Ha’uti ’āmui i te fa’anahora’a nō te fa’aorara’a
Ha’uti i teie ha’uti nō te ha’api’i mai nō ni’a i te fa’anahora’a a te Metua i te ao ra. ’A fa’a’ohipa i te pipi ’aore rā i te mau moni pa’ari ’ei mau toata nō te ha’uti. Nō te taime o te ta’ata tāta’itahi, e taora i te tiupa ’aore rā e mā’iti mai i te hō’ē nūmera ’e ’a fa’anu’u i tā ’oe toata ’ia au i te rahira’a ’oehā i fa’a’itehia. ’Ia mahemo ana’e te ta’ata mātāmua i te feti’a, ’a tai’o i te ’ōpūpū. I te taime i muri iho ’ia mahemo te hō’ē ta’ata i te reira feti’a, ’a rave i te ’ātivite.
-
Te orara’a hou teie orara’a : I ora na tātou i pīha’i iho i tō tātou nā metua i te ra’i ra. ’Ua mā’iti tātou ’ia pe’e ia Iesu Mesia ’e ’ia haere mai i ni’a i te fenua nei.
’A hīmene « I Lived in Heaven » (Children’s Songbook, 4).
-
Fenua : ’Ua haere mai tātou i te fenua nei nō te fāri’i i te hō’ē tino, nō te ha’api’i mai, ’e nō te tupu i te rahi. E nehenehe tā tātou e mā’iti i rotopū i te maita’i ’e te ’ino.
Tai’o Alama 34:32.
-
Te Tāra’ehara a te Mesia : ’Ua haere mai Iesu Mesia i ni’a i te fenua nei ’e ’ua ora i te hō’ē orara’a maita’i roa. ’Ua ’ite ’oia i tō tātou mau māuiui. ’Ua fa’atusia iāna nō tātou ’ia ti’a ia tātou ’ia tātarahapa.
’A hīmene « Il envoya son fils aimé » (Chants pour les enfants, 20–21).
-
Te ao vārua : I muri a’e i tō tātou pohera’a, e ora noa tō tātou vārua. Te mau ta’ata ’aita i ha’api’i mai i te ’evanelia i ni’a i te fenua nei e nehenehe rātou e ha’api’i mai i reira.
Tai’o Alama 40:11.
-
Ti’afa’ahoura’a : Nō te mea ’ua ti’afa’ahou mai Iesu mai te pohe mai, e ora fa’ahou tātou pā’āto’a ! E ’āmui fa’ahou tō tātou tino ’e tō tātou vārua.
’A hīmene « Jesus est-il ressucité ? » Chants pour les enfants 45).
-
Bāsileia tīretiēra : Maoti Iesu Mesia, e nehenehe tātou e riro mai tō tātou Metua i te ao ra ’e ’ia ora i pīha’i iho i tō tātou ’utuāfare e a muri noa atu.