Tala o Tusitusiga Paia
Na Faaigoaina e Iesu Keriso Lana Ekalesia
Na tau atu e Iesu Keriso ia Iosefa Samita le igoa e faaigoa ai le Ekalesia. Sa Ia faapea mai o le a faaigoaina “O Le Ekalesia a Iesu Keriso o le Au Paia o Aso e Gata Ai.”
O upu Iesu Keriso o le vaega aupito sili lea ona taua o le igoa o le Ekalesia. Talu ai o le Ekalesia a Iesu Keriso, ua faaigoaina ia te Ia.
O le Au Paia o Aso e Gata Ai o lona uiga o tagata o le Ekalesia i aso nei.
Ua aoao mai perofeta ma aposetolo e faapea, o le faaaogaina o le igoa sao o le Ekalesia e taua. E fesoasoani i isi ia iloa tatou te talitonu ia Iesu Keriso.
Pe a fesili mai isi ia te au po o le a se mea ou te talitonu i ai, e mafai ona ou fai atu, “ou te talitonu ia Iesu Keriso. Ou te auai i Le Ekalesia a Iesu Keriso o le Au Paia o Aso e Gata Ai.” ●
Ata na tusia e Apryl Stott