Nō roto mai i te Peresidenira’a Mātāmua

E fa’a’ite i te Maita’i

Nā te Peresideni Dallin H. Oaks

Tauturu mātāmua i roto i te Peresidenira’a Mātāmua

Fa’aauhia nō roto mai i « Te mau metua ’e te mau tamari’i », Ensign ’e ’aore rā Liahona, Novema 2018, 61 – 67.

a boy and a girl reading together

’Ua ’ite au i te hō’ē taure’are’a ’āpī tei riro ’ei tītīhoria. ’Ua fa’ao’ō’o te hō’ē pupu feiā ’āpī iāna nō te rirora’a ’ei ta’ata ta’a ’ē. ’Ua fa’ao’ō’o’ rātou iāna nō te paraparaura’a i te hō’ē reo ta’a ’ē. E ’ere i te mea au nā te Metua i te ao ra ’ia ’ore tātou e fa’a’ite i te maita’i ’aore rā e mea ’ino tātou i ni’a ia vetahi ’ē E ’ere i te mea maita’i ’ia fa’aha’amā i te tahi atu ta’ata, ’ia ’aro ia rātou, ’aore rā, ’ia pāto’i ia rātou.

E te mau tamari’i here ē, tē hina’aro nei tō tātou ao i tō ’outou maita’i ’e tō ’outou here. ’A fa’a’ite i te maita’i i te tahi ’e te tahi. ’Ua ha’api’i mai Iesu ia tātou ’ia rave i ni’a ia vetahi ’ē i te mea tā tātou e hina’aro ’ia nā-reira-hia mai tātou. ’A tāmata ai tātou i te fa’a’ite i te maita’i, e ha’afātata atu ïa tātou iāna.

Mai te mea ’aita ’outou e fa’a’ite i te maita’i i te hō’ē ta’ata—hō’ē ta’ata ’aore rā hō’ē pupu—’a rave i te fa’aotira’a i teienei ’ia taui. ’A fa’aitoito ia vetahi ’ē ’ia taui ato’a.

Tē fa’a’ite pāpū nei au nō Iesu Mesia, tō tātou Fa’aora, tei ha’api’i ia tātou ’ia here i te tahi ’e te tahi mai tāna i here ia tātou. Tē pure nei au e ’ia nā reira tātou.

Tītīhoria : E ta’ata tei tītauhia ’ia fa’aru’e i tō rātou fare ’e ’ia haere i te tahi ’ē atu vāhi ’ia pāruruhia rātou.

« Tē hina’aro nei tō tātou ao i tō ’outou maita’i ’e tō ’outou here. ’A fa’a’ite i te maita’i i te tahi ’e te tahi ».

Peresideni Dallin H. Oaks

Nāhea ’ia ha’amātau i te hō’ē hoa ’āpī

Friend, July 2021 Tier 2

Nāhea ’outou i te fa’a’ite i te maita’i i te hō’ē ta’ata ’āpī ? Ē mai te mea nō roto mai rātou i te hō’ē fenua ’e’ē ? Nō te ta’ahira’a tāta’itahi, ’a fa’a’ī i te hō’ē mana’o nō ’outou iho.

1. ’A ’ata’ata ’e ’a parau ’ia ora na.

   • « ’Ia ora na ! ’O vai tō ’oe i’oa ? »

   • « Tē ’oa’oa nei au ē tei roto ’oe i tā mātou piha ha’api’ira’a ».

   • ________________________________

2. ’A feruri na e aha tō rātou mana’o :

   • E māmahu nō te mea ’aita tō rātou e hoa ’aore rā e paraparau rātou i te hō’ē reo ta’a ’ē.

   • E ’oto nō te mea tē mihi nei rātou i tō rātou fare.

   • E pe’ape’a nō te mea______________________.

3. ’A ani manihini ia rātou.

   • « E hina’aro ānei ’oe e ha’uti nā muri iho ia mātou ? »

   • « E pārahi ’āmui ana’e tātou ».

   • ____________________________

4. ’A fa’a’ite i te maita’i ’e ’a tauturu.

   • « Hin’a’aro anei ’oe e ’apiti mai iā’u nō te tāmā’a? ».

   • « Teie tā tātou e rave i muri iho ».

   • _______________________________

5. Ha’api’i mai nō ni’a ia rātou.

   • « E aha tā ’oe ha’uti au roa ? »

   • « Nāhea ’oe ’ia parau i terā mea i roto i tō ’oe reo ? »

   • _________________________________

6. Mai te mea e ’ite ’outou ia rātou ’ia hāmani-’ino-hia :

   • ’A paraparau nō rātou.

   • ’A paraparau ia rātou ’aore rā a ha’uti ’e o rātou.

   • ____________________________

Friend, July 2021 Tier 2

Fa’ahōho’ara’a nā Abby Carter