ដំណើររឿងក្នុងព្រះគម្ពីរ
ព្រះយេស៊ូវគ្រីស្ទដាក់ឈ្មោះសាសនាចក្ររបស់ទ្រង់
ព្រះអម្ចាស់បានប្រាប់យ៉ូសែប ស្ម៊ីធពីរបៀបដែលត្រូវដាក់ឈ្មោះសាសនាចក្រ ។ ទ្រង់បានមានបន្ទូលថាសាសនាចក្រនេះនឹងត្រូវហៅថា « សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ » ។
ពាក្យ ព្រះយេស៊ូវគ្រីស្ទ គឺជាផ្នែកដ៏សំខាន់បំផុតនៃឈ្មោះរបស់សាសនាចក្រនេះ ។ ដោយសារសាសនាចក្រនេះជាសាសនាចក្ររបស់ព្រះយេស៊ូវគ្រីស្ទនោះសាសនាចក្រនេះត្រូវបានដាក់ឈ្មោះតាមព្រះនាមទ្រង់ ។
ពួកបរិសុទ្ធថ្ងៃចុងក្រោយ មានន័យថាសមាជិកនៃសាសនាចក្រសព្វថ្ងៃនេះ ។
ពួកព្យាការី និងពួកសាវកបានបង្រៀនថាការប្រើឈ្មោះត្រឹមត្រូវនៃសាសនាចក្រគឺមានសារៈសំខាន់ណាស់ ។ វាជួយឲ្យអ្នកដទៃដឹងថាយើងជឿលើព្រះយេស៊ូវគ្រីស្ទ ។
នៅពេលអ្នកផ្សេងទៀតសួរខ្ញុំពីអ្វីដែលខ្ញុំជឿខ្ញុំ អាចនិយាយថា « ខ្ញុំជឿលើព្រះយេស៊ូវគ្រីស្ទ ។ ខ្ញុំជាសមាជិកសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ » ។
រចនារូបភាព ដោយ អាបរីល ស្តុត