Mau ’ā’amu o te pāpa’ira’a mo’a
E hi’ora’a nō te fa’anahonahora’a a te Atua
I te hō’ē mahana, tē tai’o ra Iosepha Semita ’e ’o Sidney Rigdon i te mau pāpa’ira’a mo’a. ’Ua fāri’i rāua i te hō’ē ’ōrama. ’Ua ’ite rāua i te Metua i te ao ra ’e ia Iesu Mesia.
’Ua ha’api’i mai rāua ē, hou tātou ’a fānauhia mai ai, ’ua ora na tātou i te ra’i ’e te Atua.
’Ua haere mai tātou i te fenua nei nō te ha’api’i mai nāhea i te pe’e ia Iesu ’e i te fa’aro’o i te Vārua Maita’i. Tē ha’api’i mai nei tātou i te ha’apa’o i te mau fa’auera’a ’e ’ia tātarahapa ’ia rave ana’e tātou i te mau mā’itira’a ’ino.
I muri mai i tō tātou pohera’a, e ti’afa’ahou mai tātou. Mai te mea e ta’ata parauti’a tātou, e ora fa’ahou tātou ’e tō tātou Metua i te ao ra.
E nehenehe au e ha’api’i mai nō ni’a i te fa’anahonahora’a a te Atua i roto i te mau pāpa’ira’a mo’a. Maoti Iesu, e nehenehe au ’e tō’u ’utuāfare e vai e ā muri noa atu.
Faʼahōho’araʼa nā Apryl Stott