មកពីគណៈប្រធានទីមួយ
ការច្រៀងចម្រៀងថ្វាយព្រះយេស៊ូវ
ដកស្រង់ពី « Worship through Music, » Ensign ខែ វិច្ឆិកា. ឆ្នាំ១៩៩៤ ទំព័រ ៩–១២ ។
ការច្រៀងទំនុកតម្កើង និងចម្រៀងកុមារគឺជាវិធីមួយដើម្បីបង្ហាញសេចក្តីស្រឡាញ់របស់យើងចំពោះព្រះយេស៊ូវ ។ ទ្រង់បានធ្វើគំរូមួយសម្រាប់យើង ។ នៅចុងបញ្ចប់នៃអាហារថ្ងៃចុងក្រោយព្រះយេស៊ូវ និងសាវករបស់ទ្រង់បានច្រៀងជាមួយគ្នា ( សូមមើលម៉ាថាយ២៦:៣០ ) ។
ការច្រៀងចម្រៀងអាច ៖
-
បង្ហាញសេចក្ដីស្រឡាញ់ របស់យើងចំពោះព្រះយេស៊ូវ ។
-
អញ្ជើញឲ្យមាន ព្រះវិញ្ញាណបរិសុទ្ធ ។
-
រៀបចំខ្លួនយើងដើម្បីរៀនដំណឹងល្អ ។
-
ផ្ដល់កម្លាំង ខាង វិញ្ញាណឲ្យយើង ។
នៅពេលអ្នកច្រៀងសូមគិតអំពីពាក្យពេចន៍ដែលកំពុងច្រៀង ។ នៅពេលអ្នកត្រូវបានល្បួងឲ្យធ្វើការជ្រើសរើសមិនត្រឹមត្រូវសូមព្យាយាមគ្រហឹមបទចម្រៀងរបស់កុមារ ។ នៅពេលអ្នកច្រៀងអ្នកនឹងមានអារម្មណ៍កាន់តែជិតស្និទ្ធទៅនឹងព្រះវរបិតាសួគ៌ និងព្រះយេស៊ូវគ្រីស្ទ ។
ក្ដីសុខក្នុងទ្រង់
នៅយប់មួយ នៅពេលដែលព្រះយេស៊ូវ និងពួកសិស្សរបស់ទ្រង់កំពុងនៅលើទូកនោះមានខ្យល់ព្យុះដ៏ធំមួយ ។ ពួកសិស្សមានការភ័យខ្លាច ។ ពួកគេបានដាស់ព្រះយេស៊ូវឲ្យតើនឡើង ហើយបានសូមជំនួយពីទ្រង់ ។ « ហើយ [ ព្រះយេស៊ូវ ] កាលតើនឡើង ទ្រង់កំហែងខ្យល់ក៏បង្គាប់ទៅសមុទ្រថា ចូរស្ងៀមទៅ ហើយឈប់ចុះ ។ នោះខ្យល់ក៏ស្ងប់ ហើយស្ងាត់ឈឹងសូន្យទាំងអស់ទៅ » ( សូមមើល ម៉ាកុស ៤:៣៩ ) ។
ចូរផាត់ពណ៌លើរូបភាព ។ បន្ទាប់មកសរសេរបទចម្រៀងមួយចំនួនដែលអ្នកចូលចិត្តអំពីព្រះយេស៊ូវ ។ នៅពេលដែលអ្នកមានអារម្មណ៍ឯកា ឬភ័យខ្លាចសូមច្រៀងចម្រៀងមួយបទដើម្បីទទួលអារម្មណ៍លួងលោម និងសន្តិភាព ។
រចនារូបភាពដោយ យ៉ារ៉េត ប៊េក ស្ត្រេន