Te mau rima tauturu ’ati a’e te ao nei
Fārereira’a ia Eta nō Hāmoa Marite
Fārereira’a i te mau tamari’i Paraimere e tauturu ra ia vetahi ’ē, mai tā Iesu i nā reira.
Te mau mea ato’a nō ni’a ia Eta
Matahiti : e 9
Nō : Hāmoa Marite
Mau reo : Reo peretāne ’e te ha’api’i nei i te reo hāmoa
’Utuāfare : māmā, papa, e piti taea’e, ’e hō’ē tuahine
Te mau fā ’e te mau moemoeā : 1) Haere i te misiōni. 2) Fa’aipoipo i roto i te hiero. 3) ’Ia roa’a te parau tū’ite i te fare ha’api’ira’a tuatoru. 4) E rave mai i te fare tunura’a faraoa a tōna māmā.
Te rima tauturu a Eta
E fatu te māmā o Eta i te hō’ē fare tunura’a faraoa monamona i ni’a i tō rātou motu. E mea au roa nā Eta ē tōna tuahine tu’ana, ’o Talai, e ’ōpere nā tō rāua mau ’orometua ’e te feiā fa’atere ’e nā te mau ta’ata tei roto i te fifi. I te tahi taime, e tere haere rāua nā ni’a i te pere’o’o ’e tō rāua māmā ’e e horo’a haere i te mau faraoa monamona ’e te tahi atu mau monamona nā te mau ta’ata tā rātou e ’ite i ni’a i te purūmu. E ’oa’oa roa te ta’ata ’e e ’oa’oa ato’a ’o Eta ’e ’o Talai ’ia ’opere. E rahi a’e tō rāua ’oa’oa ’ia ’ōpere i te mā’a nō roto mai i te fare tunura’a faraoa i te ’amu rāua iho i te reira! Tē ha’api’i nei rāua to’opiti i te tunu i te faraoa ’ei hō’ē o tā rāua mau ’ōpuara’a nō te mau tamari’i ’e nō te feiā ’āpī i teie matahiti, nō reira e roa’a noa tā rāua monamona nō te ’ōpere.
’Ua parau Eta, « mea au nā’u ’ia ’ōpere nā vetahi ’ē nō te mea, e fa’a’oa’oa te reira ia rātou, ’e e fa’a’oa’oa te reira iā’u. ’Ua ’ite au ’o terā tā tō tātou Metua i te ao ra e hina’aro ’ia rave tātou ».
Te mau mea au-roa-hia e Eta
Vāhi : Te mau vāhi fa’ahe’era’a miti i ni’a i tōna motu, i reira ’oia e au roa ai ’ia haere e ’au.
’Ā’amu nō ni’a ia Iesu : I tōna ti’afa’ahoura’a
Hīmene Paraimere : « Ces mots d’amour » (Chants pour les enfants, 102–03).
Mā’a :’Ūmara putete farai
Te ’ū : Vare’au
Tumu parau i te fare ha’api’ira’a : Nūmerara’a
Fa’ahōho’ara’a nā Sammie Francis