ដំណើររឿងក្នុងព្រះគម្ពីរ
ព្រះវិហារបរិសុទ្ធខឺតឡង់
ព្រះបានប្រាប់យ៉ូសែបស្មីធឲ្យសាងសង់ព្រះវិហារបរិសុទ្ធ ។ ព្រះវិហារបរិសុទ្ធនឹងក្លាយទៅជាដំណាក់របស់ព្រះ ។
ពួកបរិសុទ្ធបានធ្វើការជាមួយគ្នាដើម្បីសាងសង់ព្រះវិហារបរិសុទ្ធមួយឡើង ។ បុរសៗបានសាងសង់ជញ្ជាំងខ្ពស់ៗ ។ ស្ត្រីៗដេរវាំងនន និងកម្រាលព្រំ ។ ក្មេងៗបានជួយយកឧបករណ៍ និងទឹកឲ្យដល់ក្រុមការងារ ។
ពួកបរិសុទ្ធបានចូលទៅខាងក្នុងនៅពេលព្រះវិហារបរិសុទ្ធបានធ្វើហើយរួចរាល់ ។ ពួកគេបានច្រៀងចម្រៀងហើយស្រែកថា« ហូសាណា ! » យ៉ូសែបបានពោលពាក្យអធិស្ឋានដើម្បីឧទ្ទិស ( ប្រសិទ្ធពរ )ព្រះវិហារបរិសុទ្ធ ។
មួយសប្តាហ៍ក្រោយមកព្រះយេស៊ូវគ្រីស្ទបានយាងមកជួបយ៉ូសែបស្ម៊ីធ និងអូលីវើរខៅឌឺរីនៅក្នុងព្រះវិហារបរិសុទ្ធ ។ ព្រះយេស៊ូវបានមានបន្ទូលថាទ្រង់ទទួលយកព្រះវិហារបរិសុទ្ធជាព្រះដំណាក់របស់ព្រះអង្គ ។
សព្វថ្ងៃនេះមានព្រះវិហារបរិសុទ្ធជាច្រើននៅទូទាំងពិភពលោក ! ព្រះវិហារបរិសុទ្ធនីមួយៗ គឺជាទីកន្លែងមួយដ៏បរិសុទ្ធ ។ ថ្ងៃណាមួយខ្ញុំនឹងចូលទៅខាងក្នុងហើយធ្វើកិច្ចសន្យាជាមួយព្រះ ។
រចនារូបភាព ដោយ អាបរីល ស្តុត