I muri a’e i tō Iesu ti’afa’ahoura’a, ’ua ’ite ’oia i tāna mau pipi tē tāi’a ra i roto i te hō’ē poti. ’Aita i roa’a a’e tā rātou i’a. ’Ua parau atu ra Iesu ia rātou ’ia tāora i tā rātou ’ūpe’a i te tahi a’e pae o te poti. Nō te rahi o te i’a tei roa’a ia rātou ’ua teiaha roa tā rātou ’ūpe’a ! I muri iho ’ua ’āmui atu te mau pipi ia Iesu i ni’a i te fenua. ’Ua pārahi rātou i pīha’i iāna i te pae auahi. ’Ua tufa Iesu i te faraoa ’e te i’a ’e o rātou. ’Ua ani ’oia ia Petero, « ’Ua here ānei ’oe iā’u ? » I muri iho ’ua parau ’oia, « ’a fa’a’amu i tā’u māmoe ». Te aura’a ra, ’ua hina’aro ’oia ’ia ’ōpere ’o Petero i te ’evanelia ia vetahi ’ē. E nehenehe tātou e fa’a’ite i te here ia Iesu nā roto i te ’ōperera’a nā vetahi ’ē, mai tāna i rave.
Hōho’a
A photo of Grayson Copa
’Ua tauturu vau ’ia hāmani i te mau faraoa monamona nā te mau ta’ata ’āpī e fa’aea ra i te tahi pae i o mātou. E reo ’arapia noa tā te vahine i paraparau, ’ua ani mai rā ’oia ia mātou ’ia tomo i roto. ’Ua ’āmui mātou ’e ’ua ha’amātau te tahi ’e te tahi noa atu ē e ’ere hō’ē ā reo tō mātou. E mea maita’i roa ’oia, ’e ’ua au roa vau i roto.
Grayson C., 5 matahiti, Abu Dhabi, Arapia tāhō’ēhia