehe e tauturu ’oi’oi ia ’outou, mai te hō’ē metua, te ’orometua ha’api’i, ’aore rā te feiā fa’atere.

’O vai te ta’ata tā ’outou e nehenehe e paraparau ’ia fifi ana’e ’outou ? ’A pāpa’i i te hō’ē tāpura nō te mau ta’ata e ti’aturi i’ō nei :

’A ha’amana’o…

• E mea herehia ’outou ’e te faufa’a !

• E ’ere nō ’outou te hape mai te mea ’ua rave te hō’ē ta’ata i te mau mā’itira’a tei ha’amāuiui ia ’outou.

• ’Aita ’outou e vai noa ra ’o ’outou ana’e. Tē vai nei te mau ta’ata e nehenehe e tauturu ia ’outou.

• ’Ua ’ite te Metua i te ao ra ’e ’o Iesu Mesia e aha tā ’outou e horuhoru nei. E nehenehe rāua e tauturu ia ’outou !

Fa’ahōho’ara’a nā Jennifer Bricking