E le afaina le vave aoao o lau fanau e uiga i le malumalu. E tusa lava pe leai se malumalu e lata ane, e mafai ona e fesoasoani ia i latou ia saunia e maua se pepa faataga o le malumalu. Faitau faatasi le tala o loo i le itulau 36, ma talanoa e uiga i auala e mafai ona latou saunia ai e ulu atu i le malumalu. E mafai foi ona e faaaogaina le itulau 35 e talanoa ai e uiga i le faatalanoaga o le malumalu. Faamanatu ia i latou e le faapea e tatau ona latou atoatoa ina ia agavaa ai.
I le itulau e 24, e mafai ona e faaali atu ia i latou pe o le a faapei le faia o papatisoga i le malumalu. Afai ua e oo i le malumalu, tau atu ia i latou pe o le a lona uiga ia te oe. Fesoasoani ia i latou e tulimatai atu e o i ai i se aso!