Mauaina o se Pepa Faataga o le Malumalu

A e mauaina lau pepa faataga o le malumalu, o le a e faia se faatalanoaga ma lou epikopo po o le peresitene o le paranesi. E mafai ona e fesili atu ia te ia i soo se mea e te manao ai. E mafai foi ona lua iai ma sou matua pe afai e te manao ai. O nisi nei o mea o le a talanoa mai ai ia te oe.

Fesili o le Faatalanoaga o Pepa Faataga o le Malumalu

E te faatuatua i le Tamā Faalelagi, Iesu Keriso, ma le Agaga Paia?
O i ai sau molimau i le Togiola a Iesu Keriso ma i le Toefuataiga o Lana Ekalesia?
O e lagolagoina ou taitai o le Ekalesia (e pei o le perofeta, o aposetolo, ma lou epikopo)?
O e tauivi (taumafai malosi) e tausia lou mafaufau ma lou tino ia mama ma lē ponā?
O e mulimuli i aoaoga a le Ekalesia a Iesu Keriso i le auala e te taulimaina ai isi?
O e taumafai e tausia le Sapati ia paia?
O e taumafai ina ia faamaoni?
O e totogiina atoa se 10-pasene o lau sefuluai?
O e malamalama ma usiusitai i le tulafono o le Upu o le Poto?
O i ai ni agasala matuia e tatau ona e salamo ai?
O e talitonu ua e agavaa e te ulu atu i le maota o le Alii?

Ata na tusia e Emily Davis