Lima Fesoasoani i le Lalolagi atoa

Feiloai ia Nathan mai le Ripapelika o Congo

Feiloai i tamaiti o le Peraimeri o loo fesoasoani atu i isi, e pei ona sa faia e Iesu.

Mea uma e uiga ia Nathan

Tausaga: 10

Mai: Ripapelika o Congo

Gagana: Farani

Aiga: Tina, Tama, ma nai ona tei laiti e toatolu

Sini ma Miti: 1) Ia tumau pea i le lisi o tamaiti e lelei togi i le aoga. 2) Taalo pasiketipolo. 3) Avea ma se fomai.

O Lima Fesoasoani a Nathan

Nathan reading with his younger siblings

E fiafia Nathan e faitau. O ana tusi e sili ona fiafia i ai o le Tusi a Mamona, o le Feagaiga Fou, ma tusi e fesoasoani ia te ia e aoao atili ai le faaFarani. Fai mai Nathan e taua le faitau o tusitusiga paia “e iloa ai le mea na faia e Iesu mo i tatou ma mulimuli i lana faataitaiga o le agalelei.” E fiafia o ia e fesoasoani i ona tei laiti o Stephy ma Arona e aoao ia faitau foi! E fesoasoani o ia ia i latou i a latou meaaoga ma faitauina tala o le Tusi a Mamona faatasi ma i latou. E lagona e ia le fiafia e fesoasoani atu.

E fesoasoani foi Nathan i ona tei e fai o latou moega ma sauni mo le aoga ma a latou meaai māmā ma ato faafafa. O ia o se faatupu filemu i le aoga ma e taumafai e mulimuli i le faataitaiga a Iesu o le agalelei atu i isi.

O mea e fiafia i ai Nathan

Nofoaga: O le matafaga

Tala e uiga ia Iesu: Ina ua faamalolo e Iesu ia le tamaloa tauaso

Pese Peraimeri: “Lototele o Nifae” (Tusipese a Tamaiti, 64–65)

Meaai: Moa

Lanu: Lanumoli

Mataupu i le aoga: FaaFarani