ដៃជំនួយនៅជុំវិញពិភពលោក
ជួប ជាមួយ ផតទ័រ មកពីប្រទេសប៉ូឡូញ
ដកស្រង់មកពីការសម្ភាសមួយជាមួយអេម៊ី ជេន លីវិត ។
ជួបកុមារថ្នាក់អង្គការបឋមសិក្សាកំពុងជួយអ្នកដទៃ ដូចព្រះគ្រីស្ទបានធ្វើ ។
រឿងលម្អិតអំពីផតទ័រ
អាយុ ៖ 10 ឆ្នាំ
មកពី ៖ ស.រ.អា.ហើយកំពុងរស់នៅប្រទេសប៉ូឡូញ
ភាសា ៖ ភាសាអង់គ្លេស និង កំពុងរៀនភាសាបារាំង
ក្រុមគ្រួសារ ៖ ប៉ាម៉ាក់បងប្រុសអេថាន,មេសិន និងប្អូនប្រុសខនន័រហើយឆ្កែមួយក្បាលឈ្មោះជិនជើរ
គោលដៅ និងក្តីសុបិន ៖ ក្លាយទៅជាពេទ្យសត្វ និងមើលថែសត្វទាំងឡាយ ។
ដៃជំនួយរបស់ផតទ័រ
ផតទ័រតែងតែរកមើលការងារតួចតាចដែលគាត់អាចធ្វើដើម្បីជួយដល់អ្នកដទៃ ។ នៅផ្ទះគាត់ជួយឪពុកម្តាយរបស់គាត់ធ្វើម្ហូបសម្រាប់គ្រួសារ ។ នៅសាលារៀនគាត់តែងតែខំធ្វើឲ្យមនុស្សគ្រប់គ្នាបានចូលលេងហ្គេមជាមួយគ្នា ជាពិសេសក្មេងៗដែលជារឿយៗត្រូវបានគេមិនហៅឲ្យលេងជាមួយ ។ គាត់ជួយថែរក្សាសម្ភារលេងពេលចេញលេងទោះបីគាត់មិនបានលេងសម្ភារនោះក៏ដោយ ។ គាត់ក៏ធ្វើអ្វីៗដើម្បីជួយសត្វផងដែរ ។ គាត់គឺជាសមាជិកនៅក្នុងក្លឹបមួយនៅសាលាដែលបង្កើតប្រដាប់ប្រដាលេងសម្រាប់សត្វឆ្កែនៅកន្លែងចិញ្ចឹមសត្វ ។
ផតទ័របានជួយដោយការចូលរួមនៅក្នុងគម្រោង BillionGraves ផងដែរ ។ គាត់ និងក្រុមគ្រួសាររបស់គាត់បានទៅទីបញ្ចុះសពមួយដើម្បីថតរូបម៉ុងបញ្ចុះសព ។ ប្អូនប្រុសរបស់គាត់ខនន័របានជួយថតរូបផងដែរ ។ បន្ទាប់មកពួកគេបានបញ្ចូលរូបថតទាំងនោះទៅក្នុងគេហទំព័ររបស់គម្រោង ។ រូបថតទាំងនេះនឹងជួយមនុស្សនៅជុំវិញពិភពលោកដែលកំពុងស្វែងរកព័ត៌មានអំពីបុព្វការីជនប៉ូឡូញរបស់ពួកគេ ។
ចំណង់ចំណូលចិត្តរបស់ផតទ័រ
ទីកន្លែង ៖ រដ្ធវឺជីញៀ ស រ អា និងហឿស៊ីផាកនៅក្នុងរដ្ធផែនសិលវែនញៀរ ស.រ.អា.
ដំណើររឿងអំពីព្រះយេស៊ូវ ៖ នៅពេលដែលទ្រង់ធ្វើឲ្យសមុទ្រស្ងប់
ចម្រៀងកុមារ ៖ « Gethsemane » ( នៅក្នុងទស្សនាវដ្តី ប្រិយមិត្ត ឬ លីអាហូណា ខែ មីនា ឆ្នាំ ២០១៨ )
អាហារ ៖ ម៉ាន់ឌូ ( នំប៉ាវកូរ៉េ )
ពណ៌ ៖ ពណ៌ស្វាយ
មុខវិជ្ជានៅសាលា ៖ អំណាន និងគណិតវិទ្យា
ផតទ័រជួយថតរូបនៅក្នុងទីបញ្ចុះសពសម្រាប់គម្រោងពង្សប្រវត្តិទូទាំងពិភពលោក ។
រចនារូបភាពដោយ ស៊ី. ប៊ី. ខានហ្កា