Te mau tāreta ’ā’amu o te ’Ēkālesia
E tāpūpū i te mau tāreta, e tūfetu nā ni’a i te rēni i periotahia, ’e e tāpiri i te reira i te rīpene ’ī’iru.
Jane Manning James
1822–1908
« ’Ua haere mātou… e fa’a’oa’oa ia mātou, e hīmene i te mau hīmene, ’e e ha’amāuruuru i te Atua ».
Nā James Goldberg, « Te ’a’amu o te orara’a o Jane Manning James », ʼĀʼamu o te ʼĒkālesia, 11 nō Tītema 2013, history.ChurchofJesusChrist.org.
-
’Ua tomo mai ’oia i roto i te ’Ēkālesia i Connecticut, te fenua Marite.
-
’Ua ta’ahi tōna ’utuāfare ’ua hau i te 800 maile (1287 km) nō te ’āmui atu i te feiā mo’a nō Nauvoo. ’A tahetahe ai tō rātou ’āvae i te toto, ’ua pure rātou ’ia fa’aorahia, ’e ’ua pāhono mai te Atua i tā rātou mau pure.
-
’Ua parau Iosepha Semita ē, e fa’aro’o rahi tōna.
-
Noa atu ’ua fa’aruru ’oia e rave rahi mau tāmatara’a, ’ua vai ha’apa’o noa ’oia i te ’evanelia i te tā’āto’ara’a o tōna orara’a.
Parley P. Pratt
1807–1857
« Tei ni’a iho iā’u te Vārua o te Atua, ’e ’ua ’ite au… e parau mau te Buka [a Moromona] ».
Autobiography of Parley P. Pratt (1938), 38.
-
’A tai’o ai ’oia i te taime mātāmua i te Buka a Moromona; ’aita ’oia e nehenehe e fa’aea. ’Ua tai’o ’oia i te reira i te tā’āto’ara’a o te mahana ’e te tā’āto’ara’a o te pō.
-
’Ua tāvini ’oia i te mau misiōni i Canada, i Peretāne, i Tireni ’e i te mau motu i te pae Apato’a nō Patifita.
-
’Ua pāpa’i ’oia i te mau hīmene ’o tā tātou e hīmene fa’ahou nei i teie mahana, mai te « Iesu tei fānauhia ra » (Te mau hīmene, N°113).
-
’O ’oia te hō’ē o te mau ’āpōsetolo mātāmua tei pi’ihia i roto i te ’Ēkālesia tei fa’aho’i-fa’ahou-hia mai.
Faʼahōhoʼaraʼa nā Brooke Smart