Sau, Mulimuli Mai ia te A’u

Taimi Fiafia i Tusitusiga Paia

O nei manatu e o faatasi ma le Sau, Mulimuli Mai ia te A’u—mo Tagata Taitoatasi ma Aiga i vaiaso taitasi.

Faalogo ma Taitai

Usu le “O Au o se Atalii o le Atua” (Tusipese a Tamaiti, 2).
Sa fetalai mai Iesu, “Ia e lotomaualalo; ma o le a taitai ai oe e le Alii lou Atua i le lima, ma tuu mai ia te oe tali i au tatalo” (Mataupu Faavae ma Feagaiga 112:10). E Finagalo le Tama Faalelagi e fesoasoani mai ia i tatou!
Fai se ala o se faafitauli i mea faitino i fafo po o totonu o lou fale. Tuu atu i se tagata e toatasi e fai se fusi mata. Tuu atu i se isi tagata e uu o latou lima ma taitai i latou ma le faaeteete i le ala o le faafitauli. Feauauai i le taitaiina ma le mulimuli atu.

Usu le “O Le Ekalesia a Iesu Keriso” (Tusipese a Tamaiti, 48).
Ua ta’ua Lana Ekalesia, O Le Ekalesia a Iesu Keriso o le Au Paia o Aso e Gata Ai (tagai i le Mataupu Faave ma Feagaiga 115:4). E mafai ona e faitau atili e uiga i le igoa o le Ekalesia i le itulau e 42.
Faafoliga mai o se tasi o outou e lei faalogo muamua lava i le Ekalesia. Feauauai i le faasoaina atu o mea ua e talitonu i ai ma faataitai ona ta’u le igoa atoa o le Ekalesia.

Usu le “Le Alofa o Lo’u Faaola,” (Tusipese a Tamaiti, 42).
O taimi faigata e le tumau e faavavau. E mafai e le Tama Faalelagi ma Iesu ona faamanuiaina ma fesoasoani ia i tatou (tagai i le Mataupu Faavae ma Feagaiga 121:7–8).
Ia auauai i le si’iina o se mea mamafa. Talanoa e uiga i le si’iina o lena avega e pei o le feagai ai ma se taimi faigata. E mafai faapefea e tofotofoga ona faamalosia i tatou ma fesoasoani ia i tatou ia tuputupu ae? Ia si’i le mea faitino faatasi ma le fesoasoani a se isi tagata. Faamanatu i tagata uma e fesoasoani Iesu Keriso ia i tatou e tauave a tatou avega.

Usu le “Ua Ou Faia Ea se Lelei?” (Viiga, nu. 136).
E fiafia Iesu pe a tatou taumafai e fai mea lelei (tagai i le Mataupu Faavae ma Feagaiga 124:15–21).
Oti ni fatu pepa ma tusi ai se ata o oe o loo faia se mea lelei i fatu ta’itasi. I aso ta’itasi o le vaiaso lenei, filifili se fatu ma fai le mea o loo faaalia i le ata.

O Le Ekalesia a Iesu Keriso o le Au Paia o Aso e Gata Ai